¹ po uyesu akanyam=uka ukubuka ku ngolongo pakulongosiwa numbepo wakyala ukuti iye agheliwe nu setano. ² mo ikala amasiku ghapamusi 40 nagha busiku 40, isala yikamubaba. ³ po uwakughela yula akisa nukuyugha kukwake ukuti, ''Pala wemwana wa Chala, lamula amabwe agha ukuti ghipele ukuwa cha chakulya.'' ⁴ loli mwene u Yesu akayugha kukwake akati , Sikalembiwa ukuti , chakulya techochingamupa umundu ubumi chene, loli ilisyu lyene lyolikufuma mumulomo wa chala.'' ⁵ Po usetano akamwegha uyesu akingila nawe mukaya akisa ngani akamukwesya pamwanya pa chalichi, ⁶ nukuyugha kukwake, pala wemwana wa Chala, iponia wemwene uwepansi,. pakuti silembiwe, takise alamule abangelo ukuti bamupokele; sona, 'tibakise bakukwesye ninyobe syabo, ukuti manye ifinama yako fikome pamabwe'' ⁷ UYesu akamula kukwake akati, ''sona silembiwe, koma ukumughela umalafyale uChala wako. ⁸ Sona, Usetano akamwegha nukubuka nawe pamalo popakwelite nukumulangisya ubunyafyale bosi ubwa chisu chosi icha pansi nubukulu bwake., ⁹ akayugha kukwake , ''fyosi ifi fikwisa kuwa fyako pala unganda pakufuma nukwiputa kukwangu ¹⁰ po u yesu akayugha kukwake akati, fumapo panu wesetano! Pakuti silembiwe ukuti , umulambileghe umalafyale Chala wako sona nukumubombela yuyo mwene basi.'' ¹¹ Po usetano akafumapo nukumuleka umwene, po abangelo bakisa nukumuombela umwene. ¹² Bo uYesu apulika ukuti u Joni apinyiwe, po akafumapo nukwikuya ku Galileya. ¹³ Akafuma ku Nazareti nu kubuka nukwikala ku Kapenamu, kumbali kunyanja ya Galilayi mukaya ka Zebulani nafutali. ¹⁴ Ifi fikubombiwa pakukwanilisya pafifyo fikayughiwa nu Yesaya umusololi, ¹⁵ ''Akaya ka Zebulani nakaya ka Nafutali, nakunyanja, nakunyanja ya Yorodani, Galileya wa bayuda! ¹⁶ Abandu bosi bobakikalagha muchisi babunona ubwelu ubukulu, sona nabosi bo bakwikala mukaya kala sona numusyesye wabufwe, pamwanya pabo pali ubwelu bobubalite,'' ¹⁷ Ukufuma pakabaliro kalaka u Yesu akanda imbombo nukuyugha, ''Pinduka , pakuti ubunyafyale bwa kumwanya bwapalamila ukwisa.'' ¹⁸ Bo umwene akwenda mumbali mwa njanja ingulu akababona abakulu babli, Simoni yo bakamwitisya ukuti Peter, nu Andulu umukulu wake, bakuponia ichilepa chakukolela iswi mu nyanja ingulu chifukwa bakaba bakolayi baswi. ¹⁹ U Yesu akayugha ku kwabo akati , '' sakuno , ngongagha une. nguya pakubapela ukuba bakolayi babandu,'' ²⁰ nalubilo bakafileka ifilepa fya kukolela iswi nukumukonga. ²¹ Mo u Yesu akwenda ukufuma kula akaba akabaketa abakulu bake babili , Jemusi mwana wa Zabediya nu Joni umukulu wake. Bakaba mubwato nu tata wake Zebediya akanosyagha ifichilepa. Akabitisya bosi, ²² po nalubilo bakabuleka ubwato bula nuwise nukumukonga uYesu . ²³ UYesu akasyungulila akaya kosi ka Galilayi nukumanyisya munyumba syabo isyakwiputilamo nukulumbilila amasyu amisa agha bunyafyale, nukuposya bandu kumbungo syakulekanalekana nimbina syakulekanalekana mubandu mula, ²⁴ Amasyu gha Yesu ghakafumusiwa nukumanyikwa akaya kosi ka Asiliya , abandu bosi bo bakabanyamula ukuya nabo kukwake ababine abambungo syatuzilisi isyakuwa pansi nisingi syakulekanalekana u Yesu akabaposya ²⁵ .Abandu abingi bakamukonga umwene ukufuma ku Galileya, ku Dekapolisi,Muyerusalemu, namu Yudeya nakubutali ku Yorodani.