¹ Ni devu a veia'ai ea qai vatailai ea leqa o Jisu ve edru a tisaipeli ina wasawasa o Taiperia. Sa ve;ai a ona vara'ilai eu. ² Edru a notu vata o Saimoni Pita, ei Tomasi, o eya a vatoai ina "brua", ei Nacanieli mai Eria mai Alili, ei rua a luvei Sepeti, qa lewe rua leqa a ona tisaipeli. ³ Qa aya sara o Saimoni Pita vei edru "au se la'o madai qoli. Edru saumia lesu, "oitou leqa ga na lao vata ei i'o. Dru sa qai la'o waqe qa dru va vodo ina boto. Edru maqa ni vawatia rawa e tila a i'a ina bogi tauco'o ana. ⁴ Ia ni sa roaroa mai, sa tu'cae tu o Jisu ina mato sawa qa dru maqa ni ila a tisaipei ni o Jisu i. ⁵ Sa qai taro waqe o Jisu, "mudou a driadria sa bau tu ari eso a a mo dou ania?" Dru sa qai aya "e maqa". ⁶ Aya waqe o Jisu vei edru, o'otainia a lawa ina tutuna i imdau dou na qai tagavia ina e so. Dru sa qai dotoinia a odru lawa qa sa tamu rawa nidru yavia baleta a levu ni i'a . ^{9 7} Sa qai aya vei Pita o oya a tisaipeli daulomania o Jisu, "O oya a turaga ana". Ni sa rogo o Pita ni sa oya ana a turaga sa qai dara a ona isulu va gonedau (ni ma luva wale tu) qa si'a i wai. ⁸ Odru a vo ni tisaipeli, dru sa qai la'o mai ina boto (ni dra a maqa ni yawa mai vanua rautia ga ni dua drau a mita i wai), qa dru yavia a lawa ni su sinai tu ina a i'a. Ni edru sa sobu i vanua, dru sa qai igavia sara ni sa ve'a tu a qilaiso qa tavu no a i'a voila ea a madrai. ¹⁰ Aya wa'qe vei edru o Jisu, "Dia mai e so a i'a dou sa qai tagavia mai". ¹¹ Yavia mai i vanua o Saimone Pita a lawa qa sinai ina a i'a lelevu 153 a ena iwiliwili. A sa levu a i'a, ia e maqa ga ni abasi a lawa. ¹² Aya waqe ve edru o Jisu, dou mai va roaroa. Maqa ni tila ve edru me bau tarogia se "o cei o oya?" Ni dru sa i'la ni o oya ga a turaga. ¹³ Sa qai la'o mai o Jisu tari a madrai qa solia vei edru qa a i'a ga leqa. ¹⁴ I ai sa i'atolu ni gauna me vatailai eya ina o Jisu vei edra i a tisaipeli ni devu a ona tuca'e mai na mate. ¹⁵ Ni dru sa va roa'roa devu tarogi Saimoni Pita o Jisu, "Saimoni a luvei Jona, o lomani au ca'e mai na vei'a ai?" Saumia lesu o Pita vei ea, "Va'ania a oqu lami." ¹⁶ Sa qai tarogi ea leqa ina urua ni gauna, "Saimoni a luvei Jona o lomani au li?" Saumia waqe o Pita, "Io turaga, o ila va're m'u lomani emiau". Aya waqe o Jisu vei ea, yadravia a oqu sipi. ¹⁷ Tarogia leqa waqe o Jisu ina a tolu ni gauna, "Saimoni a luvei Jona, o lomani au li? "A sa rarawa alomai Pita ni sa tarogi ea va tolu o Jisu. "O lomani au li?" Saumia waqe o Pita qa aya, "Turaga miau sa ila a vi a tauco'o ga qa miuu ila niu sa lomani i'o." Aya waqe o Jisu vei eya, "Va'ania a oqu sipi. ¹⁸ Edino edina au sa aya vei i'o, ni'o ma se driadria, o ma dau va'isulu ta'ini i'o, qa di io ina vanua o maqa ni gutia mo la'o ina." ¹⁹ Sa aya a vosa ai o Jisu me vatailai ma a varou ni mate ena valagilagia ina o Alou o Pita. Ni sa devu o ona vosa, sa aya sara vei Pita, "Muri au". ²⁰ Ivi lesu o Pita qa igavi ea a tisaipeli dau lomania o Jisu ni'a muri edru voli, o ea a no raviti Jisu ena gauna dru ma vatarariavi no ina, o oya a aya, "Turaga o cei ena liumuri ta'ini i'o?" ²¹ Igavi eya o Pita qa tarogi Jisi, "Turaga a cava e na vele'e o ea a turaga ai?" ²² Saumia lesu o Jisu qa aya ve oya, "Eu au guitia ea me notu yacovia a oqu lesu mai, me cavu ina vei i'o? Muri au". ²³ Ai tu'utu'u ai su qai tete vei odru va veitaeini, ni na maqa ni mate o eya a tisaipeli ana. Ia o Jisu e maqa ni aya ve Pita, ni o eya a tisaipeli ana ena maqa ni mate, ia, "Eu guti eya me notu, yacovia a oqu lesu mai, me cava ina vei i'o?" ²⁴ I'ai o oya a tisaipeli ma aya a via co'o ai, qa oya a ma vola a vi a'co'p ai qa da ila ina ni ona tu'utu'u e a dina. ²⁵ E tu e levu leqa a, a ma vele'e o Jisu. E ma dra volai co'oco'o au vabautia ni na oso o vuravura ina vei vola e volai ina.