¹ A sa lao mai o Apolosa ni sa notu mai Koronia sa lao waqe o Paula i na yasana ena colo a sa yaco i Efeso, sa igavi edra tisaipeli ni dra sa no tu ina. ² Sa tovelee o Paula ve'edra, "Mudou sa aqomia a Yalo Tabu o'oya mo dou sa vabautia?" Adra sa tovelee ve'eya, "Maqa oitou se maqa ni rogo a veia me baleta a Yalo tabu." ³ Sa aya, ve edra o Paula, "Ena vuu ni sava dou sa papitaiso. Edra sa aya, "Ena papitaiso, i Joni. ⁴ Sa qai tovelee o Paula, "Joni sa dauveipapitaisotai ena papitaiso ni veivutuni a sa tovelee o'oya ve'edra a tamata me dra vabauti eya ena muri oy'a mai, ni sa oya ga ai sai Jisu. ⁵ Ia ni dra sa rogo edra sa papitaisotai ena ena yasa ni turaga o Jisu. ⁶ Nisa tabai edra, o Paula ena ona liga, a sa yaco ve edra a yalotabu a dra sa vosatainia a vosa ni veivanua tani ei na parofisai. ⁷ O odra taucoo a tagane edra sa lewe tiniarua. ⁸ O sa lao o Paula i vale ni Lotu a sa vosa doudou no a vula tolu a sa vavuvuli, a vadinadina tainia a veia ni matanitu ni Alou. ⁹ Eso ve'edra Jiu edra, lomoqatainia ei na maqa ni vabautia, a'dra sa teivu vosa vacacatainia ena odra mata a lewe vuqa o Paula sa lao tani mai ve'edra, qa di edra a tisaipeli, a sa dauveituberi, no ena veisiga ena vale ni wili vola oi Tirano. ¹⁰ A sa rautia me yabai rua, o odra taucoo a notu mai Esia edra sa rogo a vosa ni Turaga, o Jiutia vata ei edra ai Kiriki. ¹¹ A Alou sa velee a veika mana ena liga i Paula. ¹² A sa di tani mai a tavoi, ena i sulu eso, ve edra sa tauvimate, sa reva ina a o'dra tauvimate, a sa lao tani maivei edra, o dra sa yalo da. ¹³ A so ve edra a ai Jiutia edra sa dauveilaoyai ena veigasana. Edru sa cavutia a yasa ni Turaga o Jisu, ve odra sa aurumi edra a yalo ea edra sa aya. Ni sai Jisu o'oya sa vunautainia, o Paula. Asa vatalai edra ena yasa i Jisu i edra laoitani. ¹⁴ A odrai bete, levu a ai Jutiai a ora yasa ro siva, edru sa lewe vitu a luvena tagane, edru sa vayacora me ve a na. ¹⁵ Sa qai vasa a yalo ca ve'edra, "O Jisu au sa ila, o Paula leqa ga au sa ila, o sei o omudou?" ¹⁶ A tamata sa no tu ve eya a yalo ca a sa rawai edru a vararauwatai ni edru. Edru sa ubu tani mai ena vale a na ni dru sa luvaiwale qa dru sa mavoa. ¹⁷ Adra sa ila a veia, ai odra ai Jutia, ei edra a ai Kirisi, ei edra a ai Efeso. A sa yacovi edra taucoo a rere, a dru sa valevuleua a yasa ni Turaga o Jisu. ¹⁸ Edra sa lewe vuqa odra sa vabautia edra sa lao mai a vatusa a vataila a odrai valavala. ¹⁹ Adra sa lewe vuqa ve'edra sa dau velee a lawai vatevoro, a dra sa umunia vata a'odrai vola a visa era odra mata taucao ga a dra sa wifia rata a edrai voli, a dra sa igavia ai sa limasagavulu, a udolu ai lavo siliva. ²⁰ A sa tubu vakaukauwa a vosa ni ni Turaga a sa gumatua. ²¹ Ni sa devu, a veia ai, a sa naitia o Paula i lomana me lao i Masitonia ei Akaia sa qa lao Jeruisalemi, a sa tovelee; niu sa no tu mat ene, e dodonu meu na igavi Roma." ²² A sa qai talai edru waqe i Masitonia e lewe rua ve edra a dau qaravi oya, o Timoci si Irasito. A sa no tu vadede o'oya mai Esia. ²³ Ia ena gauna a na sa tubu valevu a ue ena loma ni Lotu. ²⁴ E tila a turaga, a ona yasa o Timitirio, a matai a matai ni siliva, sa dau vala ena siliva, sa dau vala ena siliva nala vata araara ni bure alou a oi Taiana. ²⁵ Ni sa tarogi edra vata mai ei, edra a tamata edra sa daucaacaa sa aya o oya. O mudou a turaga, dou ila sa caacaa veai, eda sa vaiyau ina. ²⁶ v 26 Dou sa qai igavia a rogo, ni sa maqa e Efeso, tilatila ga, sa vo e lailai roe devu mai Esia, taucoo, o Paula ai, a ra sa lewe vuqa sara sa rawa, a sa saumainia tani ni sa aya sa maqa ni Alou a a, sa vala ena liga. ²⁷ Ni sa volea ni beci ina a oda caacaa ai, sa a sa maqa ni o oya ga ai, sa volea leqa ga me vaawaletai a bure i Taiana,a alou yalewa levu, a me lutu mai a ona i tutu lagi lagi, o oya sai soro ve eya o Esia taucoo ei vuravura. ²⁸ Ia ni ra sa rogo sa a tani sara a odra civo, a dra sa qoqolou a aya, sa levu ga o Taiana a Alou ni ai Efeso. ²⁹ A sa a levu a ue ena oro taucoo; a sa tar Keio vakaukauwa ei Arisitako, o odru a ai Masitonia, edru sa dau lao ei Paula, a ra sa rusu vakaukaunia vata ina bure levu. ³⁰ Ia ni sa mata rusu o, Paula ve'edra a tamata, edra sa tarovia o odra sa lotu. ³¹ O o'dra leqa ga eso sa turaga mai Esia edra sa ona i to edra sa talai ve'eya a masuta me ua ni doudou me rusu ina bure levu. ³² Adra sa dui qoqolou ni dra sa ue ai soqosoqo edra sa lewe vuqa, ia sa lewe levu ve era sa edra maqa ni ila se sara sara edra a soqoni vata ina. ³³ Ia eso ve edra a lewe vuqa edra sa vaturi a sa vatabataoa, o Allllekisada a sa mata tusanai o'ya ve edra a tamata. ³⁴ Ia ni dra sa ila ni sai Jutia o oya, sa sosorai vata a domodra ni sa devu e rua a auwa, a sa qoqolou vaa, sa levu ga o Taiana a odra Alou a ai Efeso. ³⁵ Ia ni dra sa tarovi edra sa lewe vuqa a vunivola ni ORO, sa aya, oi kemudou a ai Efeso, o sei a tamata, sa mqa ni ila ni sa vatau ina lewe ni oro o Efeso na bure Alou ni. ³⁶ Ia ni sa maqa ni vatitiqatai rawa a veia ai, sa dodonu mo dou no tu vamalua, a mo ua ni velee vailoa e tila a a. ³⁷ Ni dou sa di edra mai ei a tamata ai, edra sa maqa ni daubtao mai na vale ni soro, se vosa vacacatainia a oda Alou-Yalewa. ³⁸ E tila sa mata beitai Timitirio, ei edra a matai edra sa ona i to, sa ia a veilewai, a sa ia a veilewai, a sa no tu a turaga ni lewa: ne dra lai veibeitai. ³⁹ Ia e sa tila tani a a, dau sa taroga, ena lewai ena tila soqoni me va a a vunau. ⁴⁰ Ni na beitai bea ve eda a ue, ena vuu ni a sa yaco ni ua, a ni da sa maqa ni tevelee e tila a a e vuna sa soqoni vata aveui. Ia ni sa vosa devu veiai, sa qai vasuai edra ai soqosoqo.