¹ ''Ku mungelo wa chalichi mu salidisi usimbe: 'Amazyu gha weka yo akwete imizimu seveni iya Chala ninthondwa seveni. ''Une menye vyo ubombite. Uli ni zina lyakuti wewabumi, loli ufwile. ² Nyamuka sona ughomie vyo vyasyala loli vili papipi pa kufwa, Chifukwa nthagha imbombo zyako zifikite pamaso pa Chala wane. ³ Polelo, kumbuka, vyo wapokelera nu kwivwa. uvivwile, sona lapa. Loli nanthi utakucheba, nkuzukwiza ngati mwiba, sona tewize umanye nakabalilo ko nkuzukwizila kukwako. ⁴ Loli uli namazina ghakuchepa mu salidisi gho ghatafisizye imyenda yabo, sona bazukwenda nune, bavwalite iviswepu, pakuti babaghile. ⁵ Mwene yo apota yo ali vwikiwa imyenda iyiswepu, sona Thazukufumia izina lyache mu Buku ilya Bumi, sona nkuzukusimikizya izina lyache pamaso gha Tata, sona na pabanthumi bache. ⁶ Leka wensi yo ali nikutu, ivwe vyo umuzimu ghukunena ku ma chalichi.''' ⁷ ''Ku wanthumi wa chalichi mu filadefiya simba: 'Amazyu gha weka yo muswepu sona wa bwanaloli_yuyo yo akukola ichighulilo cha Devedi, akwighula sona nayumo yo akwighalila, akwighalila sona nayumo yo angighula. ⁸ '''Nzimenye zyo ubombite. Linga, Mbikite panthanzi pako umulyango uwa kwighuka uwakuti nayumo yo angighalila. Nzimemenye ukuti uli namaka ghakuchepa, inga po ukwivwila amazyu ghane sona utakanite izina lyane. ⁹ Linga! bonsi bobali pansi pama sinagogi gha satana bo bakunena ukuti bayuda loli tebobabo, loli bamiansi -Nkuzuku babika pansi ukuti bakufugamile panthanzi pa vinama vyako, po bazukumanya ukuti nkughanite uwe. ¹⁰ Pakuti wasungilila ululaghilo lwane umwa kufwasa, nune inthi nkusungilile mukabalilo ka vyakuyeziwa vyo vikwiza pa chisu chonsi icha pansi, ukuyezya bonsi bo bakwikala mu chisu. ¹¹ Nkwiza mwa lunonyene. Sunga cho uli nacho mwakuti nayumo atakasende imphumphu yako. ¹² Yuyo yo apota nkuzukumwimika ukuba lupanda mu tempeli lya Chala wane. Te akize afumemo sona ukuya panzi, sona nkuzu kumusimba izina lya Tata wane, izina lya kaya ka Tata wane (uyelusalemu umupya, yo akwisika ukufuma kumwanya kwa Tata wane), sona ni zina lyane ilipya. ¹³ Leka we ali nikutu, ivwe vyo umuzimu ghukunena ku ma chalichi.''' ¹⁴ ''Ku wanthumi wa chalichi mu lawodiseya simba: 'Amazyu gha Amen, agha busubaliwa sona nagha bukaboni bwa bwanaloli, umulamuli wa chipeliwa cha Chala. ¹⁵ ''Nzimenye zyo ubombite, nukuti tewe wakutalala pamo wakutukula. nalonda ukuti ube we wakutalala pamo wakutukila ! ¹⁶ Po, chifukwa chakuti ulungwile_ tewe wakutukila pamo wakutalala_ Indi papipi pakukutapika ukufuma mumulomo wane. ¹⁷ Pakuti ukunena ukuti, 'Ne mukabi, Ndini vyuma ivinji vyakubombela, Nthakulonda nachimo.' Loli utamenye ukuti we muswime, mupelachisa, mupina, umufwa maso, sona ulinkule. ¹⁸ Ivwa kubumanyisi bwane: Ghula kukwane u golide umuswepu uwa moto ukuti ube we mukabi, na malaya aghiza agha swepu mwakuti uvwale wemwene utakakoziwe insoni zya kuba nkule kwako, nu mulembo uwa kupakazya amaso ghako po ukuzukulinga. ¹⁹ Une nkhumukalipila wensi yo mughanite, sona Nkhumumanyisya wensi mo angikalila. Polelo, iba wakufikapo sona lapa. ²⁰ Linga, Nimilile pamulyango indi pa nkhong'onsya. Nanthi wensi yo ivwa amazyu ghane nu kwighula umulyango, nkhuzukwingila mu nyumba yache sona nkuzukulya nawe, sona yuyo nune. ²¹ We nanthi apota nkuzukumupa ubwabuke bwakwikala pansi nune pa mupando wane, ngati monune nkhapotela sona nukwikala pansi nu Tata pamupando wache. ²² Leka wensi yo ali nikutu, ivwe vyo umuzimu ghukunena ku machalichi.'''''