¹ Ku wanthumi wa chalichi mu Ephesus simba: 'amazwi gha weka yo akolite inthondwa seveni mu nyobe yache iya ndyelo sona nabo bakwenda poka ni vikalilo seveni ivya bakoloboyi, ² ''Nzimenye imbombo zyako, nubughomu bwa mbombo yako , sona nu bwachimieka bwako, sona nukuti utangabasayila bo bakubomba imbibi, loli ubayezizye bonsi bo bobakuti batumiwa loli tebobabo, sona ubaghite ukuti bamyansi. ³ U kalangizya ukujimba kwako mu bufwase sona ukajimba chifukwa cha lizina lyane, sona utakalita awe. ⁴ Loli nkhukususya pa chinthu ichi chakuti usyalikile mwisinda mu lughano lo ukaba nalo pabwandilo. ⁵ Polero kumbuka ukufumila mo ukawila. Rapa nukubomba ivinthu vyo ukabomba pa bwandilo. Nanthi ungalapa, Nkhuzukwiza kukwako sona nkuzukufumya ichakwikalilapo ukoloboyi ukufuma pa malo ghache. ⁶ Loli uli nivi: U vibengite vyo u Nicolaitans abombite, vyo Nune nvibengite. ⁷ Leka yo ali nikutu, ivwe vyo umuzimu ghukunena ku machalichi. Ku yuyo yo angapota Nkhuzukumupa ubwabuke bwa kulya ukufuma kwi komo lya bumi, lilyo lili mu paradayizo lya Chala.''' ⁸ Ku wanthumi wa ku chalichi ku smyrna simba: 'Amazwi gha weka yo wa bwandilo sona wabumalilo, weka yo akafwa sona nukuzyuka nukuba wa bumisona: ⁹ ''Nzimenye inthamio zinu sona nubupina bwinu, loli mwe bakabi. Nzimenye ukutuka kwa bobakunena ukuti twe bayuda, loli tebobabo. Gho masinagogi gha Satana. ¹⁰ Mu takoghope ubuyinvi bo muya pakuyimba nabo. Linga! U satana ali papipi pakubatayila bamo mwa umwe mu jere umwakuti muyezyeke, sona nukuyimba ku masiku teni. Iba we wa bwanaloli mphaka imfwa, po nkuzukubapa imphuphu ya bumi. ¹¹ Leka weka yo ali nikhutu, ivwe vyo umuzimu ghukunena ku machalichi. Weka yo alapa atazukukomana ninfwa ya bubili.''' ¹² ''Ku wanthumi wa chalichi mu pergamum simba: 'Amazwi gha weka yo ali nu phanga nutwasongoka tubili utwakukola konsikonsi: ¹³ '' Nkhumenye ko ukwikala, kula ko ichitengo cha Satana chili. Loli ukolesizye nkhani mwi zina lyane. Nzimenye ukuti utalukanite ulwitiko lwako mu mwane, na mumasiku gha Antipas ukaboni wane, uwa lwitiko wane, yo akakomiwa numwe, kula ko u Satana akwikala. ¹⁴ Loli indi ni vinthu vinandi ukuyana numwe: Uli nabamo kula bobakolesizye ku vimanyisyo vya Balaam, bo bakamubuzya u Balak ukusumba chochikatanganga panthanzi pa bana ba izilayeli nukuti balye ichakulya chakwipa kuvifwani sona nukuba bobamalaya. ¹⁵ Mukabele aka, muli na bamo bo bakolesizye ku vimanyisyo vya Nicolaitans. ¹⁶ Lapa, polelo! Nanthi utakulonda, Nkhuzukwiza mwalubilo ku kwinu, sona Nkhuzukwiza nu bwite ku kwabo nu phanga mu mulomo wane, ¹⁷ Leka yo ali ni nkhutu, ivwe vyo umuzimu ghukunena ku machalichi. Kwa weka yo apota, Nkhuzukumupa ghamo amana ghakufisiwa, sona Nkhuzukumupa ibwe iliswepu ni zina ilipya lyolisimbiwe pibwe, izina lyo nayumo alimenye loli mwene yo apokelalyo.''' ¹⁸ ''18 Ku wanthumi ku chalichi mu Thyatila simba: 'Agha gho mazyu gha Mwana wa Chala, yo ali na maso ngati moto wa kulilima sona nivinama vyakupuputiwa ngati chela: ¹⁹ ''Nvimenye vyo ubombite: ulughano lwako nu lwitiko ni mbombo sona nubufwase bwako. Nzimenye ukuti vyo ubombite lunonye vinji ukulusya vyo ukabomba pabwandilo. ²⁰ Loli indi nivi ukususyana nuwe: Ukwitikizya umwanakazi u Jezebel, yo akwiyitizya mwene ukuti mughonela. Mu vimanyisyo vyache akapusika abambombo bane ukuti baghonanenge sona nukulya ichakulya chakwiyipa ku vifwani. ²¹ Mupile akabalilo kakuti apinduke, loli atakulonda ukupinduka ku bwa malaya bwache. ²² Linga! Nkhuzukumusumbila ku chitala cha balwale sona nabonsi bo bakubomba ubwamalaya poka nawe mu kutamiwa ukukulu, pamo nanthi banga pinduka ku mbombo zyabo. ²³ Nkhuzukubakoma abana babo, sona amachalichi ghonsi ghazukumanya ukuti nene ne nkulingisya aminong'ono ni myiyo. Nkhuzukupa ku wensi wa umwe ukuyana nimbombo zinu. ²⁴ Loli ku mwe mwasyala mu Thyatira, ku wensi yo nanthi yo atakukola ichimanyisyo ichi sona atakumanya ivyakwitizya ivinji nkhani ivya Satana_ku umwe nkuti, 'Nthakubika nabumo ubu bibi kukwinu ²⁵ Munkhani zyonsi, mubaghile ukukolesya mphaka po une niza. ²⁶ Kwa yuyo yo akupota sona nayo abombite vyo nkabomba mphaka pa bumalilo, ku kwache nkhuzukumupa amazaza pa mitundu. ²⁷ 'Azukubalamulila ni nkomo ya bukabi, ngati zyo nsontha zya lyongo azukuzibwayula mutu viyabo.' ²⁸ Ngati za mumo mo mphokelile ukufuma kwa Tata, Nkhuzukumupa ulutondwa lwa kubuche. ²⁹ Leka yuyo yo ali ni nkhutu, ivwe vyo umuzimu ghukunena ku machalichi.'''