^{1 2} Pamulandu wuu nene, Paulo, nemunyepwe wakwe Kilisitu Yesu wakwe mwe yamitundu. Nkumanya ukuti muvile ivya wukalamba wa wila wakwe Leza wino wapelwa kuli nene wakwe mwemwe. ³ Nkhulemba ukulinganma niwumbulo lino lyapanzilwe ilyakumanyikwa kuli nene. Wuu umolimo uwufisame wuno nalemba umwakuputula kuli mwemwe. ⁴ Ndimwawazya vyakwe chii, muliya mweyakukwanisya ukuvwichisya ichilolwa chane muwumolimo uwufisame wakwe Kilisitu. ⁵ Munkhulo yuze uwumolimo wuu wutapanzilwe ukuya uwakumanyikwa kuyana ya wanthu. Kweni nomba wawumbulikwa numupasi kuyalondezi yakwe na yantchimi yano yasolwa ukuya ukuwomba intchito yii. ⁶ Uwumolimo uwufisame wuu uwakuti aya mitundu ayampyani yanji, nupya ivimbwa vyamwili, nupya yakayankha ilayano muli Kilisitu Yesu ukupitila mwilandwe ilisuma. ⁷ Pano nizile inja ne muwomvi walandwe ilisuma lii muwupi wa wila wakwe Leza wapezilwe kuli nene ukupitila muntchito zya mwka yakwe. ⁸ Kuli nene-napano ne wumwi wayanthu ayatiswe yakwe Leza-uwila wuu wapezilwe, ukuti nkhosole kuyamitundu ayawula ukuwufuka fuka uwkankhala wakwe Kilisitu, ⁹ ukuti ndileta apatiswe kuli wensi amelengwi-nivizungusyo vino vyafisime munsita yakwe Leza, wino welewile ivinthu vyonsi. ¹⁰ Amelengwi yamanyikwe ukpitila mung'anda zya mapepo ukuti yakateka ninsambu zya masyo yakupela yaliza pakumanya akayele ka mbali zyosi zya mano yakwe Leza. ¹¹ Chino wawovwilwe ukukonkha amelengwi ya penape yano wawomvile muli Khilisitu Yesu Mwene witu. ¹² Apano muli Kilisitu tuli namaka nupya tukukwanilisya nichikanga pamulandu wisuwilo lyitu muli weliwe. ¹³ Alino nkhuwanena ukuti mutawelela ichisila pamulandu na vino nkhuwachulila, wuno uwuchindame winu. ¹⁴ Apano pamulandu wuu nafukime kuli Tata, ¹⁵ ukufuma muli wino uluko lwa vyamwiyulu na munsi yapansi zikayamwa. ¹⁶ Nkhupepa ukuti mufwile mupelwe amaka, ukuyana nuwukankhala wa wuchindame wakwe, ukukukomya na maka ukupitila mumupasi wakwe, wuno wuli muli wewe. ¹⁷ Nkhupepa ukuti Kilisitu ayikalemumyenzo nyinu ukupitila mwisuwilo, ukuti mumele nukusimpwa mulukundo, ¹⁸ ukuti muye mwe yakuklingana ukuvwichisya, na yanthu wonsi ayatiswe yakwe Leza, umuwufupu, muwutali, uwutali nuwuzike achili chani, ¹⁹ nupya ukuti umanye ulukundo lwakwe Kilisitu, wino waya uwakuchila amano, ukuti muzule nuwukulu wonsi wakwe Leza. ²⁰ Nomba kulki wino afwile awombe ukuchila vyonsi vino tukakolowozya pamwi ukwelenganya, ukuyana na maka yano yakawomba muli sweswe, ²¹ uchindame wuye kuli weliwe mung'anda yamapepo na muli Kilisitu Yesu ku nkhulo vyonsi izya muyayaya. Ameni.