¹ E dua a tamata wo touau mate-a ona yaca o Lasaruso. O oya a ai Pecani, na oro oi Meri ei Marica a tiana. ² O Meri o oya ma lumiti eya a turaga ina i Lumi, qa solotia a ona laina ona drau ni ulu, o oya a ganei Lasarusa ma tauvimate. ³ Dru sa qai talalala a ganena vei Jisu, me aya, "Turaga, i gavia, o oya a dau lomania e sa tauvimate." ⁴ Ni sa rogo o Jisu, sa qai oya "A tauvi mate ai e na maqa ni mate ina, ia a lagilagi ni Alou e na rawa ni va lagilagi ga ina a Luve ni Alou. ⁵ Sa dau lomani Maria ei tacina qo Lasarusa o Jisu. ⁶ Ni sa rogo ni sa tauvimate o Lasarusa sa qai notu me bogi rua leqa ina vanua ana. ⁷ Ni oti ai, sa qai aya ve edru a tisaipeli, "Tou mai lao leqa i Jutia." ⁸ Sa qai aya ve eya o odru a tisaipeli, "Vavuvuli, wale sara ga ai dra sa mata vin lai ni io i na vatu, mo qai le'su leqa ina?" ⁹ Sa qai aya o Jisu, "E maqa li ni tini arua a yauwa ina dua a siga, ia e dua e lao voli ni siga levu, e na tamu rawa ni tacaqe, baleta ni iga tu ina rarama ni vuravura ai. ¹⁰ E ena ivei e dua e lao voli ni bogi, qa tacaqe o oya ni maqa ni dua a rarama e tu ve eya. ¹¹ Sa aya ina a a ai, e na oti mada a a ai, sa na qai aya ve edru, a o da i toani o Lasarusa o oya e mose ga, io au na qai lao meu lai voyadrati oya. ¹² Sa qai aya o odru a tisaipeli ve eya. "Turaga, e sa mace lutu oto o oya, e na rawa li ni bula." ¹³ Sa qai vosa tainia a ona mate o Jisu, e dra qai nanumia ni vosatainia a ona moce se ona vacegu. ¹⁴ Sa qai vamacala tainia vare ve edru o Jisu, "O Lasarusa sa mate". ¹⁵ Au sa marau ina vuumudou, nia maqa ni notu ina, me rowa ni dou vabautia ia meda lao ga ve ea. ¹⁶ Sa qai aya o Tomasi, o oya sa vatoa me o Titimo, sa aya, "Me da lao meda lai mate vata ei Jisu." ¹⁷ Ni sa lao mai o Jisu, sa qai ila ni o Lasarusa sa oto bogia no i nai butubutu. ¹⁸ La a Pecani e voleti Jerusalemi, e rauta bea ni tinialima a maile a ena balavu. ¹⁹ E dra lewelevu a Jiu e dra luo mai vei Meri ei Marica, me dra mai vocegu edru me baleta a ganedru. ²⁰ Ni sa qai rogo o Marica, ni sa lao mai o Jisu, sa qai lao me lai tavai ni oya, lo o Meri e notu voli ga i vale. ²¹ Sa qai aya vei Jisu o Marica, "Turaga, e o notu bea ei, e maqa ni mate o ganequ. ²² Ia au sa ila, a a touco dou na ere ve eya a alou, e na solia ve io. ²³ Sa qai aya ve eya o Jisu, "E na tucae leqa o ganemu. ²⁴ Sa qai aya ve eya o Marica, au ila ni na tucae leqa o oya ina siga mai muri ni dra na tucae leqa ina a mate. ²⁵ Sa qai aya ve eya o Jisu, "O you a vuni tu cae eqa, ei na vuni bula, o oya e ra vabauti au e sa na mate, e na bula leqa. ²⁶ O oya ya dua sa bula qa vabauti au, e na maqa sara ni mate. O sa vabautia ana? ²⁷ Sa qai oya ve eya, "Io Turaga, au vabautia nio io a luve ni Alou, o oya sa lao mai vuravura. ²⁸ Ni sa vosa ve ai o oya, sa qai lao qa lai a civi tacina mai vailo o Meri. Sa aya, "Ai vavuvuli e notu ai, qa tarogi io." ²⁹ Ni sa rogo o oya, sa qai tucae vatotolo qa lao ve eya. ³⁰ Ni se bere ni curu mai loma ni oro o Jisu qa se notu voli ga ina vanua dru ma sota ina ei Marica. ³¹ O odra a Jiu ma notu vata ei eya i loma ni vale madra vacegui oya, ma dra i gavi Meri ni tucae vatotola qa lai tuba, dra sa qa muri oya, ma dra nanumia ni lao i nai bulubulu me lai tagi ina. ³² Ni sa lao mai o Meri na vanua ma tucae tu ina o Jisu, qa sa igavi oya, sa teiduru sobu na ona la qa aya ve eya, "Turago, e o manotu voli ei eya maqa ni mate o ganequ." ³³ Ni sa igavi oya o Jisu ni sa qoqobu, o odra leqa ga a Jiu madra lao vata mai qa dra sa qoqolou leqa ga. Sa qai vutugu o oya i lomana qa rarawa. ³⁴ Sa qai aya,"Dou sa vaotori oya i vei?" Dra sa qai aya ve eya, "Turagi lao mai mo mai igavia." ³⁵ Sa tagi o Jisu. ³⁶ Sa qai aya o odra a Jiu, "I gavia mada a levu ni ona lomani Lasarusa!" ³⁷ E so vei edra e dra aya, e maqa li nio oya a tamada ai, ma dolavia a ona mata a tamata matabobom qa sa gai oya leqa ga a tamata ai me va ni mate?" ³⁸ Sa qai masi leqa a yalo i Jisu, qa lao leqa ina i bulubulu. Sa dua a qaravota sa ena i sogo e dua a vata. ³⁹ Sa qai oya a Jisu, "Dra tani a vatu." Sa qai oya vei Jisu o Marica a ganei Lasarusa o oya ma mate, "Turag, na gauna ai a o na gou sa malumu, ni sa oti e va a siga a ona mate." ⁴⁰ Sa qai aya ve eya o Jisu, "Au a maqa li ni aya ve io, nio na i gavia a kaukauwa ni Alou, e o sa vabautia?" ⁴¹ Dru sa qai dainia tani a vatu. Sa qai tacae a mata i Jisu qa aya, "Tamoqu, au va vinavinaa ve io ni o na rogoi au." ⁴² Au ila ni o io na vogoi au tuga, me baleteti edra wale ga a lewe levu edra tu wava=oiti au, a aya ina ai, me dra rawa ni vabaoutia ni o io ma talai au mai." ^{44 43} Ni sa aya oti ana, sa qai tagi i na domo levu, "Lasarusa, lao mai!" 44 Sa qai tucae mai a tamata mate' a ona liga qa ona la ma esu tu i nai Sulu, eina o na mata ma olo leqa tu ga i nai Sulu. Sa qai aya ve edra o Jisu "Dou serei eya qa dainia me lao." ⁴⁵ E levu a Jiu edra lao mai vei Meri, qa dra igavia a a sa velee o Jisu, e dra so vabauk oya. ⁴⁶ Ia e levu ve edra e dra sa loa tani ve edra a Farisi qa aya ve edra a a mavele o Jisu. ⁴⁷ Sa dra qai Soqoni vata o odra bete ei edra a Farisi me dra bose, "A cava meda na velee? a tamata ai sa velee e levu a caacaa mana. ⁴⁸ E da na daini eya ece no, o odra tauco o edra na vabauti oya, "dra sa na qai lao mai a ai Roma qo dra mai dia tani a oda oro ei na oda mata nitu." ⁴⁹ Sa dua ve edra a bete levu e notu vata ei edra, o Kaiafa, o oya e ete levu no na gauna ona. Sa aya ve edra, O mudou maqa ni ila e dua a a. ⁵⁰ Dou maqa bea ni vaasamatainia ni are vei emudou me mate e dua a tamata ina vuudra taucoo a tamata qa me ua ni vusa a matanitu toucoo. ⁵¹ E maqa ni vosatainia o oya a a ai vai oya ga ni sa bete levu na yabai ano, sa Parofisai ko Jisu ina vuu ni matanitu ana. ⁵² E maqa ni vuu ni matanitu, ia ve edra leqa ga a luve ni Alou edra dui tutu meda vasoqoi vata medra le dua bau ga. ⁵³ Vateivu mai na siga ana qa lao wooe, dra sa qai bose ma dro vamatei Jisu vacava. ⁵⁴ O oya ai e maqa ni lao maliwai edra ina a Jiu o Jisu, sa qai tawase tani mai ene, ina vanua sa volea ina vei acuacu, ina loma ni tauni o Ifireimi a ena yaca, qa lai notu ina ei edra a ona tisaipeli. ⁵⁵ Qa sa volea a odra Solevu ni ni lao Sivia a ai Jutia qa dra sa lewe levu sara dra sa lao cae i Jerusalemi, ni se bere a a solevu ni lao sivia, me dra vasavasava tai ni edra. ⁵⁶ Dra sa qai vaigavi Jisu, ni dra sa tucae tu i loma ni vale ni soro, dra sa qai veitarogi vai edra, "A cava dou sa vaasamatainia? e na lao mai ina solevu se maqa?" ⁵⁷ Dra sa varotia o odra a bete levu ei edra a farisi, e dua sa ila a vanua e notu ina o oya, me qai aya mai, me dra qai tauri o ya.