¹ Ni sa oti a ve'a tauco'o ana sa vavarau lao sava o Jisu i Kaleli, O eya ma maqa ni mata lao i Jutia baleta ni odra Jiu ma dra vaigavi eya na medra vamatei eya. ² Na gauna ai sa volea ni ca'a ina o dra soqo a Jiu a soqo ni vacevaceva. ³ Odra a tacina madra notu ina dra sa aya ve eya "bitia a vanua ai qo lao i Jutia, Medra rawa ni igavia leqa ga a tisaipeli a ca'aca'a io vele'e no. ⁴ E maqa ni dua a e vunitai ni oya vaioya e gutia me ilai. ⁵ E dru maqa leqa ga ni biti eya vadua a tacina. ⁶ Sa qai aya ve edru o Jisu, "Sepere ni yaco mai a oqu gauna, io a amudou gauna sa varau tai tu. ⁷ Sa maqa ni cati emudou rawa o edra a ai vuravura, io edra sa cati au niu sa varaitainia no ve'edra a a'ca ni odra i valavala. ⁸ Dou lao ca'e ina Solevu; O au na maqa ni la'o ina solevu a baleta ni se maqa ni yaco mai a oqu gauna." ⁹ Ni sa aya oti vei edru a a ana, qa notu ga oya i Kaleli. ¹⁰ Io dra sa la'o oina solevu a tacina, sa lao ca'e leqa ga a oya, sa maqa ni lao me igovi sa la'o vavunivuni ga. ¹¹ E dra sa vaigavi oya no o odra a Jiu qa dra tarogia no, "Ivei o oya?" ¹² E sa lewe levu edra sa vei talanoatai oya. S dra aya, "O oya e tamata re." So leqa edra aya, "e maqa, qa sa vacalai edra no oya." ¹³ Qa maqa ni dua e vosa me rogo levu baleta ni dra rerevai edra no a Jiu. ¹⁴ Ni sa la'i oti na a veimama ni odra solevu, sa qai la'o ca'e o Jisu ina vale ni lotu qa lai vei vatavulici. ¹⁵ E dra sa qaroqoro o odra a Jiu, qa dra aya, "e ila vacava a tamata ai e levu a a? O oya se maqa mada ga ni va tavulici." ¹⁶ Sa qai saumia lesu a iodra vosa o Jisu qa aya, "A a au vavulicia no e maqa ni oqu, sa wei oya sa talai au mai. ¹⁷ E dua a tamata sa mata ila a lomo oya, ena ila se sa a mai ve aa a Alou nai vavuvuli, se'u vasa vatai au ga. ¹⁸ O oya sa vasa vatai oya ga sa gutia me doai 10 oya sa gutia me doai o oya sa talai oya mai, sa dina, sa maqa leqa ga ni cald. ¹⁹ Sa maqa li ni solia vei emudou o Mosese a lawa? Io e maqa ni dua vei emudou e maroro a lawa. A cava dou sa vaigavi au ina meu vamatei au?" ²⁰ Lewe levu edra sa aya ve eya, "Sa notu ve 10 a tevoro. O cei sa mata vamatei io?" ²¹ Sa qai saumia odra vosa a Jisu qa aya ve edra, "ni dua a a au sa vele'e, emudou sa qoroqoro ina. ²² O Mosese sa aya ve emudou me emudou cebe (sa maqa ni vu mai ve Mosese, sa vu mai ve edra qase), io o emudou sa vei cebe no ni siga tabu. ²³ E sa cebe a tagane ni siga tabu emudou sa voroia no a lawa ma aya o Mosese, O Cava dou civoti au ina baleta niu sa vabula va re a tamata ni siga taabu? ²⁴ Me ua ni ani igavi walega a omudou lewa, me mudou lewa va dodonu." ²⁵ So ve edra ai Jerusalemi edra aya, "Sa maqa li ni o oya ai madra vaigavia no me vamatei? ²⁶ Gaviya sa vosa doudou oya, qa sa maqa ni aya ve aya e dua a. E dra sa ila a dina a veiliutai ni sai aya ai a Karisito dina. Se maqa? ²⁷ xxxxx ²⁸ Sa qai vasa i ca'e o Jisu ma lama ni vale ni lotu qa aya, "emudou sa ilai au dou sa ila leqa ga a van ua au sa lao mai ina. Au sa maqa ni lao vata'i au mai sa talai au dina mai a oyak Io o mudou maqa ni ilai oya. ²⁹ Au sa ilai oya baleta niu sa lao mai vei oya qa sa talai au mai o oya." ³⁰ E dra sa saga medra vesui oya, qa maqa'ni dua e tauri oya baleta ni se maqa ni yaco mai a ona gauna. ³¹ E sa lewe levu a tamata sa vabauti oya, qa dra aya, "Ni sa lao mai a Karisito ena vele'e li e levu a ca'aca'a mana ena levu ca'e ina vi'a sa vele'e no, no oya ai? ³² O odra a farisi nidra sa rogoci edra a lewe levu nidra sa talanca tai oya lo no, O odra ai talatala lelevu ei edra a Farisi dra sa tala esa a odra ovisa me dra vesui oya. ³³ Sa ayo ve edra o Jisu, "Au na notu vata ei emudou ena dua gauna lealea sara, io au na qai lesu leqa vei oya sa talai au mai. ³⁴ Dou na vaigavi au dou na maqa ni unei au; Ina vanua au na lao ina o'modou na maqa ni lao ina." ³⁵ Dra sa vei ai ya'i nia i lomadra a Jiu, "Ena lai vei a tamata ai meda na maqu ni urei oya ina? ena lao be'a ve edra a oda edra veituyaitu ena vanua va kirisi qa lai vavulici edra a ai Kirisi? ³⁶ A vosa cava e aya o'oya, dou na vaunei au dou na maqa ni unei au; varua au na lao ina mudou na maqa ni rawa ni lao ina?" ³⁷ Enai oti oti ni siga ni solevu sa tucae o Jisu qa taro vainia ena domolevu, qa aya, "e dua sa mata somi me lao mai vei au me mai somi. ³⁸ Edua sa vabauti au ena tauvata ni drodro mai etena a uciwai" ³⁹ Sa vosa oya baleta a yalotabu o'oya qa sa vabati o'ya ena ona a yalotabu e se maqu ni soli. ⁴⁰ Nudra sa rogo o odra a lewe levu sa aya, dra sa qai aya sa dina sa Parofita cu'na oya." ⁴¹ Qa dra aya leqa, "I ai ina a Karisito." So dra aya, "A Karisito e lao mai i kaleli? ⁴² Sa maqa li ni aya ai vola tabu ai Karisito sa lao mai ina awa i tevita mai Peceliema, na oro ma notu ina o Tevita?" ⁴³ Lewe levu dra sa veiqati lai oya. ⁴⁴ / Dra sa mata vesu'i oya, Qa maqa ni dua e tauri oya. ⁴⁵ Ni dra sa lesu mai a Ovisa vei edra ai talatala lelevu ei edra a Farisi, O oya ma talai edra, "A cava dou maqa ni di oya mai ina?" ⁴⁶ Ora qai aya a ovisa, "Se maqa ni dua e dau vosa tu ve'ana." ⁴⁷ Sa qai aya odra Farisi vei edra, "emu dou sa vacalai leqaga?" ⁴⁸ E maqa bea ni dua a veiliutai se dua a Farisi e vabauti oya?" ⁴⁹ E lewe levu edra sa civoti nidra maqa tu ni ila a lawa. ⁵⁰ O Nikotimo (edua vei edra farisi ma lao matai mai ve eya) qa aya ve edra. ⁵¹ A oda lewai edra a tamata ni sebera nida rogoci oya. Se da ila a a e vele'e no o oya?" ⁵² Dra qai tarogi oya, "O io be'a maqa ni lao mai Kaleli? mo vaigavia qa ila ni sa maqa ni dua a Parafita e lao mai Kaleli." ⁵³ Qa dra sa dui lao leqa ina odra vi vale.