¹ Ni sa oti a vi a ai, sa qai la'o o Jisu i na tai adua ni waitui mai Kaleli, e vatoai leqa ga ni waitui o Taiperia. ² Edra ma muri oya e le levu sara a tamata baleta nidra ma igavia a vi caacaa mana ma vele'e ve edra a tauvimate. ³ Sa qai cabe ina ulunivanua o Jisu qa no sobu ei edru a ona tisaipeli. ⁴ (Ni sa volea no mai a gauna ni Solevu ni Laosivia.) ⁵ Ni sa iga ca'e o Jisu qa igavia nidra sa lewe levu sara sa la'o no mai ve'eg. "Sa qai aya vei Filipe. "I vei be'a a vanua e rawa ni datou na voli madrai ina medra bau ana ina o odra ai?" ⁶ (Sa qai aya a vi'a ai o Jisu, me vatovolei Filipe ina, ni sa ila no o oya a vi'a sa vele'e. ⁷ Sa qai saumia ve'ea o Filipe, "Ena maqa ni rauti edra a madrai sa voli ena pene e rua a drau me ra na yadua va lailai ga." ⁸ E dua ve edra a ona tisaipeli, o Adriu, a taci Saimoni Pita, sa aya vei Jisu, ⁹ "Sa notu ai e dua gonetagane sa tu ve'ea e lima ai buli madrai parile qa rua a ia, io ena maqa ga ni rauti odra tauco'o a lewe levu ai?" ¹⁰ Sa aya o Jisu, "Vosa ve edra a tamata media no sobu." (E sa bau tubu lew dina a co ina vanua ana.) Edra sa mani no sobu a tamata qa rautia nidra lewe 5,000 a tagane. ¹¹ Sa qai tauria a madrai o Jisu qa vavinavina'atainia, qa wasea ve edra a tamata edra sa dabe no ina. Sa tauvata leqa ga ina a ia me tauvata a ena levu edra sa gutia. ¹² Ni dra sa sinai a tamata, sa qai aya o oya ve edra a ona tisaipeli, "Dou Soqonia vata a vei tilina lalai me ua sara ni dua a a me vo." ¹³ Edru sa qai soqonia ai vovo ni buli madrai barile e lima sa vo mai ve'edra dra sa ana qa vasinaitia e tiniarua a basikete. ¹⁴ Edra sa igavia a tamata a caaca'a mana sa vele'e o oya, edra sa aya, "Sai oya dina ai a Parofita sa dodonu me na la'o mai i vuravura." ¹⁵ Ni sa ila o Jisu nidra sa varau lai tauri oya vakaukauwa a tamata me dra buli oya me tui, sa qai biutia a vanua o oya qa la'o lega ina ulunivanua. ¹⁶ Ni sa taranavi mai a vanua, edru sa la'o sobu a ona tisaipeli i matasawa. ¹⁷ Qa dru sa vodo ina dua a waqa, qa taosova leqa a drano medru la'o i Kapenaumi. Sa qai bogi sara mai a vanua, se maqa no ga ni lesu mai ve edru o Jisu. ¹⁸ Sa liwa mai e dua a cagi kaukauwa, sa teivu me voravora mai a waitui. ¹⁹ Sa rautia e 25-30 a kilomita a vanua edru sa vocera, edru sa qai unei Jisu ni sa la'o voli ina dela ni wai qa sa la'o volea no waqe ina boto, qa dru sa rere valevu. ²⁰ Sa qai aya ve edru o oyam "O au ga ai! Mo dou ua ni rere." ²¹ Edru sa qai vavodoi oya sara ina loma ni boto ina yalo marau, qa ena totolo sa yaco sara a boto ina vanua edru sa la'o no ina. ²² Ina siga tarava, edra sa qai igavia o odra a le levu qa dra tu mai na tai adua ni waitui ni sa maqa leqa ni dua a boto mai ene vavo ga e dua, edra igavia leqa ga ni a maqa ni vodo vata ei edru a ona tisaipeli o Jisu qa ni dru a la'o ga waqe vatai edru. ²³ Edra ma la'o leqa ga waqe eso a boto mai Taiperia, qa volea ina vanua edra ma ana madrai ina ni sa vavinavina'atainia oti a Turaga. ²⁴ Nidra sa qai une a le levu ni sa maqa ni notu ina o Jisu ei odra a ona tisaipeli, edra sa qai vodo leqa ina boto qa la'o i Kaperaumi medra va unei Jisu ina. ²⁵ Nidra sa unei oya oti ina tai adua ni Waitui, "Rapai, o ma la'o mai ei ina gauna cava?" ²⁶ Sa qai saumia ve edra o Jisu, qa aya, "E dina, e dina, dou sa va unei au maqa ni baleta ni mudou sa igavia a ca'a ca'a mana, au sa vele'e, me baleta ga ni mudou sa ania eso a madrai me mudou sinai ina. ²⁷ Mo dou ua ni ogatainia a magiti e rawa ni rusa, mudou ogatainia ga a magiti ena tu dei tu qa yaco vei a bula tawamudi ena solia ve emudou a Luve ni Tamata, ni sai oya sa notu ve'ea ai vatailaila ni sa vadonui oya a Kalou o Tamana." ²⁸ Edra sa qai aya ve'ea, "a cava me eimami vele'e, me eimami vele'e ina a ca'aca'a ni Alou?" ²⁹ Sa qai Saumia o Jisu qa aya ve'edra, "I ai a ca'cala ni Alou: Mo mudou vabauti oya ma tala mai o oya. ³⁰ Edra sa qai aya vei oya, a ca'a ca'a mana cava ona vele'e, me rawa ni eimami igavia qa vabauti io ina? A cava ona vele'e? ³¹ O odra a oda qase edra onia a mana ena loma ni vanua lala, me tauvata ni sa volai, sa solia ve'edra o oya a madrai mai lomalagi me ra ania." ³² Sa qai aya ve'edra o Jisu, "E dina, e dina sa maqa ni o Mosese sa solia ve emudou a madrai mai lomalagi, o Tamaqu qa sa solia ve emudou a madrai dina mai lomalagi. ³³ Ni sai oya ai a madrai mai ve'ea a Alou, o oya sa la'o sobu mai lomalagi qa sa solia a bula ve edra a ai vruavura." ³⁴ Edra sa qai aya ve'ea, "emiau a Turaga Solia no ga mai vei eimami a madrai ai." ³⁵ Sa qai aya ve edra o Jisu, "O au a madrai ni bula; o oya sa la'o mai vei au ena mqa vadua ni mata ana qa o oya sa vaabauti au ena maqa ni mata somi. ³⁶ Io au sa aya ve amudou, dou sa unei au, qa mdoui sa maqa ni vabautia. ³⁷ O odra tauco'o sa solia mai vei au o Tamaqu edra na la'o mai vei au, io o oya ena la'o mai vei au na maqa sara ni bitia tani. ³⁸ Niu sa la'o sobu mai lomalagi, me'u ua ni vayacoria a lomaqu, io a loma i oya ga sa talai au mai. ³⁹ Sa loma i oya ga sa talai au mai, me ua ni varevania e dua ve edra sa solia mai vei au o oya, io me'u vatuca'etaini odra ga ena i otioti ni gauna. ⁴⁰ Ni sa i oya ai a loma i Tamaqu, o odra vayadua sa une a Luvena qa vabauti oya edra na rawatia a bula tawa mudu qa'u nna vatucaetaini odra ena i oti oti ni gauna." ⁴¹ Edra sa qai vosa udruudrutai oya o odra ai Jutia baleta ni sa aya, "Oi au a madrai sa la'o sobu mai lomalagi." ⁴² Edra sa qai aya, sa maqa ni o oya ai o Jisu a luvei Josefa, o oya tamana ei na tinana eda sa ila?" ⁴³ Sa qai saumia qa aya ve edra o Jisu, "Dou ua ni vasaudruudru vei emudou. ⁴⁴ E maqa ni rawa ni la'o mai vei au e dua a tamata ena e maqa ni vayarayaratai oya mai o Tamaqu. ⁴⁵ Ni sa volai ina parofita eso, 'Ena vavulici odra tauco'o ga a Alou. O odra tauco'o sa rogo qa vuli mai ve ea a Tamana ena la'o mai vei au. ⁴⁶ E se maqa mada ga ni dua se unei Tamaqu, vavo duadua ga o oya sa la'o mai ve'ea a Alou - e sa unei Tamaqu. ⁴⁷ E dina, e dina, au sa aya ve emudou o oya sa vabauti au sa rawatia a bula tawa mudu. ⁴⁸ Oi au a madrai ni bula. ⁴⁹ Sa ania a mana mai na vanua lala o odra a omudou qase, io edra sa mate. ⁵⁰ Sai oya ai a madrai sa la'o sobu mai lomalagi, io o oya a tamata ena ania a madrai ai ena maqa sara ni mate. ⁵¹ Oi au a madrai ni bula sa la'o sobu mai lomalagi. Ena e dua sa ania e so a madrai ai, ena bula qa tawa mudu. A madrai au na solia sa i oya a lewequ au sa solia me yaco rawa ina a bula ve'edra a ai vuravura." ⁵² Sa te'vu medra sa veicroti vatai edra ga o odra a Jiu qa teivu medra veivala, qa dra aya, " E rawa vacava ve'ea a tamata ai me solia a lewena me da ania?" ⁵³ Sa qai aya ve edra o Jisu, "E dina, e dina, ena emudou sa maqa ni ania a a lewe ni Luve ni tamata qa somia a ona dra, sa maqa ve emudou a bula. ⁵⁴ O oya sa ania a lewequ qa somia a oqu dra sa rawatia a bula tawa mudu, au na vatuca etaini oya ena siga mai muri. ⁵⁵ Ni sa magiti dina a lewequ, qa sa ani somi dina a oqu dra. ⁵⁶ O oya sa ania a lewequ qa somia a oqu dra sa notu vata ei au, qau sa notu leqa ga vata ei oya o au. ⁵⁷ Me tauvata ni sa bula no o Tamaqu sa talai au mai, qa o au sa bula leqa ga ena vu'u i Tamaqu, sa tauvata leqa ga ina o oya sa ani au, ena bula leqa ga o oya ena vu'uqu. ⁵⁸ Sai oya ai a madrai sa la'o sobu mai lomalagi, sa maqa ni tauvata edra ma onia a qase qa dra ma mate ina." ⁵⁹ Sa aya a vi'a ai o Jisu ena ona vatavuvuli voli ina vale ni lotu mai Kapenaumi. ⁶⁰ Sa le levu ve edra a ona tisaipeli edra sa rogo qa dra sa aya, "I ai e dua veivatavuliei dredre; o cei ena ciqomia rawa?" ⁶¹ Ni sa ila o Jisu i lomana me baleta nidra sa vosaudruudru a ona tisaipeli ina vi'a ai, sa qai aya ve'edra, "Sa vatatao tai emudou a vi'a ai? ⁶² Ena vacava ena e emudou sa igavia a Luve ni tamata ni sa la'o ca'e ina vanua ma notu mai ina i mada? ⁶³ Sa maqa ni vatubunia e dua a a lewena, a yalo ga o oya sa solia a bula. A vosa ga au sa vosatainia ve emudou sa vayalo, qa dra sa vuni bula. ⁶⁴ Ia eso ve emiau e se maqa no ga ni vabautia." Ni sa ilai edra mai na i vateivu o Jisu o odra dra sa moqa ni vabautia ei oya ena qai buiveretaini ea. ⁶⁵ Sa qai oya leqa o oya, "O oya ai au sa aya ina ve emiau baleta ni na maqa ni la'o rawa mai vei au e dua ena e maqa ni solia ve ea o Tamaqu." ⁶⁶ Baleta a vu'u ni vi'a ai, e le levu ve'edra a ona tisaipeli dra sa la'o tani qa dra sa maqa leqa ni la'o vata ei ea. ⁶⁷ Sa qai aya o Jisu ve edru a le tiniarua Mudou sa maqa ni gutia me mudou la'o tani leqa ga omudou?" ⁶⁸ Sa qai oya ve'ea o Saimoni Pita, "Turaga, me eitou qai la'o leqa vei cei? Sa tu ga vei emiau a vosa ni bula tawa mudu. ⁶⁹ Eitou sa vabautia qa ila ni sai emiau a Alou Le Dua Yalosavasava." ⁷⁰ Sa qai aya ve edra o Jisu, "Sa maqa li ni'u a digitaini emudou, a le tiniarua, qa dua ve emudou sa onai to a tevoro?" ⁷¹ Sa vosa ina ve ai o oya me baleti Jutasa a luvei saimon. Isikarioti, ni sai oya ai, e dua ve edru a le tiniarua, o oya e ma qai buiveretaini Jisu.