¹ Nomba ndichakuti Leza wawazyulupwisye ponga na Yesu, mulonde ivinthu vyakupela, kuno Kilisitu atenzi ukwikasa lyakwe ndilo lyakwe Leza. ² Mwelenganyizye ivinthu ivyakupela, ukuvyamunsi yapansi yapansi pole. ³ Apakuti mwafwile, nukuti uwumi winu wafiswa na Kilisitu muli Leza. ⁴ Ndichakuti Kilisitu akuloleka, wino uwumi winu, alikuti namwekwene muliloleka ponga nawe umuwuchindame. ⁵ Komini, apano, ayantu yano yali umunsi--uwuchende, uwupopo, ulunkumbwa, ukulonda ukuyipe, nu wimi, vino ivyawuleza ngoza. ⁶ Ukufuma ukvinthu vii ukuti ukali wakwe Leza wukwiza uku yana ayawula umuchinzi. ⁷ Ukufuma umuvintu vii ukuti namwekwene mwapisile mo pano mwikalile muli vyolivyo. ⁸ Kweni nomba mulingine ukufumano umu vintu vyonsi vii--ukali, ukusoka, amelengwi ayayipe, intusi, ni mivwango iyiyipe ukufuma umumilomo yinu. ⁹ Mutati mwayipa ufi kuli wenga nu muze, Apakuti mwatizula umunthu wamphiti ni milimo yakwe , ¹⁰ nukuti mwazwala umunthu umupya chino chapanjisya ukuya mweyapya umukumanya ukuyana nifwani chakwe wino wachelewile. ¹¹ Paa alipano pasi umu Giliki nu Muyuda umuzembululwe na wino asi umuzembululwe, aya babalyani, Sikatiyani, ayazya, umuntu umusapuke, kweni Kilisitu ali wensi, nukuti ali muli vyonsi. ¹² Alichino, apakuya mweyasolwe na Leza, mweyatiswe na mweyakundwe, mukwate umwenzo waluse, mwenzo uwuzima, mweyakwiyisya, mweyakuteka umwenzo, na mweyafuke. ¹³ Mutonthelane wenga nu muze. mwatetelana pali mwemwe namwenga. Ndichakuti wumwi akweti idandawulo pali wumwi, mutetelini munzila iyiliymwi ngati vino Mwene wayatetela. ¹⁴ Papela pali vyonsi vii, mukwate ulukundo, kuno ukunyepana kwa wulungamane. ¹⁵ Lekini umutende wakwe Kilisitu wuteke umumyenzo yinu. Chali ukumutende wuu ukuti mwamwe umumwili wonga Nukuti muye mweyakutayizya. ¹⁶ Lekini izwi lyakwe Kilisitu yikale muli mwemwe umuwukankala. Namano yinu wonsi musambilizye nu kutalichilana wenga nu muze na masalimo, ninjimbo izya mumabuku ninjimbo izya mumupasi. Mwimbile umwakusalifya umumyenzo yinu kuli Leza. ¹⁷ Muli chonsi chino mukuwomba umwizwi pamwi umumilimo, wombini vyonsi umwizina lyakwe Mwene Yesu. Musalifye kuli Leza Tata ukuptila muli weliwe. ¹⁸ Mweyanachi, mwawuvwila ayalume yinu, ngati vino chilingine muli Mwene. ¹⁹ Mwewonsi, mukunde ayachi yinu, mutati mwawayilwa imyenzo na woliwo. ²⁰ Mwe yana, muvwile ayakwasi yinu umuvintu vyonsi, pano chii chikumusechelesya Mwene. ²¹ Yatata, mutati mwawasosya ayana yinu, ukuti yatapona amaka. ²² Mweyazya, mwawuvwile ayakalamba yinu ukuyana nakumwili umuvintu vyonsi, ukuwuwonvi wilinso pole, ngati ayantu ayakuselesya, Kweni nu mwenzo wonsi uwawuponga. mutine Mwene. ²³ ichilichonsi chino mukuwomba, muwombe ukufuma umumwenzo ngati akuli Mwene kutati kuye ngati ukuyantu. ²⁴ Mumanyile ukuti mulipochelela ichilambu ukufuma kuli Leza. A Mwene Kilisitu wino mukumuwombela. ²⁵ Kuli wensi wino atakuwomba uwulungamane alipochelela ifunde pavintu vino asivilungamane vino wawonvile, nukuti pasi ukukundila.