¹ Ia ena roa'roa caca ni matai ni siga ni macawa ana, ni se ilo'ilo no ga, sa la'o o Meri a yalewa ni Makitata ina ibulubulu qa igavia ni sa va qiqi tani tu a vatu mai na ibulubulu. ² Sa qai ovu sara o ea qa yato sara vei saimoni Pita, ei eya a tisaipeli ma dru notu vata nom ea a dau lomania o Jisu, qa aya ve edru, "Edra sa di ea tani a Tyragi mai mai bulubulu, qa eda maqa ni ila a vanua cava edra sa va otoni eya ina." ³ Sa qai la'i tuba o Pita ei eya a tisaipeli ma dru notu vata no, edru sa qai la'o ina ibulubulu. ⁴ Edru sa ovu vata sara qa totolo ca'e sara vai vei Pita o eya a ei'na arua, qa yaco matai sara ina ibulubulu. ⁵ Cuva solou sara o eya qa iga waqe i loma, qa agavia a isulu lineni ni oto tuina, ia sa maqa ga ni curu sara waqe iloma. ⁶ Sa qai yaco waqe o Pita qa curu sava waqe i loma ni bulubulu, qa igavia o eya a isulu lineni ni sa oto to'a ina, ⁷ ei na tavoi eya ma vesu no ina ona ulu. Ea maqa ni oto vatatu ei na isulu lineni, ia a lobi tani do ga va'ai ea ina tila a vanua. ⁸ Qa o ea a arua ni tisaipeli, o ea a matai mai ina ibulubulu, sa qai la'o leqa ga iloma, sa igavia qa vabautia leqa ga. ⁹ Me yacovia mai a gauna ana edru sa maqa ga ni ila a, a ma sa volai, ni dodonu me natuca'e mai na mate. ¹⁰ Edru sa lesu leqa a tisaipeli ina odru duivale. ¹¹ Ia o Meri e tu voli ga ituba qa tagi no. Ena ona tagi no ana, ea cuva sobu sara ina qara vatu. ¹² Pu igavia o ea e rua a agilosi va vulavula ni edru dadabe tu ina, duqe no'tu qa vamata tu ina vanua e oto ina a ona ulu, qa ei'na arua e vamata tu ina vanua e oto ina a ona la. ¹³ Edru sa qai aya vei ea, "Yulewa, a cava o sa tagica'inia voli?" Aya sara a eya, "Baletia ni dra sa dia tani a ooqu turaga qau maqa ni ila a vanua edra sa daini ea ina." ¹⁴ Ni oti a ona vosa, oya sa qai vu'i va nada'u qa igavi Jisu ni sa tuca'e tu ene, ia oya maqa ni ila ni sa o Jisu ano. ¹⁵ Sa qai aya vei eya o Jisu, "yalewa, o cava o sa tagicainia no? O cei o sa vaigavia?" Nanumia o Meri ni o ea a dau sasoma'i, tarogia sara waqe o ea, "Saka, e miou sa di eya tani, aya mai a vanua miau sa daini eya ina, meu na maroroi eya. ¹⁶ Tarogi ea waqe o Jisu qa aya "Meri! Vu'i o a qa aya va Iperiu, "Rabboni" (ena ibalebale dau va vuvuli"). ¹⁷ Qa aya vei ea o Jisu, ua ni turai au niu sebere ni la'o ca'e vei tamaqu, ia la'o ga vei edru a taciqu qa aya vei odru, niu no la'o ca'e vei tamaqu, oya e tamamudou, ei a oqu Alou oya e omudou Alou. ¹⁸ Sa qai la'o o Meri a yalewa ni Makitula ive odru a tisaipeli, qa aya "au sa igavia a turago" qa aya a vei'a ma sa aitai mai vei ea. ¹⁹ Ni a sa taranavi mai, eno siga no ga ana, a matai ni siga ni macawa e dru sa sogosogo a tisaipeli, ena odratou rereva'i odra a Jiu. Sa qai lao mai o Jisu qa mai tu ina edru maliwa qa aya, me omudou a va'acegu". ²⁰ Oti a ona aya ana, sa varaitai nia vei edru a ona liga ei na ona saresare. Asa marau o odru a tisaipeli nidru sa igavia a turaga. ²¹ Qa aya leqa vei edra o Jisu, "Me omudou a va;acegu. Ni sa talai au o tamaqu, au sa talai emudou leqa ga. ²² Ni sa vosa devu o Jisu, sa ceguvi edru qa aya, "dou ciqomia a yalotabu". ²³ O ea ga dou sa vosotia ena vosoti, o eya ga dou sa maqa ni vosotia ena maqa ni vosoti. ²⁴ Tomasi, tila vei edru a lewe timaruu (sa votoai leqa ga o eya vei 'drua') e a maqa ni notu vata ei edru a gauna e yaco mai ina o Jisu. ²⁵ Sa qai aya o odru a tisaipeli vei eya, "Eitou sa igavia a turaga". Sa qai aya o eya, va vo sara eu sa igavia a mowe ni iva'o ina ona liga, qa meu va'ila ina oqu liga, ya meu biutia sava a oqu liga ina ona saresare, au na qai vabautia. ²⁶ Nidru no'tu vata leqa iloma a tisaipeli ni oti e walu a siga qa notu leqa ga ina o Tomasi. Sa qai yaco mai ina edru maliwa o Jisu, qa dina ga ni'ma sogo tu a ta'uri sa qai aya waqe a Jisu, "Me notu vei emudou a va'acegu". ²⁷ Sa qai aya vei Tomasi, dodoia mai a omu liga qa igavia a oqu liga. Dodoia leqa mai a omu ligo ina oqu saresarequ. Mo ua ni dau vatitiqa, ia mo vabautia ga. ²⁸ Sa qai soumia lesu o tomasi qa aya, "Oqu turaga qa oqu Alou". ²⁹ Sa qai aya vei eya o Jisu, "baletia ni o sa igavi au, o sa qai vabautia". ³⁰ O Jisu ma vele'e leqa e levu a vata'i'aiila ina edru niata a tisaipeli, qa ra maqa ni volai ina ivda ui. ³¹ Ia ma volai ga ai me rawa ina nio vabautia nio Jisu a Karisito, a luve ni Aloum, ia ena vabauta ana, sa rawa ina a bula ena vu'u ni ona yaca.