¹ Tsopano pakanati kupita nsiku ziwiri pannzakhala Pwando la Pasaka na mikate yakusaya bzakufufukisa. Ndipo akulu wa nsembena anyakunemba adamunyang'ana nyang'ana mwakumcchitira ukambowa bwa kummanga nakumupha. ² Ndipo adalewa kuti, ''Mmapwando neye, kuti panga khale kusokosa kwa wanthu.'' ³ Pomwe yesu akhali kubetaniya mnyumba mwa simoni nyamapere ,pomwe adakhala nkumbadya pa meza ,mkazi adabwera kuna iye na nsupa ya alabasitelo ya mafuta yakunutchira, ya nalido wacadidi ya nsengwa ikulu. Adatsotola nsupa nkhuya khuthulira pamnsolo pache. ⁴ Ateye pakhana winango omwe akhadakalipa .Iwo adalewalewa kuti,''Thangwelanyi ukudzonga bzobzi? ⁵ Pakuti mafutaya yakadagulisiwa ma denarii ,yakupitilira madzana matatu, nakupasa pomwe anyakusauka.''Tsono adamudandaulira mkaziyo. ⁶ Tsono yesu adalewa , "Mulekeni yekha.Thangwelanyi mukuboneresa? Wandichitira chinthu chabwino kwenekwene. ⁷ Pakuti munawo anyakusauka nsiku zense, ndipo palipense pomwe mungafune kuwachira bza bwino mungachite, koma ine mulilini nande nsiku zense. ⁸ Iye wachita bzomwe angakwanise. Walikathupi langu mthenje. ⁹ Bzachadidi ninilewa na imwepo, palipense pomwe uthenga bwangu buli kulalikiwa padziko lense, bzomwe mayiyu wachitabzi m'bzalewedwa ningabzakumba kumbukira iye.'' ¹⁰ Tsono Yudasi Isikaliyoti, m;bodzi mwa khumi na awiri, adachoka nkhuyenda kwa akuluakulu wa nsembe kuti akamupereke iye kuna iwo. ¹¹ Pomwe mkulu wa nsembe atabva ichi , adakhala wakusangalala ndipo abvana naye kuzampasa iye kobiri. tsono iye adapsagapsaga kuti animuperekatani kuna iwo. ¹² Pansiku yakuyamba ya mkate wakusaya chakuwandisa ,pomwe akhakonza pasaka apfunzi wache adalewa kuna iye . ''Kodi mufuna kuti tiyende kuponi kukakonza pasaka, kuti mukadyere pasakayo?'' ¹³ Iye adtuma apfunzi awiri ndipo achiwauza kuti, Ndokoni mumzinda, mukagumana na munthu wakusenza tsuko wa madzi . Kamutewereni iye. ¹⁴ Pomwe iye amkapita nyumba kamutewereni nkukamuuza mwenekechilo nyumbayo, 'Mpfunzisi alewa, ''Ili kuponi subi yangu ya alendo yakuti ndikadyere Pasaka na apfunzi wangu?'' ¹⁵ Iye adzakuonesani subi ikulu yomwe njakukonza kale. ''Momo mutikonzere ife.'' ¹⁶ Tsono apfunzi adachoka nkuyenda kumzinda kule. Adaona bzense ninga aduzidwira mule kokule, ndipo adakonza bzakudya bza pwando la Pasaka. ¹⁷ Ndipo budafika usiku , adabwera iye pabodzi na khumi na awiriwo. ¹⁸ Pomwe adakhala pameza kumbadya, Yesu adalewa, ''Mchadidi ndi ndikukuuzani, m'bodzi omwe tili kudya naye pabodzi adzandipereka ine.'' ¹⁹ Iwo wense adaphatiwa na nsisi, ndipo m'bodzi na m'bodzi adatoma kulewa naye, ''Bzachadidi ndine lini?'' ²⁰ Yesu adawatawira kulewa kua iwo, ''Ni m'bodzi wa khumi nawiiri, m'bodzi omwe ndi kunchocha naye mpalato ibodzi. ²¹ Poti Mwana wa Munthu ampita mowe bzida nembiwa kale bza iye. Koma ni tsoka kwa munthu omwe wa pereka Mwana wa Muthu! Kungada khala bwino kwa munthuyo angadaleka kubadwa.'' ²² Pomwe iwo akhali kudya, Yesu adatenga mkate, mkhuudalisa, nkhuu bedula. Adamutenga nkhuwapasa iwo nkulewa, ''Tengani. Ili ni thupi langu.'' ²³ Iye adtenga chikho ,adatenda, achiwapasira iwo, ndipo wense adamwa. ²⁴ Iye adawauza, ''Uyu ni mulopa wangu wa pangano, mulopa omwe utsanuliwa pa azinji. ²⁵ Bzachadidi ndikukuuzani, nidzamwa lini pomwe chakubala cha mpesayu ateye nmsiku yomwe nidzamwa chamwa ufumu bwa mulungu.'' ²⁶ Pomwe iwo adayimba nyimbo, adyenda kuphiri la Azitona. ²⁷ Jesu adawauza iwo, ''Mwense mudzawawidwa nakuti bzakunembiwa, 'nidza kuntha nyakabusa ndipo mabira ya dza mwazika.'' ^{28 29} Koma ndikadzamuka, nidzaku tsogolerani imwe ku Galileya.'' Petulo adalewa naiye, ''Neye penu wense adzathawa, koma ine neye.'' ³⁰ Yesu adalewa kuna iwo, ''Nchadidi ndikulewa kuna imwe, lero inde usiku buno chongwe akanati kulira kawiri udzandi lamba katatu.'' ³¹ Koma Petulo adalewesesa, penu ine nidzafa namwe, nidzakulambani lini.'' Wensene adauzana tenepoyo. ³² Iwo adabwera kumbuto yaku chemeriwa Getsemani, ndipo Yesu na anyakupfunzira wache. ''Khalani pano ndikapemphere.'' ³³ Iye adatenga Petulo, Yakobe, na Yohani adayenda nawo pabodzi koma adatoma kubonera nakubva nsisi. ³⁴ Iye adalewakuna iwo, ''Mzimu wangu unansisi kwenekwene ateye kusala pang'ono kufa . Dikirani pano nakungwala,'' ³⁵ Adayenda patsogolo pang'ono , Yesu adagwa pansi nkupemphera kuti penu bzingada kwanisika nthawe yimweyi imupte. ³⁶ Iye adalewa , ''Aba, baba.bzinthu bzense mpsakukwanika naimwe. Mundi chosere chikho chimwechi.'' ³⁷ Iye atabwerera adawona iwo akugona, ndipo adalewa na Petulo, ''Simoni, kani muku gona? Mwatazira kupenya kwa nthawe ibodzi? ³⁸ penyani mupemphere thangwe mungapite mkuyezeriwa Mzimu wangu ulikufuna, koma thupi likulamba.'' ³⁹ Kinangokaiye adayenda pomwe nkukapemphera, adaphatisa mafala mabodzibodzi. ⁴⁰ Pomwe iye adabwera, adawa gugumana atagona, thagwe maso yawo yakhada lemera. Adatazira kudziwa chaku wauza iwo. ⁴¹ Iye adabwerera pomwe kachitatu adailewa na iwo, ''Mukugona basi kupuma? Bzakwana! Tnthawe yafika. Nyang'anani! Mwana wa Munthu akuperekiwa m'manja mwa anyaphonya. ⁴² Mukani; tiyendeni. Nyang'anani, m'bodzi wakundipereka ine wafendera.'' ⁴³ Alimkati mwa kusewera ,Yudasi, m'bodzi wa khumi na awiri wale, adafika, na kwimbi la wanthu litanyamula mapsimo na mabonga, kuchokera kwa akulu akulu wa ansembe, na anembi, na wachikulire. ⁴⁴ Tsopano nyakumuperka ule adwapasa chizindikilo, kuti, ''Iye nimkamu psopsonayo ngumweyo letu. Kududuluza nkumtengedzana na akulu waboma mphepete mwache.'' ⁴⁵ Pomwe Yudasi adafika, kamkulumize iye adafika kuna yesu achilwa, ''Rabbi,'' achimu psopsona iye. ⁴⁶ Tsono adamubzatiika manja achimutenga. ⁴⁷ Koma m'bodzi wa iwo omwe akhadaima pamphepete adasolola chipsimo achimenya nacho nyabasa m'bodzi wa mkulu wa ansembe achigwata khutu lache. ⁴⁸ Yesu adalewa kwa iwo, ''Mukuchita kubwera terepayu ninga mukudzaphata mbava, namadipa, namabonga, kudzamanga ine? ⁴⁹ Pomwe ndikhanamwe ndichimba pfunzisa tchalitchi, mukhandimanga lini.'' ⁵⁰ Wense omwe akhana Yesu adamwazikana kumuthawa. ⁵¹ Wachinyamata winango, omwe akhadabvala chiguwo chokha mkukhuphira mthupi mwache, adamutewera yesu. Pomwe amuna adam'phata, ⁵² iye adakhundula bzakubvala nkuthamanga pezipezi. ⁵³ Adayenda naye Yesu kwa akulu wa nsembe. Kumweko akhada gwezekana akulu wa nsembe, akuluakulu, na anembi. ⁵⁴ Tsono petulo akhatewera patali, pakhali ngati kumuyi kwa wa mkulu wa nsembe. Iye adakhala pagulu pa wakulondera iye omwe akhaotha moto. ⁵⁵ Tsono akulu wa nsembe na thimu lense la Yuda adayang'ana umboni bwa mulandu wa Yesu kuti amuphe. Koma alibe kuuona mulandu chaiwo. ⁵⁶ Pakuti azinji adbweresa umboni bwakunama kwa iye, tsono umboni bomwebo bulibe kuphata basa. ⁵⁷ Winango adayima achipereka umboni bwa kunama kwa iye; achilewa, ⁵⁸ ''Tidamubva iye akulewa, 'Ninga gumule tchalitchi yakumangiwa na manja, pansiku zitatu ndimanga pomwe inango se kumanga namanja.'' ⁵⁹ Tsono umboni bumwebu bulibe kuphata . ⁶⁰ Mkuluwa nsemba adayima pagulu pale achimbvunza Yesu, ''Unitawila lini? Wanthuwa akuchita umboni pa mulandu wanyi paiwe?'' ⁶¹ Tsono iye adakhala zii neye kutawila. Mkulu wa nsembe adambza pomwe yesu kuti, ''Ndiwe Mkhilisitu, Mwana Wakudalisika Ule?'' ⁶² Yesu adalewa ,''Ine ndine; ndipo mudzaona Mwana wa Munthu adakhala boko maladidi la mphamvu ndi[po akubwera na mitambo ya kudzaulu.'' ⁶³ Tsono mkulu wa nsembe adang'amba chaku bvala chache mkulewa, ''Tikufunilanyi umboni bwinango? ⁶⁴ Mwabva mwano wache. mukukumbuka tani?''Ndipo wense adamugaza iye kuti akuthemera kufa. ⁶⁵ Tsono winango adayamba kumupsipira mata akumbamupsinka m'maso nkhumba muuza, ''Vimira!''Ndipo alumbwana adamutenga achi m'menyaiye. ⁶⁶ Tsono Petulo akhali panyansi pa bwalo, m'bodzi wa anyabasa wa mfumu dende adabwera pana iye. ⁶⁷ Adamuona Petulo akubziwamiza tsono iye adumu yang'anisisa achilewa, ''Uyu akhanaye Yesu ku Nazaleti. ⁶⁸ ''Soma iye adalamba ibzi, achilewa,Ndimudziwa lini neye ndikukubvesesa lini bzomwe ukusewera .''Kinangoko adabula nkhuyenda pamsuwo. Pomwepo chonwe adalira. ⁶⁹ Koma nyabasa nkazi ul;e adamuona pomwe apo adalewa kwamunthu akhadaima naye, ''Uyu ni m'bodzi wa iwowa!'' ⁷⁰ Koma iye adalamba pomwe. Patayenda nthawe pang'ono wanthu wale adalewa kwa Petulo, ''Mchadidi m'bodzi wa iwo, poti ndiwembo waku Galileya.'' ⁷¹ Koma adagundika kubzitemberera yekha nakulumbila , ''Nini mudziwa lini munthuyu mukulewayo.'' ⁷² Pomwepo chongwe adalira kachiwi .Pomwepo Petulo adakumbuka mafala yomwe Yesu adamuuza; ''Chongwe akanati kulira kawiri udzanilamba ine katatu,'' ndipo adtsulima nkhuyamba kulira.