¹ Tsono Yesu adatoma kupfunzisa iwo bzifanizo. Iye adalewa, ''Munthu adalima munda wa bzipaso,achizunguliza tchinga, achichera pakukonzera bwabwa. Iye adamanga matambiko adaudekesa achiupereka mundayo kwa anyakulima .Tsono iye adayenda ulendo bwache. ² Munthawe yache iye adatuma nyabasa kuti akatambire bzipaso kwa nyakulima. ³ Tsono adamutenga iye, achimmenya, achimochosa neye chilichense. ⁴ Adabwereza pomwe kutuma nyabasa winango, iwo adamudzonga msolo achimuchitisa manyazi. ⁵ Iye adtumiza pomwe winango, tsono uyu adamupha. Adachita bzibodzi bodziwi na winangowo, achiwamenya, winango achiwapha. ⁶ Iye adsala munthu m'bodzi wakumtuma, mwanache wa kubverana naye. Akhali wa kumaliza kumtua kwa iwo. Iye adalewa, 'Iwo adzamu nthenthemerera mwana wangu.' ⁷ ''Tsono anyakulima wale adalewa , 'Uyu ndiye adzakhala mwenekechilo muyi. Bwerani , tiendeni timuphe uyu, mundayu udzakhala wathu; ⁸ Adamutenga iye, achimupha, achimutaya kunjakwa munda. ⁹ Pomwepa mwenekechilo munda achite tani? Iye adzabwera achidza dzonga anyakulima wense tsono adzapereka mundayo kwa winango. ¹⁰ Imwepo mulibe kuwerenga malemba? Kuti mwala omwe amisiri anyakumanga nyuma ad adulammba udadzakhala pakhona. ¹¹ Ibzi bzakuchukera kwa Mulungu, ateye bzakusaya kuoneka m'maso mwathu.'' ¹² Bzitamala ibzyi akuluakulu wa Yuda adayezera kufuna ku m'manga Yesu thangwe akhasewera bzifanizo bza kuwagaza iwo. Tsono adagopa thangwe la thimu la wanthu. Tsono adamuleka iye mkuyenda. ¹³ Tsono adtuma Afarisi na a Herodi kuti kuna iye kuti akaphate na mafala. ¹⁴ Pomwe iwo adafika, adalewa ibzi kwa iye, ''Pfunzisi, tikudziwa kale kuti ndimwe wa kulungama mumba werenga lini bza munthu , thangwe mumba gopa lini aiyense. Imwe mumba pfunzisa bza chadidi bza Mululngu. Bzaku themera kugwata mtsonkho kwa Kayisala owo neye?Timba gwate owo neye?'' ¹⁵ Tsono Yesu akhada dziwa kale kunama kwawo, ''Thangweranyi mukundiyesa? Ndipaseni kobilyo ndiyi yang'ane iyo.'' ¹⁶ Iwo adatenga achimpasa Yesu. Adalewa kwa iwo, ''mchibvulibvuli chayani chili apachi ?''Iwo adalewa, ''Kaisala,'' ¹⁷ Yesu adalewa, '' Pelekani bzinthu bza Kaisala bzache bza Kaisala, na bzinthu bza Mulungu kwa mulungu.'' Iwo adabwa naye iye. ¹⁸ Tsono Asaduki, omwe akhalewa kuti kulibe kumuka, adafika kuna iye. Iwo adambvunza iye, achilewa kuti, ¹⁹ ''Pfunzisi, Mose adatilera, ' Penu munthu m'bale wache wafa tsono wasiya mkazi ,alibe naye mwana, munthu atenge mkaziyo, kuti abale naye iye m'malo ,mwa m'bale wache.' ²⁰ Iwo akhalipo anomwe pachibale; wakuyamba adatenga iye mkufa, alibe naye mwana. ²¹ Tsono wachiwiri mkutenga iyekufa, neye mwana, wachitatu mkuchita pomwe bzokhabzokhabzo. ²² Anomwe wense neye kusiya mwana. Kumaliza kwache, mkaziyo mkufambo. ²³ Tsono pachiukiso mkazi adzakhala wayani? Poti abale wense anomwe adakhala naye mkaziyo.'' ²⁴ Yesu adlewa, ''Nithangwe lini lomwelo mukuphonyesa , thangwe neye mafala ya Mulungu neye mphamvu ya Mulungu? ²⁵ Pakuti kumuka kwa wafa,ambalowola lini neye kupasiwa banja, koma alingati angelo wa kudzaulu. ²⁶ Koma bza kukhudzana na wakufa omwe adzamusiwa, mulibe kulewenga mabukhu ya Mose, kulewa bza thengo lire, momwe Mulungu adamuuzira achiti; 'Ndine Mulungu wa Abulahamu na Mulungu wa Isaki na Mulungu wa Yakobo'? ²⁷ Iye ni Mulungu lini wa wanthu wa kufa, koma wa wanthu wa moyo. muli kuphenyesa kwene kwene.'' ²⁸ M'bodzi wa anembi adbvanawo mkambilanoyo; adaona kuti Yesu adawatawila bwino. Adamubvunza iye , ''Ni chitongi chiponi chafunika kuposa chense?'' ²⁹ Yesu adtawira , ' Lakufunika kwenekwene ndiri, 'Bvaya, Isaraeri,Mbuya wa Mulungu, Mbuya ni m'bodzi. ³⁰ Umukonde Mulungu na mtima wako wense, na mzimu wako wense, na nzeru zako zense na mphamvu zako zanse; ³¹ Chitongi chachiwiri nchichi, 'Umukonde mwanzako ninga umbabzikonda wekha.' Palibe chitongi chikulu chiniposa ibzi.'' ³² Mnembi ule adalewa, ''Pfunzisi Wabwino! Mwalewadi bzachadidi kuti Mulungu ni m'bodzi nakuti palibe winango. ³³ Kumukonda iye na mtima wense na kumubvesa bzense na mphamvu zense, na kukonda mwanzako ninga kubzikonda wekha kukuposa nsembe za kuika pa pamoto.'' ³⁴ Pomwe Yesu adawona kuti watawira mwanzeru , adamuuza kuti , ''Uli lini kutali na ufumu bwa Mulungu.'' Bzitamala ibzi, palibe adakhumba kum'bvunza pomwe Yesu mibvunzo inango. ³⁵ Pomwe yesu akha pfunzisa mbuto za tchalitchi,iye adalewa , ''Thangweranyi Afarisi ambalewa kut Khilisitu ni mwana wa Davite? ³⁶ Davite yekha, na mphamvu za Mzimu Wachena, adalewa, Mbuya adalewa kwa Mbya wangu, ''Khalani kuboko langu lamadidi ateye ndidzayike adani wanu pansi pa nzayo zanu.'' ³⁷ Davite makayo adamuchemera iye 'Mbuya.' tsono khilisitu angakhale tani pomwe mwana wa Davite?'' Chithimu cha wanthu chida mutetekera iye. ³⁸ Mwa bzaku pfunzisa bzache Yesu adalewa , ''Chenjeran na anembi, amba konda kufamba adabvala mikanjo mitali nakumusiwa bzaulemu mumsika, ³⁹ ambafuna kukhala m'makadera yaulemu mtchalitchi na mbuto zaulemu m'madyerero. ⁴⁰ Iwo amba pondereza nyuba za akazi wamasiye, ambapemphera mapephero matali kuti wanthu awatende. Wanthu omwewa adzatambira chilango chikulu.'' ⁴¹ Kinangoko Yesuadakhala pambali pa bokosi la chakupereka mtchalitchi; iye akhyang'ana wanthu omwe akhathusa kobiri zawo mbokosi. Wanthu azinji anyaku dala akhathusa kobiri ziinji. ⁴² Tsono kudadwera nkusauka mkazi wamasiye adathusa kobiri ziwiri zangwinjiri, adasala alibe chinthu. ⁴³ Iye adachemera anyakupfunzira wache achilewa kuna iwo, ''Chadidi ndikukuuzani imwe, uyu nyakusauka wamasiyeyu wathusa zizinji kuposa wense omwe athusa chakupereka m'bokosimu. ⁴⁴ Kwa wense apereka malingana na bzomwe anabzo. Tsono mkazi wasiyeyu, mwakusauka kwache, waperka kobiri zense zomwe akhanazo.''