¹ Ni sa vo e ono a bogi ni ana vata ni lao Sivia, sa qai lao mai o Jisu i Pecani, na vanua e notu ina o Lasarusa, O oya ma va tucaetaini eya o Jisu mai na mate. ² Dra sa qai velee enie a ena vatava navi; qa vei qaravi no ina a Marica, ia o Lasarusa e dua vei era ma oto no vata ei Jisu ina dela ni teveli. ³ Sa qai dia e dua a tavaya i lumi boire sara ga, a narita dina, qa lumitia a la oi Jisu, qa Solotia a ona la ina drou ni ona ulu, sa curu oso a i boi ni lumi ina loma ni vale. ⁴ E dua ve edra a tisaipeli, o Julasa Isikarioti, o oya ma voli tai Jisu, qa aya, ⁵ A cava e maqa ni voli tai ina ai lumi ai ina tolu adrau a pene , qa soli ve edra a dravudravua?" ⁶ Sa qai oya ve ai o-oya, e maqa ni o oya me baleti e dra a dravudravua, e baleta ga ni dau butao. Ni sa tari a taga ni sede qa dia a a matawa tu i loma. ⁷ Sa qai aya o Jisu, "Daini eya ga, e na qai maroro o oya a a ai ina siga au na bulu ina. ⁸ O io ona tu vata ga ei edra a dravudravua, ia ona maqa ga ni rawa ni notu vadua vata ei au. ⁹ Ia sa lewe levu sara vei era a ai Jutia, ni dra sa ila ni rotu mai ina o oya, ni dra sa lao mai, e maqa ina vuu i Jisu ga qa me igavi Lasarusa leqa ga, o oya ma vatucae tai leqa mai na mate. ¹⁰ Ia o odra a bete levu edra bose vata medra vamatei lasarusa leqa. ¹¹ Ni sa lewe levu a ai Jutia sa dra lao waqe ina vuuna, qa dra sa vabauti Jisu. ¹² Na siga tarava dra sa qai lao mai va lewe levu ina ana vata, ni dra sa rogo ni na lao waqe i Jerusalemi o Jisu. ¹³ Dra sa qai dia waqe a drau ni niu, qa dra lao waqe me, veitavai ei oya qa acivai nia "O sanaisa alougata o oya sa lao mai na yaca ni Turaga, o odra tui a Isireli." ¹⁴ Sa qai igavia o Jisu e dua a luve ni Asa, qa vodo ia; me tautauvata ni sa volai. ¹⁵ "Dou viva ni rere a luve i Saioni; igooavia sa lao mai a omudou Tui, sa vodo no ina dua a luve ni asa. ¹⁶ Ia a vei a ai, e dra maqa ni ila o odra a ona tisaipeli ni sa varoorootai oti o Jisu, dra sa qai na numia ni sa volai o oya na veia ai, qa dra vele a vei a ai. ¹⁷ O odra a lewe vuqo edra rotu ina ni sa acivi o Lasarusa mai nai bulubulu, qa vatucae tai leqa mai na mate. ¹⁸ Ina vuu ni a ai edra sa veitavai leqa ga ina o odra a levuqa, ni dra sa rogo ni sa velee a caacaa mana ai o oya. ¹⁹ Dra sa qai aya vai edra o odra a Farisi, "Dou igavia, dou na maqa ni rawatia e dua a a, ni sa muri oya o odra a ai vuravura. ²⁰ Ia eso mai na veimatanitu tani edra sa lao cae mai ina Solevu me dra soro. ²¹ Dra sa qai lao vei Filipi, a ai Pecisaita i Kalili, qa tarogi oya, qa aya, Oitou mata i gavi Jisu, "saka." ²² Sa qai lao o filipi, qa lai aya ve Adriu . Dru sa qai lao vata o Adriu ei Filipi, qa lai aya vei Jisu. ^{24 23} Sa qai aya ve edru o Jisu, sa qai yaco mai a gauna me varooroo tai ina a luve ni tamata. 24 E dina e dina au sa aya vei emudou, e sa na maqa ni mate a vua ni sila ni lutu ina somo, sa na qai tu ece tu; ia e sa mate, sa vua valevu. ²⁵ O oya sa lamania a ona bula, ena ra revania, ia o oya ena catia a ona bula ina vuravura ai e na maroroi oya ina bula tawa mudu. ²⁶ E dua sa qaravi au, me muri au, ina vanua au na notu ina, ena rotu leqa ga ino, o oya sa qaravi au: e dua sa qaravi au, e na varoorootai oya o Tamoqu. ²⁷ Sa qai rarawa a lomaqu; ia a cava meu velee? Sa qai vabulai au o Tamoqu na gauna ai; o oya ai au sa lao mai ina ina gauna ai. ²⁸ Tamaqu, me varoorootai a omu yaca. Sa qai rogo mai e dua a domo mai lomalagi, qa aya, au na varooroo tainia, qau na varoorootai nia leqa. ²⁹ O odra a lewe vuqa ma notu ina dra aya a Agilosi e vosa vei oya. ³⁰ Sa qai aya o Jisu, e maqa ni lao mai vei au a vosa ai vei emudou ga. ³¹ Sa qai lewai o odra a ai vuravura: sa dra qai dai ituba o odra a turaga ni vuravura ai. ³² Niu sa laveti cae mai vuravura, au na qai vayarayara tai ni edra taucoo vei au. ³³ Ni sa vosatainia o oya a a ai me vataila ina a mate e na mate ina o oya. ³⁴ Sa aya ve eya o odra lewe vuqa, O i mami rogo mai a i vunaiu ni sa notu vadua a Karisito, ia o sa oya vacava, E na laveti cae a luve ni tamata: O cei a luve ni tamata ai? ³⁵ Sa qai aya ve edra o Jisu, sa notu valailai vei emudou a rarama, dou lao ni sa notu vei emudou a rarama, laolao ni na yaco vei emudou a iloilo: ia o oya sa lao ina iloilo, ena maqa ni ila se sa lao ivei. ³⁶ Ni sa notu vei emudou a rarama dou vabautia sara a raramo, mo dou yaco mo dou luve ni rarama. Sa vosatainia a vei a ai o Jisu, qa lao waqi qa vunitai oya vei edra. ³⁷ Ia e dina ga sa velee e levu a caacaa mana na odra mata, qa dra maqa ga ni vabauti oya. ³⁸ Sa na qai yaco ina a vasa ma aya o Aisea a parofita, ma ve ai, I Jiova, O cei sa vabautia a oi tou i tuutuu? qa sa vatailai vei cei a liga i Jiova?" ³⁹ A a ai edra maqa ina ni vabautia rawa; ni sa aya leqa o Aisea. ⁴⁰ Ni sa va mataabobo tainia a odra mata, qa vakaukauwa tainia a lomadra, se ila a lomadra, qa meu vabulai edra. ⁴¹ Sa vosatainia a vosa ai o Aisea, ni sa igavia ai Serau, ma ai tai ve eya. ⁴² Ia sa lewe levu leqa ga vei edra a turaga edra sa vabauti oya, ia ina vuudra a Farisi, e dra maqa ni aya ina, laolao edra na vatabui mai na vale ni lotu. ⁴³ Ni dra sa talei tainia valevu a va vinavinaa mai ve era a tamata, qa valailai a vavinavinaa e lao mai vei oya a Alou. ⁴⁴ Sa qai aci vainia mai o Jisu, qa oya, O oya sa vabauti au, Sa moqa ni vabauti au ga sa vabauti oya leqa ga sa talai au mai. ⁴⁵ Ia o oya sa igavi au, sa igavi oya sa talai au mai. ⁴⁶ Au sa lao mai vuravura me tautou vata a raroma, o oya sa vabauti au me uwa ni notu ina iloilo. ⁴⁷ E dua sa rogo a oqu vosa, qa maqa ni maroro, au na maqa ni lewai oya, au maqa ni lao mai meu mai lewai edra a ai vuravura meu mai vabulai edra ga a ai vuravura. ⁴⁸ v 48 O oya sa maqa ni ciqomi au, qa maqa ni ciqomia a dau vosa, a vosa au na vosatainia, o oya ai ena lewai oya mai muri. ⁴⁹ Au maqa ni vosa vai au o tamaqu ga sa talai au mai, sa solia mai ai varo na a meu oya qa a meu voso ina. ⁵⁰ Ia au ila sa vuni bula tawamudu a o nai varo ia a atau =coo ga au sa vosa ina, au sa aya me tautauvata a a sa aya vei au a tamaqu.