¹ Iwo adabwera mbali inango ya nyanza, mphimpha za Geresa. ² Pomwepo Yesu adabuluka mu mwadiya, payi wa mzimu wakunyansa adabwera kuchokera kuthenje. ³ Munthuyo akhakhala kuthenge. Ndipo pakhalibe ne m'bodzi akadakwanisa kumumanga, ne na njema. ⁴ Pakuti akhambamangiwa kawiri kawiri na matandadza na njema. Ndipo adaphwedza njema na kugwatagwata matandadza.Ndipo pakhalibe munthu womwe akadakwanisa kumufuwa. ⁵ Nsiku zense akhakhala kuthenje nakumapiri, iye akhambalira nakumbabzichekacheka naminyala. ⁶ Pomwe iye adawona Yesu napatali, adamuthangira na kumugodamira iye. ⁷ Iye adalira mwakukuwa, ''Tsono ndinachiyani ine kwayimwepo, Yesu, mwana wa Mulungu.mkuluwense? Ndikukukumbilani kuna Mulungu wanu, nampodi kundibonelesa ine. ⁸ ''Pomwe iye adalewanaye, ''Bulakunja chimzimu chakuyipa kwa payiwa.'' Iwe chi mzimu chakuyipa.'' ⁹ Adamubvunza iye, ''Dzina lako ndiwe mbani?'' Iye adamutawira, ''Dzina langu ndine Legio, thangwe tilipo azinji.'' ¹⁰ Adamukumbila pomwe iye kuti nampodi kuwabulisa kunja kwa Legio. ¹¹ Ndipo pakhana thimu la nkhumba zikhadya ku phiri, ¹² ndipo adakumbira iye, achiti, "Titumizeni ife munkhumba; kuti tipite momule.'' ¹³ Ndipo iye adawabvuma; mizimu yakuyipa idabula nkukapita mwa nkhumbazire, ndipo zidathamanga nkhupolika nkhukapita mnyanja, ndipo pafupifupi nkhumba bzikwi bziwiri zidapita mnyanja. ¹⁴ Ndipo omwe akha dyesa nkhumbazire adathamanga kukalewa bzomwe bzidachitika mumphimpha na chipande cha dzikolire, ndipo wanthu adayenda kuti akawone bzomwe bzidachitika bzire. ¹⁵ Ndipo adabwera kwa Yesu adawona payi ule akhadaphatiwa nabziwanda bza Legio, akukhalapansi, akhadabvala mwakulongosoka mwa nzeruzache ndipo iwo adagopa. ¹⁶ Iwo omwe adaona bzobzile adafotokozera anzawo bzomwe bzikhachitika bzile,ate adafotokozera pomwe bzankhumba bzile. ¹⁷ Ndipo adamukumbila iye kuti achoke kumbuto kwawo kule. ¹⁸ Pomwe iye adapakila mu mwadiya, payi wa bziwanda adakumbiriwa kuti akhale naye. ¹⁹ Koma Yesu alibe kumubvuma iye, Tsono adalewa na iye, ''Ndoko kumuyi kwanu na kwawanthu wako ukawauze iwo bzomwe mbuya wakuchitira iwepo, na momwe iye wakuchitira chifundo.'' ²⁰ Ndipo adamuka nkhuyamba kulalikira ku Dekapoli bzinthu bzikulubzikulu bzomwe Yesu adamuchitira iye, ndipo wanthu wense adadabwa. ²¹ Pomwe yesu adayambukapomwe ng'ambu inango pa mwadiya,Thimu la wanthu lida gwezekana kumuzungulila iye, pomwe iye akhali mphepete mwa nyanza. ²² Pamwepo mkulu mbodzi wa sunagoge dzina lace Jairo adabwera, ndipo pomwe adamuona iye.adagwa pansi panzayo zace. ²³ Adakumbira kwenekwene ,achiti, ''Mwanangu mkazi wasalapankiti kufa. ''Ndikukumbirani, bwerani mudzabzatike maboko pana iye kuti angakhalebwino komanso namoyo.'' ²⁴ Tsono iye adamutewera, ndipo thimu la wanthu lidamutewera nakupsindiza iye. ²⁵ Tsapano pakhana mayi omwe akhana nthenda yakutaya mulopa kwa magole khumi na mawiri. ²⁶ Adabonera kwenekwene kufamba mwa anyabezi ate adamala kudzonga bzithu bzizinji bzomwe iye akhanabzo, koma mmalo mwakuti alimbe bzikhayipiratu khenekwene. ²⁷ Pomwe adabva mbiri ya Yesu, adabwera kumambuyo kwa thimu la wanthu ate adakhuya nkanjo wa Yesu. ²⁸ Ndipo iye adalewa kuti, ''Ndikatondo kuphata chakubvala chache iye, ine ninzachira. ²⁹ ''Pomwe atandomuphata iye, mulopa adaleka kuchoka, ndipo adabva mthupi mwache kuti walimba kumatenda yache ya nsundi. ³⁰ Yesu mwakamangu mangu adadziwa kuti mphabvu mthupi mwache zabula. Iye adatembenuka nkhubvunza thimu la wanthu achiti, ''Nimbani waphata bzakubvala bzangu?'' ³¹ Ndipo wakupfunzira wache adalewa naye, mukuwona thimu likukunyederaniri, koma mukulewa kuti, Mbani wandiphata?'' ³² Koma Yesu adanyang'ana nyang'ana kuti awone iye wachita bzobzi. ³³ Mayiyo, pakudziwa chomwe chidamuchitikira, adagopa nakunjenjemera. Adabwera nkugwa pafupi na iye achimuwuza bzachadidi bzense. ³⁴ Iye adalewa naye, ''Dende iwe, chikhulupiliro chako chakupsuzunyusa. Ndoko mwamtendere ukhale mwakuchira kuchibonereko chako.'' ³⁵ Uko iye akusewera, wathu winango adabwera kuchokera kwa anyakutsogolera wa sunagoge, achiti, ''Dende lako lafa. Ukumubonereseranyi pomwe mpfunzisiyi?'' ³⁶ Ndipo Yesu alibe kubziphatizira basa bzomwe bzikhaseweriwa bzire, tsono adawuza nyakutsogolera sunagoge, ''Nampodi kugopa. Undokhulupilira.'' ³⁷ Alibe kubvuma kuperekeziwa na wina aliyense kupambula Petulo, Yakobo, na Yohani nchimwene wache wa Yakobo. ³⁸ Iwo adabwera kumuyi kwa nyakutsogolera sunagoge ndipo adawona wanthu akuchita baludya; iwo akhakuwa nakulira kwenekwene. ³⁹ Pomwe iye adapita mnyumba, iye adalewa nawo, ''Thangwe lanyi mukukuwa nakumbalira? Mwana alibe kufa koma wandogona.'' ⁴⁰ Ndipo adamuseka iye. Koma iye adawabulisa panja wanthuwense adatenga babache na mayi wache na omwe akhanaye pabodzi. Adayenda nawo pomwe pakhana mwana ule. ⁴¹ Iye adatenga boko la mwana nkhulewa naye kuti, ''Talitha, Koum!'' Komwe kuthumbudzulira kwache ni, ''Kadende iwe, Ndikulewalewa na iwe, muka,'' ⁴² Mwaka nkulumize dendelire lidamuka nkhufamba (iye akhana magole khumi na mawiri yakubadwa). Iwo mwakamangu mangu adadabwa kwenekwene . ⁴³ Iye adawatsindika nakuwauza kuti wina aliyense nampodi adziwe bzobzi. Kinangoka adawauza kuti amupase chinthu kuti adye.