¹ Tsapano atafika ku Yerusalemu, kufupi na Betifaje na Betania pa phili la Azitona, tsono Yesu adatuma wakupfunza wache awiri ² achiwauza kuti, ''Ndokoni mmuyi ng'ambu ile. Mukakatondo kapita mwemo,munkaona kamphulu ka bulu komwe kakanati kupakiriwa. Kadamanga kakatsudzuleni mubwere nako kwa ine. ³ Winango akakati, Thangwe lanyi mukuchita bzobzi?' Mukamuze kuti Mbuya Yesu akukafuna ndipo tsampanopa ankabweresa kuno.'' ⁴ Adayendadi achikakagumana katamangirira panja pa mu mzinda, tsono adakatsudzula. ⁵ Wanthu winango womwe akhadayima pomwepo adawamvunza, ''Mukuchita chiyani, kutsudzula ka mphulu tere?'' ⁶ Adawatawira bzomwe Yesu adawawuza, ndipo wanthuwo adawaleka achiyenda. ⁷ Adayenda nako ka mphulu kale kwa Yesu ndipo adamanika bzakumvala bzawo pakansana pache,ndipo iye adakakhalira. ⁸ Wanthu azinji adatandika bzakumvala bzawo munsewumo, ndipo winango adatandika bwitsamba bzomwe adakhwaula mminda. ⁹ Iwo omwe akhafamba patsogolo na iwo omwe adatewera baludya, ''Ulemerero! Wakudalisika ndiye wakubwera mudzina la Mbuya. ¹⁰ Kudalitsike kubwera kwa ufumu wa Baba Davite! Ulemerero ku dzawulu!'' ¹¹ Kinangoko Yesu adayenda ku Yelusalemu achikapita mtchalitchi achicheuka chilichense. Tsapano kwadoka, adayenda ku Betaniya na wale khumi na awiri. ¹² Mangwana yache pakubula mu Betaniya, akhabva njala. ¹³ Pakuwona napatali muti Wankuyu omwe akhana masamba, adafendera kukaona penu akhadabala bzipatso, ndipo pomwe adafika , Iye alibe kuona chinthu koma masamba yokhayokha, poti ikhalilini nthawe yakubala Nkhuyu. ¹⁴ Iye adawuza mutiyo, ''Palibe anzadyapomwe bzakubala bzako. ''Ndipo wakupfunza wache adamva bzobzo. ¹⁵ Adafika ku Yerusalemu, ndipo adapita Mtchalitchi achiyamba kuthamangisa wakugulisa na wakugula malonda Mtchalitchimo. Iye adazungunuka achigwinya Meza za kobili na anyachinga na makadera ya wale wakugulisa Nkhangaiwa. ¹⁶ Akhamvumizalini aliyense kutakula chirichense chakugulisiwa kuyenda nacho Mtchalitchi. ¹⁷ Iye adawapfunzisa achiti, ''Bzilibe kunembiwa, ' Nyumba yangu idzachemeriwe nyumba yakupemba wanthu wensene'? ¹⁸ Akulu wa nsembe na anyakunemba adamva bzomwe iye adalewa, Ndipo adanyang'ana manera kuti amuphe. Thangwe akhagopa kuti chigulu chensene chikhachita mantha na bzomwe akhapfunzisa. ¹⁹ Maulo yatakwana, adabula mzindamo. ²⁰ Atayenda kukazunga machibese, adagumana muti wa nkuyu ule utauma namizi kubodzi. ²¹ Petulo adakumbukira achiti, ''apfunzisi, onani! mkuyu mudautemberera ule wauma.'' ²² Yesu adawatawira iwo, ''Khalani na chikhulupiliro kwa Mulungu. ²³ Bzachadidi ndikukuzani kuti penu winango anzalewa kwa phiri iri, 'Choka ukabzithuse mnyanza; ndipo iye achileka kukayikira mumtima mwache bzomwe walewabzo nkukhulupiriradi ndipo bzinzachitika, ndibzo mulungu anzachita. ²⁴ Thangwe lache ine ndikulewa kwa imwe: Chirichense mumkhumbira na kupemba,khulupirirani kuti munzapasiwa, ndipo chinzakhala chanu. ²⁵ Mukayima mkumpemba, mukhululuke mathangwe yense yomwe munayo kwa wanthu wense,ndipo Mbuya wathu wakudzaulu adzakhululukirambo bzakuphonya bzanu. ²⁶ Mabukhu ya Maliko yakalekale yakhalibe mafala yamweya: Koma penu munkhululuka lini, Baba wathumbo wakudzulu anzati khululukirambo lini bzakuphoka bzathu. ²⁷ Adabwelera pomwe ku Yelusamu. Pomwe Yesu akhafamba mtchalitchi, akulu wa nsembe, anyakunemba, na akulu akulu adabwera kwa iye. Adalewa kwa iye, ²⁸ ''Nimphamvu zayani ukuchitira bzinthu bzimwebwi, ndipo mbani wakupasani mphamvu zakuchita?'' ²⁹ Yesu adalewa kwa iwo, ''Ndikumvunzeni mvunzo ubodzi. Mundiwuze inembo ninzakuzani komwe ndidatenga mphamvu zangu zakuchitira bzimwebzi. ³⁰ Ubatizo bwa Yohani budachoka ku dzaulu kapena kwa wanthu? Nditawireni.'' ³¹ Adakambirana okhaokha achigazana achilewa kuti, ''Tikalewa kuti, 'Budachokera ku dzaulu; iye anilewa kuti, 'Thangwe lanyi tsono mukasaya kukhulupirira?' ³² Tsono tikati, 'Budachoka kwa wanthu; ....''Akhana mantha na wanthu, thangwe aliyense akhadziwa kuti Yohani akhali mneneri. ³³ Kinangoka adamutawira Yesu achiti, ''Tinziwa lini. ''Kinangoka Yesu adawauza kuti, ''Tsono ninkuzani lini komwe ndimbatenga mphamvu zakuchitira bzinthu bzimwebzi.''