Umutwe 1

1 Paulo, umupositoli wakwe Kilisitu Yesu ukupitila mukulonda kwakwe Leza, ukuyanthu yakwe Leza ayalungamane aya mu Efeso, yano ayasuwalikwa yakwe Kilisitu Yesu. 2 Uwila kuli mwemwe nu mutende ukufuma kuli Leza Tata witu na mwene Yesu Kilisitu. 3 Achindikwe Leza na Tata wakwe Mwene witu Yesu Kilisitu, wino watupepela nipepo lyonsi ilya mupasi mumasyo aya mwiyulu muli Kilisitiu. 4 Leza wasozile sweswe muli weliwe ukufuma pa nthandiko yansi, ukuti tungaya sweyatele nukuya ayawula uwononyi pa manso yakwe mu lukundo. 5 Leza watupekanyizya sweswe ukuti tupochelelwe ngati sweyana ukupitila muli Yesu Kilisitu, ukulingana nukulonda kusuma kwaku londa kwakwe. 6 Uwufumo wakupekanya kwitu pakukwezya kwa wuchindikwe wa wila wuno watupile muwusapuke muli wenga wino wamukunda. 7 Muli Yesu Kilisitu tuli nu wupusuko ukupitila muwazi wakwe nukutetelwa kuwuyipe witu, ukulingana nuwu kankhala wawila wakwe. 8 Wavuzizye uwila wakwe kuli sweswe na mano wonsi nu kuvwichisya. 9 Leza walesile yamanyikwa kuli sweswe inkhama yakulonda kwakwe, ukulingana na vino vyamusechelisye na vino walanjizizye muli Kilisitu, 10 nukulola kuwupekanyo pa kukwanisya kukwanisya kwa nsita, ukuleta ivinthu vyonsi ponga, ivinthu vyonsi ivya mwiyulu nu munsi, pansi pa mutwe wonga, na Kilisitu kwene. 11 Muli kilisitu twasozilwe ngati sweyapyani, Watwelenganyizizye ukulingana nukulonda kwakwe wino akawomba vyonsi ukuyana nukulonda kwakwe. 12 Leza wasozile sweswe ngati swe yapyaniukuti sweswe, sweyano sweyakutalika mwisuwilo muli Kilisitu, chingaya ichakutayizya pakuchindikwa kwakwe. 13 Muli Kilisitu, namwekwene, lino muvwa izwi lya chumi, izwi lya kupusuka kwinu, mwasuwile muli weliwe nupya vyayazilwe numupasi uwutiswe uwusimichile, 14 aweni wino ipangano lya mpyani yitu mpaka ukusapulwa kuli vino viliko, pakutayizya kwa wuchindame wakwe. 15 Palandu wuu, ukufuma pano nuvwile ukuyana nisuwilo linu muli mwemwe Yesu nulukundo lwinu ku yanthu yinu wonsi ayatiswe, 16 nthalesilepo ukutayizya Leza kuli mwemwe ngati vino nawatambwile mwipepo lyane. 17 Nkupepa kuli Leza wakwe mwene witu Yesu Kilisitu, Tata wa wuchindame, aliwaapela mwemwe umupasi wa mano nu wawuwumbulo mumano yakwe. 18 Nkhupepa ukuti amanso ya myenzo yinu yawale, ukuti mungamanya isuwilo kuli chino awamile mwemwe ni chuma chapyani cha wuchindame wakwe pa yanthu wonsi ayatiswe yakwe Leza 19 Mumapeso yane yane nkhalenga ukuti mungamanya uwukulu wa maka yakwe ayakukolanya kuli sweswe sweyano tukasuwil, ukulingana nimiwombele ya yawukulu wakwe. 20 Yano amaka ayaliyamwi na yano Leza wa womvile muli muli Kilisitu pano wamuzusizye ukufuma kuwufwe nukumuteka kukasa lyakwe ndilo mumasyo ya mwiyulu. 21 Wamutesile Kilisitu papela nkhani pa wuteko wonsi na maka nukuti aliteka ninsi yamunkholelo, ni zina lyonsi lino likwamwa. Kilisitu aliteka, asamunkhulo yikwene yitupu, kwene na munkhulo yino yikwiza. 22 Leza wayika ivinthu vyonsi pansi pa matamba yakwe Kilisitu nukumupa weliwe kung'anda yamapepo ukuya umukalamba pa vinthu vyonsi. 23 Ing'anda yamapepo umwiliwakwe, ukuzula kwakwe wino akazuzya vyonsi muli vyonsi.