¹ "Kutoumui thaorai pigono valavuvala- vu. Pigo veva auna auna Palau Velegaua e- lenai, emaina pigo veva auna auna thau e- lekuai. ² Thau Amaku gena numa thao- nai ovua vogovagi. Pere noaigau, thau na pa ara vailamui, pe thau athoani ana veala mavua wa kapu mui ulamuina. ³ Pene thau anathoa e ana veala mavua wa kapu ulamuina, thau pana velavu ule pe mui pa- na vaioamui thaokuai, pe thau ariai mui wakapuai maina aumuiwara. ⁴ Mui maripamui etharapara na wakapu ariai thau anathao." ⁵ Thomas na eva il- athao Iesu, "Lord, thai nori ripamai wa ka- pu ariai goi othaoni, raveaina thai pagara ripa na tharapara?" ⁶ Iesu neiwao ia ele- nai, "Thau wara tharapara, e thori auna a- una, e mauli; au apua pe ene veamai thau Amaku elenai namu thaumo thaokunatha. ⁷ Ere muina goro ripakuo thau, mui na maina goro ripathao thau Amaku. Namu evanamona pene thaomo mui na pogo ri- patha ia e maina pogo iatha ia." ⁸ Philip eilaiwao Iesu elenai, "Lord, poro varipamai goi Amamu, pe ipo naveainamo na veaina thai elemaiai." ⁹ Iesu na eva ilathao ia, "Thau muiria pe thauvagi vega thaonai goi rogo thororipaku, Philip? Riai natha eiakuo ia na maina thau Amaku eia- thao. Raveaina goi noinia, 'Ono varipa mai goi Amamu'? ¹⁰ Goi thoro veva auna auna wara Thau wara Amaku thaonai e Amaku thau thaok- uai? Ethori era thau na avaliamunia thau nori ailagirana thau geregaku geku iavuai, namu e Amaku ealunia thaokuai ia na eal- athana ia gena ulavunu. ¹¹ Ono vauna aunaku era Thau wara Amaku thaonai, e Amaku era thau thaokuai, o pene raveaina pono veva auna auna repana eulavunu m- auri thaorana. ¹² Auna auna, auna auna, thau na avail- amuini, ia riai na eva auna aunakuni ia na thau na eulavunu alathana gauri mapene alaria, pe ia natha pene ala kamukamuria e iwavagiria repana thau athoa nia thau Amaku elenai. ¹³ Ragau veairi pono no- giri thau tharakuai, thau na pana alatha p- e thaonai thau Amaku pene veva nama ia Nauna thaonai. ¹⁴ Pene goi na thau po- no nogiku ragau irauirauri thau tharakuai, thau na pana alatha wagau. ¹⁵ Pene mui na pigo ulamagikuni, mui na thau geku rova pigo rogori, ¹⁶ thao- nai thau pana aoali thau Amaku elenai, pe ia natha mui pene venimui Veva-auna ma- apuatha pe thaonai ia pene alu vanagi va- nagi mui elemuiai- ¹⁷ wa Palau auna a- unana. Ealimapara natha pe ene vaia ia re- pana ia natha neiani ia pa ripathania eia. Namu mui natha goripani ia, pe ia ealunia muiria pe pene alu mui elemuiai. ¹⁸ Thau na pa ana kaliwanimui gerega- mui; thau pana velavu ulewai mui elemui ai. ¹⁹ Namu gagova nori kamukamu e alimapara na thau pe ene iawaiku, namu mui natha pigo iaku thau. Repana thau a- maulini, mui maina mapigo mauli. ²⁰ Wa garonai mui na pigo veripatha w- ara thau Amaku thaonai, pe mui wara tha- u thaokuai, pe thaonai thau wara mui tha- omuiai. ²¹ Ia riai natha thauna rova ia elenai e enakagaurana ia natha wara thau eulama- gikuni, pe ia na thau eulamagikuni ia thau Amaku na pene ulamagia, pe thau na pan- a ulamagia e thau geregaku pana veva m- aga-ai ia elenai." ²² Judas (nori Iscariot) na Iesu erenagiao, "Lord, ragau natha wa- ra pono varipamai goi geregamu thai ele- maiai namu nori ealimapara?" ²³ Iesu na ia eva ila lavu uleao neiwao, "Pene uma apua natha eulamagikuni, ia n- atha thau geku thori pene gapi oari. Thau Amaku na pene ulamagia ia, e thai piga v- eamai ia elenai e thai gemai alu numana piga alatha ia elenai. ²⁴ Ia riai na thau ne ulamagikuni ia na thau geku thori ne gapi oarana. Ethori mui na go amonagia nia era nori thau eleku natha namu ewara thau Amaku natha pemi urivoku thau. ²⁵ Thau natha egauri rauvagi availamui, thau roalunia mui elemui. ²⁶ Namu tha- onai, e Veva ava auna - e Vea Palauna era thau Amaku na ene meurivo thau tharaku- ai - ia natha ene varipamui egau mapraria pe ia natha maene vaila veniwaimui egau mapararia thau na ailagiria mui elemuiai. ²⁷ Thau na anakaliwania mui elemuiai maino; thau na avenimuinia thau geku m- aino. Thau na pa ana veveniagia ealimapa- ra na eve veniagiani veaina. Mui kutoumui pigene vivi, e pigene kali. ²⁸ Mui goamonagi wara thau na availa- mui, 'Thau ana thoa, e thau mapana velav- u ulewai mui elemuiai.' Pene mui natha go ulamagikuni, mui wara pogoro vevagele repana thau athoania thau Amaku elenai, gaurai thau Amaku wara iakamuvagi nori thau veaiku. ²⁹ Evanamona thau na pa- va ila kunemui thaonai pene vewala wath- aorai, mui pigo veva auna auna. ³⁰ Thau na goi wara mapana thori veni waimu, repana erova ganana ealimaparai emirivoni. Ia wara noai iavu thau thakuai, ³¹ namu eveainai wara ealimapara pen- e ripa wara thau na Amaku aulamagia nia, thau na ipo aulavunuagirana Amaku natha eva ilakuni. Eala elai pe ethoa ena natha."