¹ Yakalamba, wapini ayazya yinu chino chilingine na chino chingawayana, apakumanya ukuti namwe muli nu mukalamba umwiyulu. ² Mwikale mweyakuyipekanya umumape. Muye aminso muli chicho umu vyawila. ³ Nupya mwatupepela ponga na sweswe, ukuti Leza angayula umulyango ukwizwi, apakuvwanga inkama iyachumi yakwe Kilisitu. Pamulandu wakwe chii, Nemunyepwe. ⁴ Pepini ukuti ningavipanga ukuti vyuvwike, ngati vino indingine ukuvwanga. ⁵ Mupite umumano apankholelo pali yano yali ukunzi, ukukonkana ni nsita. ⁶ Lekini amazwi yinu insita yonsi yaya ayawila. Lekini insita zyonsi yaya numusilya, umawkuti mungamanya muno mungasuchilana wenga na wenga. ⁷ Ukuvintu ivyakuyana nene, Takikasi alivipanjisya vimanyikwe kuli mwemwe. Umukundwe wunji, umuwonvi umusuwa umusuwilwe, nu muzya wunji muli Mwene. ⁸ Namutuma kuli mwemwe pali chii, ukuti mungamanya ivintu muno viyelile ukulingana na sweswe, umwakuti angayikomya imyenzo yinu. ⁹ Namutuma ponga na Onesimasi, uwunji umusuwilwe nu mukundwe, wino awenga wakwe mwemwe. Yandi yawanene vyonsi vino vichitike kuno. ¹⁰ Alisitatasi, umunyepwe wunji, akuwalamuka, ponga na Maliko, umuvyala wakwe Banabasi [ wino mwapochelile amasunde; ndichakuti akwiza kuli mwemwe, mumupochelele], ¹¹ nupya na Yesu wino akwamwa Jasitasi. Yaa yatupu ayazembululwe ayawonvi yanji muchinamwene chakwe Leza.Yalinji ayakunkomya nene. ¹² Epafulasi akuwalamuka, awenga wakwe mwemwe numuzya wakwe Kilisitu Yesu. insita zyonsi akawalwisizya umumapepo, umwakuti mungimilila umwakusimpa nukusimichilwa umukulonda kwakwe Leza. ¹³ Pano inkuchitila uwukamboni akawomba nkani pali mwemwe, kuliyano yali umu Lawodekiya, n nakuli yano yali mu Hilapilisi. ¹⁴ Luka sing'anga umukundwe na Demasi yakuwalamuka. ¹⁵ Mulamuke ayakundwe mu Lawodekiya, na Nayipa ni ng'anda yakwe Leza yino yili umung'anda yakwe. ¹⁶ Ndichakuti yawazya kalata wii kuli mwemwe, namwe nupya muwazye kalata wa yantu ya ku Lawodekiya, ¹⁷ Muvwange kuli Akipasi, '''mulole uku mulimo wuno mwapochelela muli Mwene, ukuti muwufisye.'' ¹⁸ Ukulamuka kuu kuli mwikasa lyane--Pawulo. Yizuka iminyololo yane. Ninkhumbu zyane ziye na wewe.