¹ Io ena gauna ana sa velee o Eroti a tui me vavarawatai eso vei edra a soqosoqo lewe ni lotu. ² E sa vamatei Jemesa a taci Joni ena Selewau. ³ To ni sa igavia sa gutia o odra a Jiu, sa qa tauri Pita leqaga. Io na gauna ni ana modai sa maqa ni ane madrai sa maqa ni valeveni. ⁴ Qa ni sa tauna, sa biu i na vale ni veivesu, solia ina mata-sotia medra yadravi eya qa sa numia me di ve edra a tamata, ni sa oti a ana vata ni lao-sivia. ⁵ Io o Pita se biu noga i vale ni veivesu, io edra sa dau masulai ni eya no ve eya a Alou o'odra a soqosoqo lewe ni lotu. ⁶ Io ni varau o Eroti me di ea mai, e na bogi ana sa mace o Pita ena edru maliwa e lei ma a sotia, e sa vesu ena sinucodo e ma, edra sa tu a enai vatawa e na mata ni ta'ari, medra yadravia a vale ni veivesu. ⁷ Qa igavia, sa dua a ugilosi ni Turaga e lao mai, qa sa cila waqe a rarama i na vale ni veivesu, qa sa vatucae tania, qa aya, vatotolo mo tucae E sa lutu tani mai na ena liga a sinucodo. ⁸ Qa sa aya ve eya a agilosi, dara a omu i sulu qo dara a omuivava. Qa vamuri eya mo butui qo muri au. ⁹ E sa cum waqe o'oya, qa sa mun eya qa maqa ni ila ni dina a a sa velee a agilosi, e nanuma ga ni igavia no a raivotu. ¹⁰ Ia ni dru sa sivi edru a matai ni vatawa ei na arua, edru sa yaco i nai sogo kaukomea sa basia i naoro, e sa tadola ga vata ei eya ve edru qa dru sa lao sara i tuba, qa sivia e dua salevu, qa saqai lao tani vasauri vei eya a agilosi. ¹¹ Io ni saqai ilai yalona o Pita, sa aya, au saqai ila dina saraga, ni sa tala mai a ona agilosi a Turaga, e sa vabulai au mai na liga i Eroti, mai na odra inai tauco'o a ai Jutia. ¹² Io ni sa vananumia no, su yaco o'oya ina vale i Meri a tinai Joni, a ona yaca leqaga o Manka edra sa lele levu edra sa soqoni vata ina me masu. ¹³ Io ni sa tuitui o Pita, nai sogo ni matamata ni oro, sa qai lao e dua vada me arorogo a yacana o Rota. ¹⁴ Io ni sa ila a domo i Pita, se maqa mada ni dolovia ai sogo qasa marau, qa ovu sara iloma qa aya ni sa tu o Pita ena matamata ni oro. ¹⁵ Qadra sa aya vei oya, o sa lialia. Io sa vadinadina no oya ni tauvata ga. Edra saqai aya, rai ona agilosi. ¹⁶ Io e tuitui no ga o pita, qa ni dra dolava, edra sa gavia qadra idacala. ¹⁷ Qasa vatabataaba ve odra o'oya me dra vavorogo qasa aya vei edra ni ma di oya mai na vale ni veivesu a Turaga. Qa aya, Lai aya vei Jemesa, qa vei odra leqaga a veiweani. Sa qai lao va tii'iti'i o'oya, qa lao ina dua vanua tani. ¹⁸ Io ni sa siga mai, e maqa ni lailai a odra idacala a sofia, se sa lao bea i vei o Pita. ¹⁹ Io ni sa vaqarai oya o Eroti, qa maqa ni gavia sa tarogi edra a vatawa, e sa aya medra vamatei. Qa sa lao sotu o'oya mai Jutia i sisaria, qa notu ina. ²⁰ E sa civo valem o Eroti vei edra a ai Tuia ei Saitoni, edra soqai loma vata qa dra lao mai vei oya, io ni dra sa rawai Pilasito, o'oya sa lewa a vale ni moce wei Eroti, me vuei edra, edra edra sa masuta a veiguti, ena vu'u ni a sa di mai a edra mai na ona vanua a tui. ²¹ Io ni sa yaco a siga dru sa oucia, sa qai vaisulu o Eroti ea sulu vaturaga, qa sa notu enai dabedabe vaturaga, qa vunau vei odra. ²² Saqai ela vaini o odra tamata, sa domo ni Alou sa maqa ni domo ni tamata. ²³ Qa sa yaviti oya vasauri e dua a agilosi ni Turaga, ni maqa ni varo'ouo'o tai ina a alou o'oya qasa ani oya a baca qa mate. ²⁴ Io sa tubu ga vosa ni alou qa levu sara mai. ²⁵ Qa dru sa lao leqa mai Jerusalemi o Panapasa ei Saula, ni dru sa vaotia a ca'aca'a, qa dru sai di Joni, a ona yaca leqa ga o Marika.