¹ Sa qai di Jisu o Pailato qa vasaolaini oya. ² E dra sa qai talia a sotia e dua i sala votovotoa qa ra vaisalatai oya ina, ena sa qai va sulumi oya ena dua i sulu loaloa. ³ Era sa qai aci vai nia "I au a odra Tui a ai Jutia, era sa qai va robai lai oya. ⁴ Sa qai lao leqa i tuba o Pailate qa aya vei edra "Dau une au sa di oya mai tuba, me rawa ni dai ila, ni sa maqa leqa ni dua ca au une vei oya. ⁵ Sa qai lao mai tuba o Jisu, sa va darami tu mai vei oya ai sala votovo toa ei na i sulu loaloa. Sa aa vosa o Pailate vei edra "dai ure i ai a tamata.!" ⁶ E dra sa qai unei oya, o odra orisa ei edra leqa sa a bete levu era sa qoqolai tau co'o ga "Vaota ina Kauveilatai, vaota ina Kauveilatai sa qai aya vei edra o Pailate dou tauri oya qo dou vaotia ina Kauveilatai niu maqa ni bau une vei oya e dua ai valavala ca. ⁷ Sa qai aya vei ea o edra a ai Jutia sa dua a oimanu lawa vaturi sa dodonu me va matei baleta ni aya no ni luve ni Alou. ⁸ E rogoca va re o Pailate a vosa ai sadua a a ona rere. ⁹ Sa qai curu leqa na vale ni veilewai qa tarogi Jisu O io o lao bea mai vei? Ia sa maqa ni qai vosa rawa vei eya o Jisu. ¹⁰ A sa qai aya vei ea o Jisu. A cava o sa maqa ina ni vosa mai vei au. O maga ni ila o au e tu vei au a lewa, au rawa ni vaoti io qau rawa leqa ga niu serei io. ¹¹ Sa qai vosa vei eya o Jisu qa aya. "O io maqa ni tu vei io a Kaukauwa va vo e soli vei io mai cae. ¹² I na o na vosu ai sa qai va saga no o Pailate me serei oya edra sa qai civo o edra Jiu qa ra aya eya'a o maqa ni va oti ea o io maqa ni to oi sisa. O ea ga'e tovoli ea ni Tui e maqa ni va ro'oro'o vei Sisa." ¹³ Sa rogo o Pailate a vosa ai sa qai di Jisu tani mai qa mai dabe sara ina i dabedabe ni veilewai ena vanua e va to ai a Rara vatu cavuti leqa ga na vosa vaikeriu a Kapaca. ¹⁴ Sa varau na siga ai a ana vata ni lao Sivia mai na Ono ni auwa. Sa qai aya vei edra a ai Jutia. "Dou une a Omudeu Tui. ¹⁵ E dra sa qai aci tauco'o, ena domoi levu "vaota ina Kauveilatai.Meu vaotia bea a omudou Tui? sa qai saumia mai a odrfa turaga E maqa ni dua leqa a Oiton Tui o Sisa duadua ga. ¹⁶ Sa qai soli oya waqe vei edra o Pallato me vaoti ina Kauveilatai. ¹⁷ E dra sa qai di Jisu tani mai me colata ga mai a ona Kauveilatai ina vanua e va to ai. a vanua ni qa voavoa e va to ai na vosa va Iperiu o Kolikoca. ¹⁸ E dra sa qai vaoti Jisu ina edru sa qa, vao vata ei na rua leqa a tagane me dru ya dua a ona tutu. ¹⁹ Sa qai vola o Pailate e dua lai vata-ilaila ina Kauveilatai. I ai o Jisu a ai Nasareci a ODRA TUI A AI JUTIA. ²⁰ E lem sara era mai Wilie ia o odra ai Jutia baleta a vanua ma vao ina e volea toa ga na Oro Turaga e volai na vosa va Iperiu ei na vosa va Kiriki. ²¹ E dra sa civo va lem a turaga ni Jutia qa ra aya me ua ni vola. ²² Sa qai aya O Pailato. A vei a au sa vola. Au sa vola. ²³ Ni dra sa vaoti Jisu oti, edra sa qai veiwasei va tainia a ona i sulu me ra vadua ena ti i o edra a sotia, e maqa leqa ga ni cula e tali dua ga mai ra me yaco i cae. ²⁴ E dra sa qai aya va ai edra me ua ni qai basi me da sa va wiri madigi se me oi ei me dina ina vola tabu ni aya "E ra sa wasea a oqu i sulu Ia a oqu tilovi era va wiri madigi ina." ²⁵ Sa tu volea ina Kauveilatai o Tinana ei edru a taci Tinana O Meri a tinana ei Meri a wati Kaliopa ei Meri a Yalewa ni Maitala. ²⁶ Ni sa unei Tinana O Jisu vata ei edru a tisaipeli ni dru no tu vata sa qai aya vei Tinana. ²⁷ Yalewa une a Luvemu. Tisaipeli une a tinamu. E dra sa qai di oya i nodru. ²⁸ Sa oti ai sa qai. Ila O Jisa sa dodonu me va yacori ai vola tabu sa qai aya cae ni sa mata somi wai. ²⁹ Sa dratou va rautainia tu e dua a bilo wai wiwi edra sa qai toni sua tainia e dua vutoruto qa dru biutia na ona gusu. ³⁰ Ni sa qai somia oti a wai wiwi o Jisu sa qai aya sa oti Sa qai va cuva a Yalona. ³¹ Edra saqai vamasuti pailato o edra a ai Jutia me sa musui a odru la qa dra ai tani, me ua ni lili tu a yagodra baleta ni sa siga no ni vaccegu. ³² Sa ra qai lao o odru a sotia qa dru musa ia a la oi dua vata ei oya a enai a rua qa dru vao vata ina Kauveilatai. ³³ Ia ni dratou sa unei Jisu ni sa mate tu edratau sa qai maqa ni musu ia a ona ia. ³⁴ Sa qai dua vei edru e sua ia a saa saresare sa qai dave mai ina a dra. ³⁵ Ia o oya sa qai une sa radira dina tainia ai tu'u tu'u, sa qai ila o oya ni sa vosa dina, mo dou qai vabautia. ³⁶ Sa qai vele a ai me va yacori ina ai vola tabu me ua ni musui e dua a ona sui. ³⁷ Sa qai torole'e leqa a volatabu! Era na unei oya era na sunai oya. ³⁸ Sa qai oti a veia ai sa va masuti Pailato o Josefa a ai Arimacea me dia tani a yagoi Jisu. Sa qai radoruy o Pailato sa qai dia. ³⁹ Sa qai lao mai o Nikotimo, sa qai dia mai a mura ei na yasi e dua na drau na paudi a enai sau. ^{41 40} Dru sa qai di Jisu, dou sa qai o loga a Yasona na sole linetu me tautauvata a ena i varau vei edra. 1 Sa dua a were ena tiina sa vaoti ina a Kauveilatai sa qai bulu ina ona gau. ⁴² E dru sa qai bulutia ina a yagoi Jisu ni sa odra siga ni vacecequ. Oni sa volea vei edru ai bulubulu.