¹ Pomwe iye adabulukira kudziko kwawo, waku pfunzira wache adamutewera iye. ² Tsiku la sabudu litafika, iye adapfunzisa mma sunagoge. Wanthu azinji adamubva iye ndipo adazimbwa. Adalewa, ''Umweyi wabzitenga kuponi bzobzi?'' Nzeru yakupasiwa na munthuyu njakutani?'' ''Na bzamphabvu bzomwe iye alikuchita na manja yache?'' ³ ''M'neye misiri wamiti uyu, mwana wa Maliya na adzinza wache wa Yakobo na Yose na Yuda na Simoni? azinana wache tilinawo lini pabodzi pomwepano?'' Kinangoka adanyansidwa naye. ⁴ Yesu adalewa na iwo, ''Mlaliki ambakhala alibe ulemu, kupambula kumuyi kwao na pakati pa adzinza wache na mnyumba mwache.'' ⁵ m'mpomwe komkule alibe kuchita bza mpfabvu, bzense soma adaika manja yache pa wanthu atenda ang'onong'ono adalimba. ⁶ Iye kinangoka adazimbwa nakusaya chikhulupiliro chawo. Kinangoka adafambafamba miyi yense achipfunzisa. ⁷ Iye adawachemera khumi na awiriwo achiyamba kuwatumiza awiri awiri, adawapasira nyonga ya bzimizimu bzakuyipa, ⁸ adawauza nampodi kutenga kachinthu kalikense kapaulendo, soma m'psimbo yokha- ne mkate, ne sakha, pinango kobiri bolosa mwawo- ⁹ soma mubvale nsapato nampodi kubvala makamiza mawiri. ¹⁰ Iye adalewa na iwo, ''Kulikwense komwe mumpita mnyumba, mukakhale kumweko kufikira na kubwerera. ¹¹ Kulikwense kumbuto yomwe amkutambilani lini, amkumvelani lini imwepo, pakuchoka kumweko, bzikhupheni pfumbi lili kunzayo zanu bukhale bumboni kuna iwo.'' ¹² Pomwe adabula kukalalikira wanthu adatembenuka mitima. ¹³ Adachosa bziwanda, nakupaka chomada wanthu azinji atenda adalimba. ¹⁴ Mfumu Helodi idabva ibzi, telepa dzina lache la Yesu likubvekera. Pomwe adalewa terepayi, ''Yohani wamuka kwa wakufa, thangwe lache alikuchita bza mphanvu iye'' ¹⁵ Ndipo winango adalewa, ''Telepa ni Yeriya. ''Iye ni mlaliki, Winango adalewa, pinango m'bodzi mwa alaliki wale.'' ¹⁶ Pomwe Helodi adabva ibzi adalewa achiti, ''Yohani, Womwe ndam'ngata msolo, wamuka iyeyo.'' ¹⁷ Kinangoka Helodi mwanikachiro adatuma wanthu kukaphata Yohani nkhum'manga mnyumba ya akaidi thangwe la Helodiya (mkazi wa filipo), thangwe adalola iye. ¹⁸ Pomwe Yohani adalewa kwa Helodi, ''mpsakusaya kubvumiwa iwepo kukhala naye mkazi wa dzinza wanu,'' ¹⁹ Pompale Helodiya adadana naye kufuna kumupha, soma iye alibe kukwanisa, Pompale ²⁰ Helodi adagopa Yohani; pakudziwa ni munthu wakulungamira na wakuchena moyo, mpomwe adamukoya iye pabwino. pomwe adabva iye adamala nzeru, nakusekerera na kubvera iye. ²¹ Pompale padafika nsiku chaiyo nsiku ya kubaliwa kwache kwa Helodi iye adawakonzera madyerero ya malinge yache na akazembe wache na wanthu wakubveka mu Galileya. ²² Pompale mwanache wa Helodiya mkazi adapita yekha kudzabvina, adamukomedwesa Helodi mkukhala naye pa bzakudya. Pfumu ile idalewa kuna mkazi ule, ''Kumbira chirichense ukufuna kwa ine ninzakuchitira iwepo.'' ²³ Pompale adamulumbirira telepayi, ''Chilichense chomwe undikumbira ninzakupas aneye upfumu bwangu. ²⁴ Iye adabula kuna mayi wache, ''Ninzakumbira chani?'' Iye achiti, ''Msolo wache wa Yohani m'batizi.'' ²⁵ Iye mwakamkulumize adayenda kwa pfumu, kukakumbira terepayi, achiti, ''Ine ndikufuna mundipase, tsampanopali, Msolo wache wa Yohani M'batizi mumbidzi. ²⁶ Kinangoka pfumu idabva nsisi maningi, soma thangwe la malumbiro yache na womwewale akhakhala pa chakudya alibe kufuna kumulambiza. ²⁷ Pompale pfumu idatuma msilikali mkumutonga akatenge msolo wache iye adayenda kukagwata msolo mnyumba ya pelezo. ²⁸ Adatenga msolo wache mumbidzi nkhumupeleka kwa mkazi ule pompale mkazi ule, adaupereka kwa mayi wache. ²⁹ Pomwe anyakupfinzira adabva ibzi, adabwera kudzatakula chitanda chache mkuchika muthenje. ³⁰ pamwepo anyakupfunzira adagumana kuna yesu mkumuuza cilichense adacita na bzense bzomwe ³¹ adapfunzisa.Iye adalewa nawo; ''Bwerani imwepo mwekha kumbuto ya chipululu mupume kanthawi pang'ono.'' Kinangokoka wakubwera na wakuchoka akhali nyalunyalu, akhalibe nthawichaiyo yakudya . ³² Pamwepo adachokera mwadiya kuyenda kumbuto inango okha. ³³ Pamwepo adawaona akumuka pompale azinji adawabulukira, adawathamangira pabodzi kumwekule kuchokera mmiyi mwense, nakuwapinzula. ³⁴ Iye adabula mkuona, thimu lizinji la wanthu, adaphatiwa na nsisi nayiwo, thangwe akhali ngati mabila yakusaya nyakabusa. Popale adayamba kuwapfunzisa bzinthu bzizinji. ³⁵ Popale dzuwa lidapendeka, anyakupfunzira wache adabwera kuna iye achilewa, ''Mbuto ya wanangu ni chipulu, dzuwa lapendeka chadidi. ³⁶ Mumuze alamuke kumilaga na kumiyi yakufupikirana akabzigulire okha chinthu chakudya.'' ³⁷ Soma iye adatawira kuna iwo, ''Apaseni chakudya ndimwepo.'' Adalewa kuna iwo, ''Ndokoni mukagule buledi madzana mawiri iwo adye?'' ³⁸ Iye adalewa kuna iwo, ''Munamikate mingasi? Ndokoni mukawone.'' Pomwe adakaona , achiti, ''Mikate michanu na nsomba ziwi.'' ³⁹ Adawatonga wense kuti akhale pansi magwere magwere pamawupswa yakubiliwira. ⁴⁰ Iwo adakhala magwere magwere bzulu khumi na bzichanu. ⁴¹ Iye adatenga mikate michanu na nsomba ziwiri, nakunyang'ana ku dzaulu, nakudalisa, nakugawa mikate nakugawira nakupeleka kwa anyakupfunzira wache kulonza wanthu. Iye adawapasa nsomba ziwiri wensenewo. ^{42 43 44} Wense adadya adakhuta. Popale adalokota makombo bzutundu khumi na bziwiri na msomba. Popale omwe adadya mikate akhali amuna bzulu bzichanu. ⁴⁵ Mwakamangumangu iye adakakamiza wakupfunzira apita mwadiya mphepete, ku Betasaida, pomwe iye yekha akhauza thimu lire kuti lilamuke. ⁴⁶ Pomwe adalamuka iye kuyenda, kuphiri kukapemba. ⁴⁷ Pakukwana mawulo mwadiya akhali pa kati pa nyanza. Na iye akhali yekha pa dzaulu. ⁴⁸ Pakuwona akubonelesiwa, nakutchobva, mphepo idabwera mkugumana nawo. Mkati mwa usiku bwa chinayi adabwera kuna iwo. ⁴⁹ Pomwe adamuona akufamba pa dzaulu pa nyanza, kiti awapinzule iwo. akhayesa ninga chipoko ndipo adalira, ⁵⁰ pomwe adamuwona iye wense adatetemera. Popale adalewa nawo, Limbani moyo! Ndine pano! nampodi kugopa!'' ⁵¹ Pamwepo iye adapakira pabodzi mwadiya, napo mphepo idaleka. Adadabwa kwelekwene mwa iwo okha. ⁵² Pomwe akhalibe kubulukila mikateyo. Miyoyo yao ikhadauwa. ⁵³ Pomwe adayambuka, adafika pa dzaulu pa Genesarete nakuwa kotcheza padoko. ⁵⁴ Pomwe adabuluka mwadiya wanthu adamuzindikira pamwepo, ⁵⁵ adathamangira miyi yense mkuyamba kutakula wanthu anyakudwala pa mphasa zao kukafika komwe adabva akhali iye. ⁵⁶ Kuli kwense iye adapita mmiyi, pinango mmilaga, pinango dziko, kinangoka wanthu adagonesa anyakudwala kusika. Mkukumbira iye aphate mphonje yachakubvala yokha, wense womwe adaphata adalimbisiwa.