¹ Nthawe yaku machibese, akulu wa nsembe , pabodzi na akuluakulu na anyakunemba na anyakulamula milandu wense apangana pfundo. Adam'phata Yesu achiyenda naye. Kampeleka kwa Pirato. ² Pirato adabvunza iye, ''Iwepo ndiwe pfumu ya yuda?'' Iye adamtawira, ''Mwaterepoyo ndimwepo.'' ³ Akulu wa nsembe adamulewera iye bzinthu bzizinji. ⁴ Pirato adamubvunza pomwe, ''Umnditawira lini? Ona bzizinji bzomwe akukulewela iwebzi!'' ⁵ Tsono Yesu alibe kumutawira Pirato, pamwepo adadabwisika na iye. ⁶ Tsono nthawe yachikondwerero, Pirato adawatsudzulira wakayidi, wakayidi omwe iwo akhamfuna. ⁷ Pakhana baba winango dzina lache Balaba mu kayidi pabodzi na wakupanduka omwe adapha wanthu panthawe ya chipolowe. ⁸ Ndipo chithimu chawanthu chidabwera kwa Pirato kuti awachitire bzomwe ambawachitira nthawe zense. ⁹ Pirato adawatawira achiti, ''Mukufuna ndikutsudzulireni mpfumu ya Yuda?'' ¹⁰ Pakuti iye adadziwa kuti akulu wa nsembe adamupereka Yesu mwadima kwa iye. ¹¹ Tsono akulu wa nsembe adatsudzulira kwa wanthu kuti atsudzule Balala mmalo mwa Yesu. ¹² Pirato adawatawira pomwe achiti, ''ndichite naye chiyani mpfumu ya Yudayi?'' ¹³ Adakuwa pomwe, ''Mmanikeni iye. ¹⁴ Pirato adawabvunza iwo, ''Waphonya chani iye?'' Tsono adakuwa kwenekwene, ''Mmanikeni,'' ¹⁵ Pirato adafuna kukomedwesa thimulo, tsono adatsudzulira Balaba iwo. Iye adatenga Yesu achimpereka kwa iwo kuti aka mmanike. ¹⁶ Tsono asilikali adamutengera ku mbuto ya chiyeruzo(komwe kuli ku likulu la boma), adachemerezana wense pabodzi asilikali wa boma. ¹⁷ Adabzazika chaku bzala chifwira Yesu, achisona chipewu chaminga achibzazika iye. ¹⁸ Achiyamba kusenzeka naye achiti, ''Tikuoneni, mpfumu ya Yuda!'' ¹⁹ Adammenya mu msolo na mphsimbo achipsipira mata iye. Adayenda kamugodamira iye. ²⁰ Pomwe adamala kumuchita makiriyado iye, adamukhundula iye chakubvala chifwira achimubvazika chakubvala chache iye, achiyenda naye kammanika iye. ²¹ Baba winango, Simoni waku keleni, akhabwela kuchokera kudziko la kwawo(akhali babache wa Alekizanda na Lufasi), adangingimiziwa kunyamula mtanda. ²² Asilikali adayenda naye Yesu kumbuto ya kuchemeriwa Gologota(kumasulira kwache ''Ndiye kuti mbuto yachibade''). ²³ Adampasa vinyu wakusakaniza na ndilu, koma iye alibe kumwa. ²⁴ Adammanika iye ndipo achigawana bzakubzala bzache adagawana bzakubzala bzache pakuchita njunga kuti awone asilikali amtenga chani. ²⁵ Ikhali nthawi yachitatu pomwe iwo adamumanika iye. ²⁶ Pachithabwa adayika chidziwiso chakunembedwa bza mulandu wache , ''Mpfumu ya Yuda.'' ²⁷ Pambali pache adamanika mbava ziwiri, ibodzi kuboko la didi inangoyi boko la dzele. ²⁸ Tsono bzakunemba bzinango bzimbafotokoza kuti, ''Iye adayikidwa mgulu la wanthu wakuyipa. ²⁹ Iwo omwe akhapita pafupi na iye, adagunduza misolo yawo achiti, ''Aaa! Iwe omwe ukhalewa kuti unzagwesa tchalitchi m'kudzayimanga nsiku zitatu, ³⁰ bzipulumuse wekha buluka kuchoka pamtandapo!'' ³¹ Chibodzi bodzi pomwe akulu wa nsembe adamunyoza iye, pabodzi na afalisi wa nsembe, ndipo achiti, ''Iye adapulumusa anzache, koma angabzi pulumuse lini yekha. ³² Mulekeni kristu , mpfumu ya Isalayeli, abuluke pansi pano kuchoka pa mtanda, kuti tiwone na kukhulukilira.'' Iwo omwe adamanikiwa pabodzi na iye adamu sasatira. ³³ Panthawi ya chitanthatu, mndima udagwa pa dziko lense lapansi kufikira lachipfemba. ³⁴ Panthawi yachi pfemba Yesu adalira namafala makulu, ''Eloi,Eloi, lamasabakata?'' Bzomwe bzikhalewa kuti, ''Mulungu wangu, mulungu wangu, thangwe lanyi mwandisiya ndekha?'' ³⁵ Iwo omwe akhali pafipi adabza kukuwa kwache achiti, ''Onani, iye akuchemera Yeliya.'' ³⁶ Winango adathamanga, ikani chibvenje adachiyika icho ku psimbo, adampasa iye kuti amwe. Payi achiti, ''Dikirani tiwone ngati Yeliyayo abwera kudzam'bulusa pansi.'' ³⁷ Ndipo Yesu adalira namafala makulu mkufa. ³⁸ Chiguwo chatchalitchi chidang'ambika kuchokera pa dzawulu kukafika pansi. ³⁹ Pomwe Kenturio adabva achiwona Yesu adawona wafa terepoyo, iye achiti, ''Mchadidi munthuyi ni mwana wa mulungu.'' ⁴⁰ Pakhana azimayi omwe akhanyang'ana ali patali. mwa omwewo pakhana Maliya wa Magadalena, Maliya(mamache wa Yakobo omwe ni ng'ono wa Yose), payi akuchemeriwa Yose pano ndiye akuchemeriwa Yosefe pa Maliko 6:3.Tsono dzina la Yosefe likuyimira ninga momwe akhali chemerera mchi Hebiri, tsono dzina la Yose limbayimira ninga momwe akhali chemerera muchi Giriki na Salome. ⁴¹ Pomwe iye akhali ku Galileya adamutewera iye. Azimayi azinji naye iye ku Yerusalemu ⁴² Pomwe usiku mudafika, thangwe ikhali nsiku yakukonzekera, iyi ikhali, nsiku ya chichanu, ⁴³ Yosefe waku Arumatiya adafika pamwepo. Iye akhali munthu nkulu wakugopiwa omwe akhadikira ufumu bwa Mulungu. Iye mwa unthu bwache adayenda kuna Pirato achikabvunza thupi la Yesu. ⁴⁴ Pirato adadabwisiwa kuti Yesu akhadafa kale; iye adachemera Kenturiyo kuti akabvunze iye penu Yesu adafa. ⁴⁵ Pomwe pirato adadziwa kuchokera kwa Kenturiyo kuti Yesu adafa, adamupasa thupi yosefe. ⁴⁶ Yosefe adagula nguwo yakununtchira. Iye adamubulusa kumuchosa pa mtanda , achimukulungiza iye na nguwo yakununtchira, tsono adamugonesa iye mthenje la mphako yakusemiwa . Iye adagwinyira mwala kufunga pansuwo. ⁴⁷ Maliya Magadalena na Maliya mayi wache wa Yose adawona mbuto iyo Yesu adayikiwa.