¹ Edra sa rogoca o'odru apositolo e edra veiweani mai Jutia ni dra sa vabauta a vosa ni Alou o odra leqaga edra sa matanitu tani. ² Io ni sa lao cae mai Jerusalemi o Pita, edra sa ³ Ine dua siga, raula no a tulu a Kalaleo ni taranavi" Sa egavia e dua a agilosi ni alou sa lao mai ve ea, "I Konilio ⁴ Sa rere o Konilio qa va widrivi ea tu, "A cava ai Turaga?" sa aya qa aya, a omu masu ei na omu ani loloma se lao cae i na matal ni Alou mo ranamemi ina. ⁵ Au a notu ena oro Jopa qu masu, ia au a gaia a raivotu, e dua a e lao sobu mai, e tautauvata dua tilaovi levu, sa lutu sobu mai lamalagi ena tutuna vava, qa sa yaco sara vei au. ⁶ Io riu sa igavia vare, qa vananuma, au sa gavia ina a manumanu ni vanua e yavai va, ei na manumanu ila, ei na veia sa dau qasi voli ei na manumanu vua. ⁷ Au sa qai rogoca e dua vosa sa aya vei au, tucae, Pita mo vamatea, qo ania. ⁸ Au sa qai aya, ua aoqu turaga, ni sa maqa a'a tabu se a maqa ni savasava sa luru i na oqu gusu ina dua siga. ⁹ Qa sa rogo leqa vei au a vosa mai lomalagi, a'a sa vasavasava tainia a alou, me ua ni tautauvata e tabu. ¹⁰ E sa vala vatolu a a'ai, e saqai yari tauco'o leqa i lomalagi. ¹¹ Qo gavia, e le totu a tamata sa qai lao i vale au ma notu ina, edru ma talai mai Sisaria vei au. ¹² E sa aya vei au a Yalo tabu, meu lao vata ei odru, me ua ni viba a lomaqu, qa eitou sa lao vata leqaga ei edru a viwemiai e lewe ono, qa eitou curu ina ona vale a tamata ana. ¹³ Qa sa aya ve eitou o'oya, ni ma gavia a yagilosi ina ona vale, qa aya vei eya, lai Jopa, me laovi Samone, a ona yaca leqaga o Pita. ¹⁴ O'oya ena aya veio a vasa ona bula ina, ei odra tauco'o a omu lewe ni vale. ¹⁵ Lo niu sa teivu meu vosa, sa yaco vo edra a Yalo tabu, me tauvata e eda a enai rateivu. ¹⁶ Au saqai nanumia a vosa ni Turaga, ni sa aya o'oya sa dina qa veipapitaso tai o Joni ina wai, io dou na papitaiso tai ona Yalo tabu. ¹⁷ Lo ni saaqai Solia ve edra a Alou ai solisoli me tauvata ei eda sa vabauta a turaga o Jisu Karisito, o cei o au, meu tarovia rawa a alou." ¹⁸ Io nidru sa rogo a qai, edra sa vavorogo. Edrasa varo'oro'otai nia a alou qa aya, sa doina sa qai solia a alou vei odra leqaga a veimatanitu tani a veivutuni medra bula. ¹⁹ Io o'odra sa veilaoyai e na veivacacani sa tubu ena vu'u i sitiveni, edra sa lao ga i finais ei Kipiro, ei Anitioki, edra qai aya a vosa ve edra tauco'o a Jiu. ²⁰ Eso ve edra edra ai Kipiro ei kirini, ni dra sa yaco i anitioki, edra sa vosa vei odra edra sa vulogi mai na veimatanitu tani, edra sa vunau tainia a Turaga o Jisu. ²¹ E sa notu vata ei edra a liga ni Turaga, edra sa lelevu ina a vabauta, edra sa saumai mai ve eya a Turaga. ²² Saqai yaco a edra i tu'utu'u ve edra ai soqosoqo lewe ni lotu mai Jerusalemi, qa dra sa talai Panapasa, me lao sara i anitioki. ²³ Io ni sa lao o'oya qa igavia a ca'aca'a loloma ni Alou, sa marau ina, qa sa vayabqaqu tai ni edra tauco'o, medra abitia a Turaga ina loma e gumatua. ²⁴ Ni sa tamata re o'oya, esa sinai ena Yalo tabu ei na vabauta, qasa lewe levu ina a tamata sa vaoritai ve eya a Turaga. ²⁵ Sapai lao o Panapasa i Tarisu me vasaqarai Saula. ²⁶ Io ni sa gavia, sa dia i anitioki. Qa sa dua yabai tauco'o edru dau soqoni vata ina ei edra ai soqosoqo lewe ni lotu, qa dra lelevu edru sa vavulica. Ia mai anitioki edra sa vatoai i mada o'odra me toani i Karisito. ²⁷ Io ena gauna odra sa lao mai ina eso a porofita mai Jerusalemi i Anitioki. ²⁸ Qa sa tuca'e e dua ve edra, a ona ayacao Akapo qa aya, e ma vavuna a Yalo tabu, ni na yaco mai muri a dausiga levu ena vanua tauco'o, a a'ari sa yaco ina gauna sa tui ina o Kilotiu. ²⁹ Io edra sa lewa o odra sa lotu medra solia yadua a odra ani loloma, me tauvata ga a'a dra sa dui rawatia, vei era a iweani edra sa notou mai Jutia. ³⁰ E dra sa vele'e leqaga ve'ana, qa vatalai Panapasa ei Saula medru dia ve edra a qase.