¹ "Thau era gau upu , e thau Amaku ia wa uila ganana. ² Ia natha egapivagiani raga apua thau thaokuna ne vuani, e ia na evirigirana pe ari raga evua nia ia wa map- ene vua vogovogo. ³ Mui wara thauvagi gove thalevao rep- ana thau natha ethorithori ailagithao mui elemuiai. ⁴ Pigo mia thaokuai emai thau mui thaomui. No veaina eraga pe ene vua ia geregana namu ia pene mia egau upu kapagaunai, pe no mui mai, pene mui pigo mia thau thaokuai. ⁵ Thau era gau upu, mui nara raga ma- paramui. Ia riai emiani thau thaokuai emai thau ia thaonai, ia evua vogonia, pene no- ri thau thaoku natha mui gau apua pigono alatha. ⁶ Pene uma apua ne miani thau thaokuai, ia wa eve thakwaoao no waraga veaina pe laiauau nia, pe geve ole koukou rana geve thakwa ragenia alovai, pe egala alurana. ⁷ Pene mui pigo mia thau thao- kuai, e pene thau geku thori pige mia mui thaomui, pigo verenagi ragauveairi muina go olomari agirana, thaorai wagau wara pige wala mui thaomuiai. ⁸ Thau Amaku gevarageani enai, pe mui pigo vua gauavagi pe pigo magai mui wa thau geku vevaripa aumui. ⁹ Veaina tha- u Amaku na eulamagikuo, thau na maina mui aulamagimuio. Pigo mia thau geku ul- amagi thaonai. ¹⁰ Pene thau geku rova pigo oleri thao- muiai, mui pigo mia thau geku ulamagiai, pe thau Amaku gena rova mai arogorana e amia nia ia gena ulamagi thaonai. ¹¹ Thau na ailagithao egau mui elemui ai pe thaonai thau geku verele pene mia mui thaomuiai pe mui gemi verele pene gugulu. ¹² Eia era thau geku rova, pe mui pigo veulamagi mui ma avamui repana thau na mui aulamagimuio. ¹³ Uma apua gena ulamagi na pene vanagia eulamagi apuna era - repana eapuna gena mauli eolealinia ia gena aunilimalima ularana. ¹⁴ Mui wara thau geku veau ava aumui pene mui na pigo ala agiri ragau ava ilam- muinia. ¹⁵ Rogo thau na mapa ana gog- o mui geku veala veni aumui, repana ila n- ori ripari ragau gena aukamuna na ealani. Thau na agogomuio geku uma, repana ga- u maparari amonagiri thau Amaku elenai thau na rauvagi ava ila venimuio. ¹⁶ Mui na thau noai go gapiku thau, na- mu thau na agapimui e ailagi muio pe tha- onai mui wara pigo thoa e pigo vua, pe wa mui vuamui pige miathao. Eia wara no ev- eaina ragau veairi mui na pigo nogiri thau Amaku elenai thau tharakuai, ia na pene venimui. ¹⁷ Egau nara thau na ava ilam- uini, pe thaonai mui pigo veulamagi mau- avamui thaomuiai. ¹⁸ Pene ealimapara umarana pige kuku mui, waganina ila na thau gekuku kuneku- o mulinai mui. ¹⁹ Pere mui ealimapara gena, ealimapara natha pere ulamagi mui ia geregana gena. Namu repana mui nori ealimapara gena e repana thau na agapi muio ealimapara thaona na, gaurai ealim- apara na ekuku muinia. ²⁰ Pono uamagi thaoa nathori thau nat- ha ava ilamu, 'Vealaveni auna apua na ge- na aukamuna pe ene velevanagia. 'Pene thau ila na pige alaravaku, ila na goi main- a pige alaravamu; pene ila na geku thori pige oleoara thaorai, ila na goi gemu thori maina pige oleoatha ila thaorai. ²¹ Ila natha egau maparari pige alaria mui ele- muiai repana thau tharakuai, repana ila w- ara nori riparia riaina thau emiurivoku. ²² Ere thau ara veamaio e ara thori veni thao ila, ila mage ere galamao, namu eva- namona ila noai geria thori mauli tharapa- rari geria galama thaorai. ²³ Riai natha thau ekukukunia ia natha maina thau Amaku mae kukuania. ²⁴ E- re thau na eulavunu ma atha alathao pe u- ma apua na mane alathao ila thaorai, ila noai galamari, namu evanamona ila natha geiathao pe ila na thau e thau Amaku gek- ukumaio. ²⁵ Namu e wara ethori eveai- na pene wala gugulu ewara eve alo ole ila geria rova thaonai, 'Ila na thau gekukukuo noai geku kepi apuavagi.' ²⁶ Pe Veva'auna pene veami - riai thau na pana meurivoa mui elemuiai wa thau Amaku elena natha, e wara, Vea Palauna auna aunana, eia ethoaraini thau Amaku thaona na - ia natha pene vamagaia thau olemaku. ²⁷ Mui na maina mapigo veil- agiku thau olemaku, repana mui wara tha- u elekuai mamana natha vega.