¹ Eora vilana gena avanai evelewa thao- nai maina Ganikou(Passover). Iesu ripana wara gena ora pekwara pene thoarai eali- maparana e pene thao Amana elenai. E ul- amagiao mauna riairi wara enai alimapar- ai, ia na maina eulamagithao pene thao ik- anai. ² Wanai wa devil na rauvagi eoleo- athao Judas Iscariot kutouna thaonai e wa Simon nauna, pene lewatha Iesu. ³ Ia ripana wara Amana na gaumapara- ri eveni vanagiao ia imana thaorai pe wa ia eve amio Palau Velegaua elena natha pe wa elavu ulewai Palau Velegaua elenai. ⁴ Ia eganiganio thaonai elaio ia thaupu- ana thairi(ligo thai) egapivagithao. Mulinai ia na vetau thapuana egapiao ia aunipara- na natha ekakapa vanagiao. ⁵ Pe ia na nalu ewagiao kwau (basin) thaonai pe ia gena vevaripa auri riri ria evulirao e mae tau laithao wa thapua ethoagi vanagiao gauna natha. ⁶ Ia evanagio Simon Peter elenai, namu Peter na evailathao ia, "Lord, goi na thau ririku ono vuligi ria?" ⁷ Iesu na eva ilath- ao ia, "Ragau thau na alania goi na no ua- magi iliani evanamo, namu goi na wapono uamagi ripa eia kapinai." ⁸ Peter na ma- evailao, "Goi na po ono vuligiavagi thau ri- riku." Iesu natha eva ila lavu uleao, "Pene thau na goi pa ana vuligimu, goi noai ga- vumu thau elekuai." ⁹ Simon Peter na eva ilathao ia, "Lord, kapuku geregariamo ono vuligiria, namu imaku e repaku maina maeno vuligiria." ¹⁰ Iesu eva ilathao ia, "Ia riai wara peri- ku na veaina, gaurai kapuna mogo ene ve- vuligi; goi wa vethaleva, namu nori uma maparari." ¹¹ ( Pe Iesu ripana riai natha ia pene velewawaia; waveaina gaurai ia na eva ilathao, "Nori maparamui wara vethal- eva.") ¹² Pe waorai Iesu na evuligi aluthao ila kapuria pe gena thapua etouthao maeve alualiwaio, ia na eva ilathao, "Mui maripa- mui ragau thau na palatha mui ulamuina? ¹³ Mui natha go gogokunia 'venakau' e 'Lord,' pe mui wara gothorithori namavagi nia, repana pe Thau era. ¹⁴ Pere thau e- ra, e Lord e Venakau, natha pavuligiri mui kapumui, mui maina mavamui kapu pigo vevuligi. ¹⁵ Nara thau na eala ala pave- nimui pe wa mui na maina pigo alatha no eveaina thau na palatha mui ulamuina. ¹⁶ Auna auna, auna auna, thau na ava ilamuini, ulavunu auna na pe ene iwa(kamu vanagia) gena au parana; pa wa veunagi auna natha pe ene iwa riai na pe- unagia ia. ¹⁷ Pere mui ripamui egau, m- ui wara pene vanamamui pene mui natha eulavunu pigo alaria. ¹⁸ Thau na nori mui maparamui ailagimuini; thau ripaku r- airi thau na agapithao-namu e wara ethori veari pige gugulu gaurai: 'Ia riai na egani- ani thau geku parawa(bread) erogo ragea- ni ekapina thau erugukuni.' ¹⁹ Thau na ava ilamuini eia evanamona orina rogo pene vewala pe wa pene vewal- a, mui mapigo vevauna auna wa E THAU. ²⁰ Auna auna, auna auna, thau natha availamuini, riai na evaioani e apuna thau na auao ia natha mai evaioakuni thau, pe riai na thau evaioakuni ia na maina evaio- ani e apuna riai na eu ukuo thau." ²¹ Waoranai Iesu na eilagiao ethori, ia palauna ealalaiwa laiwao. Ia thaonai emia eilagi thakwaraiao, "Auna auna, auna au- na, thau na availamuini wara mui apuana thau pono lewaku." ²² Gena vevaripa a- uri geve ia veiawai, ge uamagiwai wa riai ia(Iesu) na eilagiawai. ²³ Vevaripa auri apua, riai Iesu na eula- magiao, ia wa emaoalio table(teipolo) kw- alunai epi avanai namu Iesu wavanai. ²⁴ Simon Peter emurumuruo auavana elethai pe neiwao, "Igo renagia riai eilagia nia." ²⁵ Pe ia evaiwaio keruna Iesu eve- niao pe erenagiao ia, "Lord, wa riai?" ²⁶ Pe Iesu na eva ilathao, "Ei wara riai thau na e parawa(bread) pana aoa e pana venia auna." Pe ia na parawa eaoao, epar- wa egapiao Simon Iscariot nauna Judas eveniao. ²⁷ Pe parawa eveniao mulinai, Satan ethoawaioao Judas elenai, pe Iesu na eva ilathao, "Ragau goi na oalani, ono ala lele." ²⁸ Waorai ila apuavagi riai wa emaoalio wa table elenai neuamagi ripao ragauna i- a na ethori evailathao ia. ²⁹ Ila vairi ge- valavuo wa, naini Judas elenai moni pute putena emiwai gaurai, Iesu na evailathao, "Pono voi ragau ia na evelewai gaririwa thana gauri," o pa ia na ragau pene veniri lealea umari. ³⁰ Mulinai, Judas na para- wa egapiao, ia velevagi ethoa thakwaraio. Wa pogi thaonai. ³¹ Pe Judas ethoao, Iesu neiwao, "Eva- namo Palau Velegaua Nauna enai pevana- mara, pe Palau Velegaua wara peva nama- naia thaonai. ³² Palau Velegaua na ene vanama mauna thaonai, pe ia velevagi ene vanamatha. ³³ Melo kimukimu, thau e mui elemuiai thoera namu ora iana mogo. Mui na igo avuku thau, pe eveaina thau na ava ilari Jews, "Ariai thau ana thoa, mui pi- gono veamai.' Evanamo thau natha veaina maina ava ilamuini ethori. ³⁴ Thau na avenimuini e rova valivuna, mui wara pigo veulamagi ma au avamui; eveaina thau na aulamagimuio, pe mui maina mapigo veulamagi ma au avamui. ³⁵ Pe eveaina uma maparari pige ripa wara mui thau geku vevaripa auri, pene gemu ulamagi oalani eapuna elenai e wa apuna maina." ³⁶ Simon Peter neiwao ia elenai, "Lord, ariai othoani goi?" Iesu natha eva ilathao, "Ariai thau athoania, mui na thau pigono thoagiuku evanamo, namu mui wapigo th- oa mulikuai kapinai valu." ³⁷ Peter nei- wao ia elenai, "Lord, ragau natha thau goi mulimuai pa ana thoa evanamo? Thau ge- ku mauli era ana olealia goi pakumuai." ³⁸ Iesu natha eva ilathao, "Pe goi gemu mauli ono olealia(mauli ono thaua) thau pakukuai? Auna auna, auna auna, thau na ava ilamuni goi, goi vaga oioi pono wapa goi nori ripamu thau mulinai kokoroku pe- ne pai(agi)."