¹ Ni sa oti a vi'a ai sa qai yaco e dua a odra solevu a Jiu, qa ma sa la'o ca'e ina i Jerusalemi o Jisu. ² E notu voleatia a matamata ni Sipi mai Jerusalemi, e dua a i silisili, e yacona ena vasa vaiperiu o Peciseita, qa notu ina e lima a ena vale. ³ Edra davo tu ina e lewe levu a tamata tauvimate, o odra a matababa, a loiloi a wamalai edra davo tu ina. ⁴ xxxx ⁵ E notu mai ina e dua a tamata qa sa yabai 38 a dede ni ona tauvimate tu. ⁶ Ni sa igavi oya o Jisu ni sa davo no ina, qa sa ila ni sa tauvimate vabalavu voli mai, sa qai aya ve'ea, "O sa gutia a bula?" ⁷ Sa qai saumia o oya tamata tauvimate, "Turaga, sa maqa ni dua a tamata me di au ina i silisili ni sa vayavalati a wai. Niu sa la'o mai, sa la'o leqa mai e dua qa matai vei au." ⁸ Sa qai aya a ve'ea o Jisu, "Tu ca'e, tauria a omu i mocemoce, qa la'o." ⁹ E a bula vasauri sara o oya tamata tauvimate, sa qai tauria a ona i mocemoce qa la'o. A siga ai sa siga no ni vacecegu. ¹⁰ Edra sa qai aya ina a Jiu ve'ea o oya sa vabulai, "Ai a siga ni vacecegu e vatabui ina oda lawa mo colata tu a omu i davoavo." ¹¹ Sa qai saumia ve'edra o oya, "O oya sa vavura vei au a bula sa aya vei au, 'Tauri'a ca'e a omu i mocemoce qo la'o."' ¹² Edra sa qai tarogi oya, "Ocei a tamata sa aya vei io, Tauria ca'e qa la'o?" ¹³ Sa maga ni ilai Jisu o oya tamata ma sa vabulai, baleta ni sa la'o tani vai 10 ni madra sa le levu ma notu ina Vvanua ana. ¹⁴ Ni sa oti a vila ai sa qai unei oya o Jisu ina valenilotu sa qai aya ve'ea, " une sa yaco mo bula re! ino ua ni valavala ca leqa, me na ua ni yaco vei io e dua a ca. ¹⁵ Sa qai la'o o oya tamata ona qa aya ve'edra a Jiu ni sai Jisu ga sa vabulai oya. ¹⁶ Me baleta a vi'a ai edra sa qai vacacani Jisu o odra Jiu, baleta ni sa vele'e a vi'a ai ina siga tabu. ¹⁷ Sa qai saumia ve'edra o Jisu, "Sa ca'aca'a sara no ga ai o Tamaqu, qa'u, sa ca'aca'a leqa ga o i au. ¹⁸ Me aleta a vila ai, sa vavunia medra civo valevu ga ina o odra a Jiu medra vamatei oya baleta ni sa maqa walega ni vacacania a siga tabu o oya, sa aya leqa ga o oya ni sa tamana a Alou, qa sa vavuna ina medru tautauvata ei na Alou. ¹⁹ Sa qai Saumia ve'edra o Jisu, "E dina, e dina, ni sa maqa ni dua a a me vele'e vai oya ga a Luvena, vavo ga a'a na igavia ni vele'e no o tamana, A vi'a ga sa vele'e o Tamana sa vele'e leqa ga ina a Luvena. ²⁰ Ni sa lomana a Luvena o tamana, qa sa varaitainia ve ea a vi'a tauco'o o oya sa dau vele'e, qa sa varaitainia ve'ea a vi ca'aca'a levevu mai na vi a ai. ²¹ Me tauvata ni sa vatu caetaini odra ca'e a mate o Tamona qa vaabulai odra, sa touvata ina a Luvena ni sa vabulai odra sa gutia o oya. ²² Sa maqa ni lewa e dua a tamata o Tamana, sa solia veea a Luvena me vatulewa ina vi'a tauco'o ga. ²³ medra na varo'oro'o tainia ina a Luvena. me tauvata a odra varo'oro otainia a tomana. O oya sa maqa ni ro'ovia a Luvena sa maqa ni ro'ovia a Tamana o oya sa talai oya mai. ²⁴ E dina, e dina, sa yaco no mai a gauna, sa yaco no ai, edra na rogo ina a mate a domo ni Luve ni Alou, era na bula ga o odra edra sa rogo. ²⁵ E dina, e dina, sa yaco no mai a gauna, sa yaco no ai, edra na rogo ina a mate a domo ni luve ni alou, era ra bula ga o odra edra sa rogo. ²⁶ Me tauvata ni sa bula ga vata ei oya a tamana, sa solia tauvata ina ve ea a Luvena me bula vai oya ga. ²⁷ Sa solia a kaukauwa me vataucia a lewa baleta ni sa Luve ni Tamata o oya. ²⁸ Dou ua ni urabuitainia a vi'a ai, ni sa la'o no mai a gauna edra na rogo ina a ona domo o odra tauco'o ga a mate. ²⁹ qa dra na la'o tani mai ina odra i bulubulu. O odra edra sa i valavala re edra na tuca'e leqa qa bula, qo odra edra i valavala ca edra tu ca'e leqa medra civoti. ³⁰ "Sa maqa ni dua a a au sa vele'e rawa ga vatai au. Au sa vatulewa, ga me tauvata a'a au sa rogo, qa sa dodonu ina a ogu lewa baleta ni'u sa maqa mata muria ga a lomagu, a lomai oya ga sa tabi ou mai. ³¹ Ena eu sa aitaini au no ga vai au, sa maqa ina ni dina a oqu i tu'utu'u. ³² E sa notu leqa e dua e sa mai aitai au, qa'u sa ila ni sa dina a ona i tu'utu'u me baleti au. ³³ O io ma sa talai vei Joni, qa sa aya no o oya a dina. ³⁴ Ai tu'utu'u au sa ciqoia sa maqa ni mai ve edra a tamata. Au sa aya ga a vi'a ai mo na vabulai ina. ³⁵ Sa tauvata e dua a cina o Joni ni sa rea qa rarama no mai qa ona marautainia a ona rarama ina dua a gauna le'ale'a. ³⁶ E sa notu ai a i vadinadina ena vu'uqu qa sa levu ca'e leqa ga mai na ena sa solia o Joni, a vi'a au sa vele'e o oya a veica'a ca'a sa solia mai vei au o Tamaqu me'u vayacora, edra sa i vadinadina ai ina vu'uqu qa varaitainia ni sa talai au mai o tamaqu. ³⁷ A Tamaqu o oya sa talai au mai o oya e sa varaitainia a vi'a me baleti au. O mudou se maqa ni bau rogo a domona se une a matana ina dua a gauna. ³⁸ Sa maqa ni notu ina lomamudou a ona vosa, ni mudou sa maqa ni vabauti oya sa tala mai o oya. ³⁹ Dou sa vaunea ina i Vola Tabu baleta ni mudou sa nanumia mo mudou na rawatia ina a bula tawa mudu, ai vola Tabu Vata ga ai e sa aitaini au ga; ⁴⁰ qa mudou sa maqa ni mata la'o mai vei au ma dou na rawatia ina a bula. ⁴¹ Sa maqa ni yaga vei au medra Varo'oro'otai au o odra a tamata, ⁴² ni'u sa ilai emudou, ni sa maqa ni rotu ina lomamudou a loloma ni Alou. ⁴³ Au sa la'o mai ina yaca i Tamaqu, qa mudou sa maqa ni ciqomi au. E sa la'o mai e dua tani ina yacana walega, dou na ciqomi oya. ⁴⁴ dou sa vabautia rawa va ivei, ni dou sa veivaro'o ro'otai no ga va i emudou qa mudou sa maqa ni va igavia a Varo'oro'o sa la'o mai ve'ea a alou duadua ga? ⁴⁵ Mo dou ua ni nanumia nilu na beitai emudou vei Tamaqu. Sa dua o oya sa bilitai emudou o Mosese, o oya dou sa voraravi ina. ⁴⁶ E emudou sa vabauti Mosese, dou na vabauti au, baleta ni sa vola a vi'a me baleti au o oya. ⁴⁷ E emudou sa maqa ni vobautia a ona volavola, dou na qai vabautia vacava a oqu vosa?"