¹ Nkhivwa izwi ilikulu likwitizya ukufuma mu tempheli sona likanena ku ba nthumi seveni, ''Buka mukupulile pachisu cha pansi ivibekete seveni ivya bubukali bwa Chala.'' ² U wa nthumi uwa bwandilo akabuka nu kukupulila ichibekete pa chisu; ubukali nu bubavu bwa vilonda bukiza pa banthu bo bakaba ni chifwani cha chinyamana, bonsi bo bakachiputa ichi fwani chache. ³ U wa nthumi uwa bubili akakupulila ichibekete chache mu nyanja. yikang'anamuka aba we daba, ngati we daba munthu umufwe, sona icha bumi chonsi mu nyanja chikafwa. ⁴ U wanthumi uwa butatu akakupulila ichibekete mu nsoko na mubwibi zya minzi, po ghakang'anamuka we daba. ⁵ Nkhivwa u wanthumi wa minzi akuti, ''We mugholosu_ yo aliko sona yo akabako, umuswepu_chifukwa ulongite kale ivinthu ivi. ⁶ chifukwa baka kupulila udaba wa banthu aba Chala aba swepu sona na baghonela, mwabapa udaba ukuti bangwe; ivi vyovyo vikabenelela.'' ⁷ Nkhivwaku chighemo ku kukunena, ''Naloli Mwene Wa maka, ubulongi bwako bwa bwanaloli sona bwa bugholosu.'' ⁸ U wanthumi wa folo akakupulila ichibekete chache pi zuba, sona likitikiziwa ukuti lyoche abanthu nu moto. ⁹ Po bakochiwa ni chilungula, sona baka lisamulanga izina lya Chala, yuyo ali namaka pa mwanya pa vipeliwa vyonsi ivi. Batakalapa pamo nukumupa yuyo intchindi. ¹⁰ Po uwanthumi wa fayivi akakupulila vyo vikaba mu chibekete pa chitengo cha chinyamana, po ichisi chikabawila pa chinamwene chabo. Bakasyola indimi zyabo chifukw cha bubavu. ¹¹ Bakamusamula u Chala wa ku mwanya chifukwa cha bubavu sona ni vilonda, sona bachili bakukana ukulapa pa vyo bakabomba. ¹² U wanthumi wa sikisi akakupulila vyo vikaba muchibekete mu lusoko ulukulu, yufuleti. aminzi ghache ghaka kamuka ukuti yinoziwe inzila ya bamwene bo bakufumila kubufumilo bwi zuba. ¹³ Nkhalinga imizimu yitatu iyi bibi yo yikaboneka ngati boba chula yikufumila mu milomo ya njoka, ya chinyamana, sona nabaghonela aba myansi. ¹⁴ Pakuti yo mphepho ya mizimu iyi bibi yo yikupela ivimanyikwilo vya viswigho. yikabuka kunzi ku ba mwene ba chisu chonsi ni chifukwa cha kubunganika poka ku bwite bwa lisiku ilikulu nkhani ilya Chala wa maka. ¹⁵ (''Linga! Une nkhwiza ngati mu nkhungu! musayiwa yuyo alimaso, yo akusunga ivyakuvwala ukuti atakuzukwenda nkule nukuti batakize ba mulinge akabele ka kukozya insoni.'') ¹⁶ Bakiza nabo poka pamalo gho ghakitiziwa ukuti Amageddoni mu chihebeli. ¹⁷ Po uwanthumi wa seveni akakupulila vyo vikaba muchibekete pa mphepo po izwi ilikulu likiza ukufuma mu tempheli sona ukufuma ku chitengo, likati, ''vyabombiwa!'' ¹⁸ Po kukaba ukubala kwa tumesya, kujilimisya, nukubuluma, ni chindindi ichakoghofya_ichindindi ichikulu nkhani cho chitachitikite lumo mo abanthu bakabelapo pa chisu, po ichikulu chikaba cho chindindi ichi. ¹⁹ Po akaya akakulu kakagabiwa patatu, sona nu twaya twa mitundu tukamongoliwa. Po uChala akakumbukila u Babeloni umukulu, sona akachipa ichikaya u lubako lwa kwizula nu bwalwa bo bukapangiwa ukufumila ku bukali bwache. ²⁰ I chisu chonsi icha paminzi chikazimatila, sona ama pili ghatakaghiwa nakumo. ²¹ A mabwe amakulu, ghakanyamula ubungwamu bwa talenti, ghakafuma ku mwanya nukuwa pabanthu. Bakamusamula u Chala chifukwa cha chifwanikizyo cha gehena pakuti chikaba chibibi.