¹ E dua a tamata mai sisaria o kolonia o=o ona yaca a odra turaga o mata sotia sa va yaconi va Itali. ² A tamata dou lotu, o oya, ei odra tau co'o a ona lewe ni voli e sa dau solia valeeru a ani lolomo uci odra a tamata e sa dau mosu vei oya a Alou ena vei siga. ³ Sa igavia ooya ina raivotu, ena aciwa ni yaua, edua yagilosi ni Alou ni sa curu vei oya, qa sa aya vei oya, i konilio. ⁴ Ia ni sa vaigavia sa rerevainia, qa aya, sa enaivei a oqu turagoa? Saqai aya vei oya, a omu masu ena omu ani loloma sa lao cae ina mata ni Alou mo rannmi ina. ⁵ Ia mo tala a tamata e so i Jopa, me laovi Saimoni, a ona yaca leqa ga o Pita. ⁶ Odru notu vata ei Saimone a matai ni uli ni manumanu, so tai matasawa ona vale e aya vei io o'oye a'a dodonu mo vele'e. ⁷ Ia ni sa lao tani a yagi losi qai vosa vei konilio, saqai aciva e lewe rua a ona lewe, ni vale, qa dua sotia sa dau lotu, e dua vei'odra sa dau qaravi oya. ⁸ Ia ni sa aya vei odru a'a dauo'o, sa talai edru i Jopa. ⁹ Ia ena roaroa, ni dru sa lao tui gaunisala, qasa volea inaoro, sa cabe cae idelani vale o Pita me masu ena a ono ni yauwa. ¹⁰ Qa sa mata ana sara, qa sa domonia a'a e ania, ia ni dra sa varau no, sa igavia a rai votu, ¹¹ sa igavia lomalagi ni sa tawase rua, qa sa dua a'a e lao sobu mai vei oya, sa tautauvata a tilovi e bu'i a yasa va'va qa sa uti sobu mai ivuravura. ¹² Qa sa notu ina a manumanu yavai va e dui odra veimataqali tauco o, vata manumanu ila, eina veia sa dau qasi voli vata ei edra manumanu vua. ¹³ Saqai roco mai vei oya vosa, tucae, Pita, mo vamate, qo ania. ¹⁴ Qasa aya o Pita, meu ua a oqu turaga, niu a maqa ni ania a sa tabu qa tawa savasava. ¹⁵ Qasa varau leqa vei oya vosa, qasa vasavasava tainia Alou, me tautavata a'a e tabu. ¹⁶ Qasa ca'a vatobu a a'ai, Saqai di leqa ga a'a ilomagi. ¹⁷ io su taaqaya no a lama i Pita, se cava ai balebale ni ona iga gavia sa tarogia a vale i Saimone qo odru a tamata una tala o Konilio, qa dru sa tu ena matamata ni oro. ¹⁸ Qa dru sa aci, qa tarogia, se sa notu eri o Samone qa ona yaca leqa no ga a Pita, Se niqa. ¹⁹ Ia ni sa va'a samatainia na a odra tadra o Pita, su aya vei oya a yalotabu, gavia, e dru le tolu a tamata dru vaqarai io no. ²⁰ Mo tuca'e ina qa lao sobu, io mao lao vata ei edru, io me ua ni veiba mu yalo, niu sa talai edru mai. ²¹ Saqai lao sobu o Pita vei odru a tamata, Pa aya, garia, oyan ga ai dou vaqara no, acava e vaunna mudou lao mai? ²² Qu dru sa aya. E dua yagilasi yalo savasava ma varaitai vei konilio, e dua turaga ni valu a tamata yalo dodonu, pa verevainia alou, aq sa rogorogo re vei edra ai Jiutia, me laovi io, mo mai lao ina ona vale, qa me vogoca vei io a vosa e aya. ²³ Sa qai acivi edru mai a oya, qa vacequi edru lo ena siga tavava sa lao vata ei edru o Pita, Qadru lao vata ei so a weadru ma Joopa. ²⁴ Ia ena ania ni bogi dru sa curumi Sisari a qasa warai edru ina o Konilio, qasa sa vasoqoni edra oti a ai nona vata ei na weana dina. ²⁵ La ni sa curu o Pita, sa warai oya o Konilio, qa sa cuva sobu i na ona la, qa varo'oro'o vei oya. ²⁶ Qa sa tauri oya cae o Pita, q'a aya, tu cake, au sa bau tamata leqaga o'au. ²⁷ Qadru sa vei vosai, qa dru saqai curu i loma, qasa garia edra leleru ni dra soqoni vata mai. ²⁸ Sa aya ve edra o'oya, dou sa ila ni a tabu vei oya a ai Jutia me notu vata, se ve veiquti, aya a tamata sa matanitu tuni io sa vavatainia vei a Alou meu ua niu aya vei dua ni tabu se maqa ni savasava. ²⁹ O'oya ga ai au ma lao mai ira qa maqa ni veileti, niu ma laovi waqe, qa tarogia se cava dou laovi au mai ina. ³⁰ Qa sa aya o konilio, saqa oti ga e a bogi au a lolo yacova a yaua ai, ena acewa ni yana qau a masu ena oqu vale, qa gavia, ni dua tamata e tu noqu mata e aisulu lumilumisa. ³¹ Sa aya, i konilio, sa rogo a omu masu, qasa vananumi a mu ani loloma e na mata ni Alou. ³² O'oya ai mo qai talai i Jopa, qo laovi Saimoni mai, a yacana leqaga o Pita, sa notu o'oya ina vale wei Saimoni a mata ni uli-ni-manumanu ma baravi ni sa lao ma o'oya, ena vosa vei io. ³³ O'oya ga ai au sa talai sara ina vei io, lo qo sa tamata re nio sa lao mai eimami saqai rotu tauco'o ina mata ni Alou me eimami vogoca a'a tau'co'o e arota vei emami a Alou. ³⁴ Saqui vosa o Pita, qa aya, e dina au sa qai ila ni sa maqa ni digitai odra vailoa tamata ni Alou. ³⁵ Lo ena veivanua tauco'o o are vei aya odra e rerevai oya qa valavala re. ³⁶ Ai vavuvuli sa ayai o oya vei odra a luvei Isireli, qa sa vunautai na veilomani ena vu'u i Jisu Karisita, o'oya ga a turaga vei odra tauco'o. ³⁷ Ai vavuvuli ana dou sa ila, ma vunautai mai Jutia tauco'o, masa teivu mai Kalili, ni sa oti a papitaiso nia vunau ta'a o Joni. ³⁸ Ni sa lumuti Jisu a ai Nasarici a Alou ena Yalo tabu ei na kaukauwa. O'oya e lao voli qa dau ca'ava a are, qa sa vabulai odra tauco'o ma vararawa tai odra a tevoro, ni sa notu vata ei na Alou. ³⁹ Io eitou sa yaco me etou lai wasea a atouco'o e vele'e o'oya ena odra vanua a ai Jutia, mai Jerusalemi leqaga. O'oya edra sa vamatea edra vataqaria ina dua acu. ⁴⁰ Sa vatucae tai oya a alou ena a tolu ni siga, saqai vatailai oya cae, ⁴¹ e maqa vei odra tamata touco'o ga, ve edra ga e digitainia i mada a Alou, me dra dau aya o vei eitou. Io eitou ma ana qa somi leqaga ni sa tucae mai na mate o'oya. ⁴² Io sa varota vei eitou me eitou vunau vei odra tamata, qa vaadinadina ni sa oya ga ma lesia mada a Alou me lewai odra a bula ei odra mate. ⁴³ O'oya edra sa dau aya tauco'o ga profita, ena bo'oci ena vu'u ni yacana dodrao vabva;a ca, a tamata tauco'o ga edra sa vabauti oya. ⁴⁴ Ni sa aya no a vosa ai o Pita, sa lutu a yalotabu vei odra tauco'o e rogoca a vasa. ⁴⁵ Lo o'odru a sa vabautia, qa sa lao vata mai ei Pita, edru sa ruabui, ni sa tasove a yalotabu ive edra leqaga edra matanitu tani. ⁴⁶ Nidru sa rogoci edra ni dra vosatainia a vosa ni vi vanua tani, qa va ro'oro'o tami a Alou. saqai aya o Pita, ⁴⁷ "Sa dua bea tamata e rita ni solia wai, me ua ni papitaisotai tai odra tamata ai, edra sa rawata a Yalotabu me tauvata ei eda?" ⁴⁸ Sa qai aya medra papitaiso tai e na yaca i Jisu Karisito. Edra saqai masuti oya me notu leqa ei edra e na vica leqa siga.