¹ Nupya ndi vino kuli wewe, wafwile munzila zyako iziyipe na maluyembu. ² Mwali amunzila zii iziyipe namaluyembu muno wikazile mwenemo ukuyana ninzila zya munsiyi. Wikalanga ukuyana nayakatungulula yamaka yamphepo, umupasi wuno wukuwomba muyana ayakunthuvwivwila. ³ Pano swensi twikalapo pa yanthu yaa, ukukwanilisya ukulonda kwakwe chiwa umuwumbwa wamaluyembu yitu, nupya akanyamula ivyakulonda kwa myili yitu nivya melengwi yitu. Naswe kwene ukuyana nukuwumbwa sweyana yakwe, ndivino wonsi yali. ⁴ Kweni Leza umukankhala muluse pamulandu wakuti uwalukundo ulukalamba nawino watukunzile sweswe. ⁵ Pano twafile munzila iziyipe, uwatuzyusizye ponga muli Kilisitu-muwila mwapusukwa. ⁶ Leza watukatusizye sweswe ponga na Kilisitu, nupya Leza watwikazizye ponga mumasyo yakupela muli Kilisitu Yesu, ⁷ ukuti mumanda yano yakwiza tulanjizye muno uwukankhala wakwe wuyelile uwukulu muwila wakwe na miyele yakwe tumayilola ukupitila muli Kilisitu Yesu. ⁸ Apano muwila mwapusuka ukupitila muwila , nupya vi vitizile ukufuma kuli mwemwe, chali ichawupi chakwe Leza, ⁹ ukufuma kuntchito pole, ukuti nanthi wumwi wino angayitutumula. ¹⁰ Muno sweyantchito yakwe Leza, twelewilwe muli Kilisitu Yesu ukuti twawomba intchito izisuma zino Lerza welenginye kali zyakwe sweswe, ukuti tufwile twapita mwenemo. ¹¹ Alino yizukini ukuti ndimwali mweya mitundu kumwili. mukayamwa ukuti ''simweya zembululwe'' ukuchani kuno kukayamwa ukuti ''wemuzembululwe'' ukumwili wuno wapangwa na makasa ya munthu. ¹² Apano pa nsita yiyo kwene pakupawile ukufuma kuli Kilisitu, yamwiza kuyanthu ya isilayeli, ayenyi ku mafingo yilayano, ukunthaya ni tayilo nukwawula Leza munsi. ¹³ Kwene nomba Kilisitu Yesu wewe wemuno insitayimwi wali ukutali sana na Leza yizile yamuleta papipi nuwazi wakwe Kilisitu. ¹⁴ Pano ali umutende witu. Wawa panzile yayili wenga. Numwili wakwe wafwansile uluwumba luno lwatupamphulanga. ¹⁵ Achino wamalizizye isunde lyamawupinguzi nukulolechesya nukuti umukalama welewile umunthu wenga umupya muli weliwe wenga, nupya wapanzile umutende. ¹⁶ Kilisitu watuyisile sweyanthu swensi mumwili wonga kuli Leza ukupitila muwuchingane, nimfwa yakwe wamalizizye ukupatana kwitu. ¹⁷ Yesu wizile nukuvwanga ivyamutende kuli mwemwe mweyano mwali ukutali sana numutende kuli yano yali papipi. ¹⁸ Apano ukupitila muli Yesu swensi tukukwalisya mumupasi wonga kuli Tata. ^{19 21 22} Nomba apano, nomba mwemwe mwe Yamitundu mutaliya nupya mwe yenyi naya mwiza. Mumalo mwakwe mweyawuze yawanthu ayatiswe yakwe Leza. Mwakula ulufula lwayapositoli nayantchimi, nupya Kilisitu wenga ali liwe lyapakafyototi. Muli weliwe uchikulwa chonsi chikayimilila ponga nukukula ngati itempheli muli Mwene. ²⁰ Amuli weliwe kwene muno namwe mukukulwa ponga ngati amalo yakwikala yakwe Leza mumupasi.