¹ Ia ni se bere a ana vata ni lao sivia, sa ila o Jisu ni sa yaco mai a ona gauna, me lao tani waqe i vuravura ai vei oya a tamana, ni sa lommmani era a ona dra sa notu i vurovuro, e na lomani edra no me yacovia a i vataotioti. ² Io a tevoro sa dainia oti tu ina lomai Jiutasa Isikarioti a luvei saimoni, me soli Jisu waqe. ³ Ni sa ila o oya ni o tamana sa solia a vi ataucoo na ona liga ni a taucoo e tu ve eya e lao mai vei oya a alou, qa lesu leqa vei oya a alou. ⁴ Ni sa tucoe mai na gauna ni vatara navi qa luvatia a ona i sulu qa touria ai tauweli qa ologi oya ina. ⁵ Sa qai sove a wai ina loma ni eseni qa teivu me savatia a odra la a tisaipeli qa vamamaca tainia ina tauwelu, ma ologi oya ina. ⁶ Sa qai lao mai vei Saimoni Pita, qa aya ve eya o Pita, "Turaga, O na mai vuya li a oqu la?" ⁷ Sa qai aya ve eya o Jisu, a a au sa velee o maqa ni ila no ga, io o na qai ila ga vamalua. ⁸ Sa qai aya ve eya o Pita, o io ona maqa ni vuya a oqu la,"Sa qai Saumia o Jisu, Eu na maqa ni vui io o io na =maqa ni vai wasewase vata e au. ⁹ Sa qai aya ve edru o Saimori Pita. "Turaga, ua ni vuya wale ga a oqu la, uya leqa ga a oqu ligaei na oqu qa. ¹⁰ Sa qai aya ve eya o Jisu, O oya sa sili oti sa yaga ve eya me vuya ga a ona la, ni sa savasava taucoo o io sa savasava, qa maqa ni omiyau taucoo. ¹¹ Ni sa ila o Jisu, o cei ena soli oya waqe ma aya ina ana o oya e maqa ni o miau taucoo sa savasava. ¹² Na gauna ma sa sava tia oti ina o Jisu a odra la sa qai tauria a onai. Sulu qa no leqa i ra, qa aya ve edra, "dou so ila a a au sa velee vei emudou?" ¹³ Dou acivi au "vavuvuli" se "Turaga", o sa qai cavutia donu, baleta o yau sai yau ga. ¹⁴ Ia e tautauvata ei au, a Turaga ei na i vavuvuli, dru sa savatia a anu la, e dodonu leqa ga mo miyau vei vui yava. ¹⁵ Au na solia vei emudou a enai valavala, me rawa ni dou velee me tautauvata qu velee vei emudou. ¹⁶ E dina e dina au sa aya vei emu dou, sa maqa ni levu cae a tamata, vei oya ai vavuvuli, maqa ni o oya a dau di tuutuu e levu cae, o oya ga sa talai oya. ¹⁷ E tautauvata dou sa ila a vei a ai, dou sa alougata e dou sa velee. ¹⁸ Au vaqa ni vosatai emudou tauco oi au sa ilai edra au sa digitainia, ia me vayacari ina ai vola tabu, o oya o i rua sa ana madrai vata, la leqeti au na ona i buubuu ni la. ¹⁹ Au sa aya rawa ai vei emudou, ni se bere ni yaco mai, mo dou vabautia ni sai au, ni sa yaco mai. ²⁰ E dina e dina, au sa aya vei emudou, O oya sa vacegui edra au sa tala, sa vacegui au, sa vacegui oya sa talai au mai. ²¹ Ni sa vasa oti vei ai o Jisu, sa qai rorawa a lomana, sa qai Vataila qa aya, "Edina e dina, au sa aya vei e mudou, e dua vei emudou ena soli au waqe. ²² Dru sa vei iqavi o odru a tisaipeli, dru sa lomaleqa se vosa no vei cei o oya. ²³ E dua ve edru a tisaipeli, sa dau lomania valevu o Jisu, sa oto sobu ina ruu ni teveli na yasa i Jisu. ²⁴ Sa qai deguvacu tai oya o Saimoni Pita, me tarogia se vasa ta cei o oya. ²⁵ Sa qai vararavi o oya ina ona tutu i Jisu qa aya ve eya "Tuaga, o cei ana?" ²⁶ Sa qai aya o Jisu, sai oya au sa Solia ve eya a tii ni madarai mu sa toriya qa solia ve eya, "ni sa tonia a ena madrai, qa solia vei Jiutasa a luvei Saimoni Isikariati. ²⁷ Ni sa oti a tii ni madrai, sa qai curumi oya a Setani. Sa qqai aya ve e na o Jisu, "A cava o mata velee, velee sara vatotolo. ²⁸ E maqa ni dua ve edra ma notu i na dela ni teveli me ila acava e oya ina ai vei oya. ²⁹ E dra nanumia ni tari a toga ni sede o Jutasa, ni sa aya ve eya o Jisu, Volia a vei a ena yaga vei eda ena ana vata; se me solia e so o a vei edra a diavudravua. ³⁰ Ni sa tauria oti a tii ni madrai o Jutasa, sa lao vatotolo ituba ni sa bogi no a vanua. ³¹ Ni sa lao o Jutasa, sa qai ayao Jisu, sa qai varooroo toi a luve ni tamata, qa sa varooroo tai a luve ni Alou ina vuuna. ³² A Alou ena varooroo tai ni oya ga vai oya qa na varooroo tai ni aya vasauri. ³³ Na luvequ lomoni, au na notu ga valailai vata ei emudou ina dua gauna lealea. Dou na qai vaigavi au, io me tautau vata au sa aya ve edra a ai Jiutia, Dou na maqa ni rawa ni lao i na vanua au na lao waqe ina. O oya au sa aya leqa ina vei emudou. ³⁴ E dua ai vunau vou au sa solia vei emudou. Mo dou dau veilamani, me tautauvata au sa lomani emudou mo dou lomani edra leqa e so. ³⁵ A a ai edra na ila ina a tamata taucoo ni o mudou a ogu tisaipeli, ni dou sa lomania leqa e dua. ³⁶ Sa qai aya ve eya o Saimoni Pita, "Turaga, o sa lao i vei?" Sa qai aya o Jisu, "A vanua au sa lao ina, o na maqa ni rawa ni muri au rawa ina ai, ia maimuri ga, o na qai muri au. ³⁷ Sa qai oya ve eya o Pita, "Turaga, a cava au maqa ni muri io rawa ina ai? niu sa solia a oqu bula ena vuunuu. ³⁸ Sa qai aya ve eya o Jisu, O na Solia a omu bula ena vuuqu? E dina e dina au sa aya ve io, ni se bere ni tagi a toa, o na caitai au va tolu."