¹ Garo aula oioi vilari gena avanai wara Ganikou, Iesu ethao Bethany ai, e kapuai Lazarus wara, e ia Iesu na eva laiwaia war- ega thaona na. ² Pe eila natha wapogi- nai ganigani gealathao Iesu gena, pe na gangani ewarethawai, namu Lazarus wara ia waila thaorai emaoali table epinai Iesu ila. ³ Thaonai, Mary na moenama rigan- a wara Iesu gagena e ririna euruthao, pe evavine vuina na Iesu ririna euru laithao. Wa numa thaona maparana emoe naman- a moena ethoathoa agiao. ⁴ Judas Iscariot, vevaripa auna(disciple) apuatha, ia natha pene velewa agia Iesu, neiwao, ⁵ Wa ragau natha e moenama (perfume) gorovoi agia no oioi inavuna de- narii(voina) pe lealea umaria magoro veni venthao?" ⁶ Waorai ia na eilagiao ethori ganina, repana nori ia eve nuaviole lealea umari elethai, namu repana ia wara lema auna. Ia elenai moni poraporana ethogoa pe mapene lema pora thaonai ragau pige uraria. ⁷ Iesu neiwaio, "Pigo vagelea evavine elenai ragau emiao wagaro thau geku ve- oleali pakunai. ⁸ Mui na vanagivanagi i- go aluagiri elealea umari epimuiai. Namu mui natha thau pigono aluagiku vanagiva- nagi." ⁹ Waoranai uma kamuvagi Jews geripao wara Iesu aunawara wanai, pe ila gethao, nori Iesu mogo ulana na, namu wa maina Lazarus pige iatha, riai Iesu na eva laiwaio warega natha. ¹⁰ E rupu veleria gethori koukouo veainai ila na maina Lazarus pige olea waregai; ¹¹ no ia wara waolema v- eaina ewala ia elenai gaurai Jews iavogo g- ethoa pao e geve vauna aunao Iesu thao nai. ¹² Rapa eluvao garo valivuna uma kam- uvagi ethoao evelewa thaonai. Wanai ila geamonagio wara Iesu enethao Jerusalem ai, ¹³ ila kalamokalamo e gaupu lauria ge touri pe geve rua thalothaloao ia pe g- eagi gogowai, "Hosanna! Vevanama era ia riai peve ami ethara thaonana era Lord, e Veleiwavagi Isarael thaonai." ¹⁴ Iesu natha donkey valivuna eiathao pe eve aluauo thanai; veina eve alokuneo, ¹⁵ "Po ono ule(kali), Zion nauna vavine- na; ono ia, gemu Veleiwavagi(King) eveami ni, ealuo donkey maluanena unai(thanai)." ¹⁶ Gena vevaripa auri noai geriparia eg- au wamamanai; namu waora Iesu maiavu- na, ila geuamagi lavu uleo wara egau rau- vagi geve alo ia olemana pe thaorai ila na gealathao egau ia elenai. ¹⁷ Waorai uma kamuvagi geiao marana ila auria wara thaonai ia na Lazarus egogo thakwaraia gena warega legana(tomb) pe eva laiwaiao ewaregao mulinai. ¹⁸ E wa maina eolema pakunai e uma kamuvagi g- ethoao wanai pige verawalia, repana ila g- eamonagi ia na ealathao evailia. ¹⁹ Wa Pharisees gaurai geilaiwao mauri thaorai, "Pogo iatha, mui gauwaua pigono alatha; igo ia, ealimapara pe thoa ia mulinai." ²⁰ Waoranai Greeks gelena maina wara mauriawara riairi geve ragewai pige aoali evelewa avanai. ²¹ Eila gethao Philip el- enai, riai wa Bethsaida auna Galilee ai, pe ia gerenagiao, negei, "Velevelemu(Sir), th- ai gaririwani iga iatha Iesu." ²² Philip e- thao pe Andrew evailao; Andrew ma Philip gethao, pe ila na Iesu geva ilathao. ²³ Iesu na ila eva ilalavu ulethao pe nei- wao, "Eora pekwara era Palau Nauna mal- uanena pige varagea. ²⁴ Auna auna, au- na auna, thau na ava ilamuini, pere mave- aina e varovaro wheat na pere ouale alim- aparai pere warega, ia pere mia no gereg- ana; namu pere ia pene warega, ia pene vua gauavagi. ²⁵ Riai ia geregana eve ulamagini gena mauli pene gapi thalavua; namu riai eparu ni veniani gena mauli ealimapara thanai ia na pene rogoa maulimia vanagivanagi ula- na natha. ²⁶ Pene ari apuana eala veni- kuni, ia mulikuai pene thoa; pe thau ariai, wanai wara geku vealaveni auna maina m- aunawara. Pene ari apuna natha ealaveni- kuni, Palau Velegaua na pene vanamatha ia. ²⁷ Eora thau palauku pe kepi pe ragau thau mapara ilaiwa? 'Amaku, poro vamau- liku eoranai'? Namu repana e gau pakunai thau pave ami eorai. ²⁸ Amaku, ono va- namatha gemu thara." Thaonai karo apu- na emirivo ole kupauna natha pe eilaiwao, "Thau na avanamathao ia pe thau natha ia mana vanama waia." ²⁹ Wanai wa uma kamuvagi geruao thaonai ila geamonagio wa ethorio e ekuluao. Mavairia gethorio, "Na aneru apuna natha ia ethori veniao." ³⁰ Iesu ethori lavu uleo pe neiwao, "E k- aro neveami thau ulakuna, namu mui ula- muina. ³¹ Evanamona era ealimapara pene veaithori: Evanamona wara ealimap- arai erova velena pene vethakwarai. ³² Waveaina thau pana verage gau unai ealimapara pana kaliwania, thau na ila m- apathari pana vaiaviri elekuai." ³³ Ia na eilagi magaiao ari warega apuna veaina ia pene warega. ³⁴ Wa uma vogovagi na ia geva ilathao, "Thai na gamonagiao erova thaonai wara Keriso ene alu thaovega. Raveaina goi ma noinia, 'Palau Velegaua Nauna ene verage gau unai'? Eia riai Amana Nauna?" ³⁵ Iesu na mae vailathao ila, "E matha thoene mia mogo elemuiai namu vekara- wana nori kamuvagi. Igo thoa ematha mui elemuai gauna era thaonai, ori natha mu- na natha mui egapi gaugaumui nia. Ia riai ethoani muna gauavagi thaonai ia noririp- ana ia arinatha ethaoni. ³⁶ Mui elemuai ematha thoera thaonai, igo veva auna au- na ematha thaonai mui maina wara emat- ha nauna vairi. "Iesu na eilagiri ethorithori mulinai ia na ekaliwaniri pe eve malao ila elethana. ³⁷ Lewana(ariveaina) Iesu na egau iavo- go ealathao ila vilathai, namu ila noai gev- e vauna aunawai ia elenai ³⁸ pe veaina wara prophet Isaiah na thori no pene veg- ugulu, gauthai ia eilaiwa: "Lord, riai na evauna aunani gera thori thori, pe namu riai thaonai Lord imana e- va emeao(thakwaraiao)?" ³⁹ Pe eia pakunai ila na manoai gevaun- a auna, pe Isaiah na maina maeilagiao, ⁴⁰ "Ia na ila maria eva apuaputhao, e ia na ila kutouri eva gauathao; orinatha ila mageve iania matha e geri- pania mageria kutourana, pe maige lavu ule, thaonai thau natha mana meva(miva) namaria ila." ⁴¹ Isaiah na eilagiri egau repana ia na eiathao wa Iesu gena nama(iavuna) pe ia thorina eilagiao. ⁴² Wathaveaina wara namu, rova auri iavogo geve vauna auna Iesu elenai; namu wa repana Pharisees ul- athana, ila na noai geilagi thaia ila olemari pe thaorai ila pigene alavagiri(thakwarairi) airupuali numana(synagogue) natha. ⁴³ Ila na aunilimalima geria aoali geula- magi gauavagiawai namu nori aoali Palau Velegaua elena natha. ⁴⁴ Iesu eagiaoio egogo e neiwao, "Wa apuna riaina evauna aunakunia thau, ia g- ena veva auna auna nori thau mogo elek- uai namu ia maina elenai riai natha thau eukuo, ⁴⁵ pe napuna riai na eiakuni ia natha mae eiani eia riai natha eukuo. ⁴⁶ Thau ave amio no wa matha apuna e alimapara thanai, pe riaiwara evauna aun- akuni elekuai ia no mape ene mia munak- olovukolovu thaonai. ⁴⁷ Pene ari apuna na eamonagirana geku thori namu ne ole- oathana ia thaonai, thauna pa ana aithoria ia; repana thau nori ave amio ealimapara pana aithori, namu pana vamaulia ealima- para. ⁴⁸ E apuna riai na evawaikuni thau e ri- ai natha ne oleoarana geku thorithori, wa apuna na wara pene aithoria ia. Thori era thau na pailagia natha pene veaithoria ia wa garo kapikapinai. ⁴⁹ Pe thau nathori thau mauku ulakuna, namu eia era Amaku riai natha eu ukuo thau, riai natha thau e- ve niku erova(eiavu) wara ragau pana ila- gia e ragau pana thori ria. ⁵⁰ Thau ripa- ku wara gena rova wara mauli mia vanagi vanagi, pe wa eia ragau thau na pailagia- ipo era wa Amaku na eva ilakuo thau, pe thau athorini."