¹ Inkhuyika uwupingulo wa wulapo apaninso pali Leza na Kilisitu Yesu, wino alipingula ivyawumi ni vifwe, na pamulandu wakuloleka kwakwe nu wene wakwe; ² Tanda izwi; uyipekanye apansita yakwe napano asapansita yakwe. Susya, kalipa, chenjezya, nu kufuka konsi nu kusambilizya. ³ Apakuti insita yiliza pano ayanthu yataluvwa ichisambilizyo ichizima. mumalo mwakwe, yaliyitwika wonga ukuya ayasambilizyi ukuyana nu kulonda kwawo, wino akuvwanga vino ukusanga kwa matwi yawo kukulonda ukuvwa. ⁴ Yalifumya ukuvwa kwawo ukufuma ukuwumolimo, nukuti yalisenwila ukuvyili. ⁵ Kweni wemo, utakwata chimwi umumelengi muli vyonsi. Uchule umuvyakuwaya; womba umulimo wakwe katanda; fisya umulimo wako. ⁶ Apakuti natinitililwa mphiti. Insita ya kufuma kwane yafika. ⁷ Nalwisyanya nako ukulwisyanya ukuzima; Namalila ulwendo; Nasunga isuwilo. ⁸ Yansunjila ingiya ya wulungamane, yino mwene, kapingula umulungamane, alimpha nene apawanda wuwu, asakuli nene nenga, kweni nakuli wonsi yano yakunzile ukuloleka kwakwe. ⁹ Wmba ningo apakwiza zuwa kuli nene. ¹⁰ Apakuti Demasi wansya nene. Akunzile insi yino iyanomba nukuti waya uku Tesalonika. Keleseni wayile uku Galatiya, na Tayitasi wayile uku Dalimatiya. ¹¹ Luka mutupu ali wino alinanene. Mutole Maliko wize nawe apamulandu uwakulondwa sana kuli nene umumulimo. ¹² Tayichikasi namutumile uku Efeso. ¹³ Ichakuvimbana chino nachisile uku Tolosi kuli Kapasi, wize nacho pano ukwiza na makope, nkhani nkhani imikwela. ¹⁴ Alekizanda kapamantha wakwe kopa wawonvile ivinthu ivivule iviyipe kuli nene. Mwene ali muwezezya weliwe ukuyana nimilimo yakwe. ¹⁵ Namwekwene mulingine muyichinjilile mwenga kuli weliwe, apakuti wasusizye sana amazwi yitu. ¹⁶ Apakukana kwane ukwanthaliko, patali wino wimilile na nene. Mumalo mwakwe, wensi wansile. Chii chitati chiwaziwe ukwiminkhana nawo. ¹⁷ Kweni Mwene wimilile na nene nukunkhomya umwakuti, ukupitila muli nene, ilandwe lisuma lyonsi litandwe, nukuti ayanthu wonsi yano yatamumanya Leza yanguvwa. Nukuti napuswiswe ukufuma umumulomo wa nkhalamu. ¹⁸ Mwene wandi amphususye ukumiwombele yonsi iyipe nukuti wandamphoke nene uku Wene wa mwiyulu. Kuli weliwe kuye uwuchindame wape na pee. ¹⁹ Lamuka Pulisila, Ankhwila, ni ng'anda yakwe Onesipolasi. ²⁰ Elasitasi wasyazile uku Kolinthi, kweni tolofimasi namusile umulwale uku Miletasi. ²¹ Uwombe ningo ukwiza ukunsita yalupepo. Ewubulusi akukulamuka, na Pudenizi, Linasi, Kalawudiya na wonsi ayawuze. ²² Mwene aye numupasi wako. Uwila wuye namwe.