¹ Po Nkhalinga ichimanyikwilo ichanyabo ku mwanya, ichikulu ichaku hobosya: Kula kukaba aba nthumi seveni bo bakaba ni vilaghi seveni, vyo vilaghi vya bumalilo, pakuti na vivyo ubukalale bwa Chala bwaya pa kumala. ² Nkhalinga vyo vikaboneka ukuba ngati nyanja ya magalasi ukonganikila nu moto. Bo nimilile mu mbali mu nyanja ku babo bobakaba ukuti bapota ichinyamana poka ni chifwani chache poka ni nambala yo yikwimilila izina lyache. Ba kakola amapati ghagho ghakapewa ku kwabo nu Chala ³ Bakimbanga ulwimbo lwa mozesi, umubombi wa Chala, sona nu lwimbo lwa na ng'onzi: ''Vikulu sona ni vyakunozya zyo mbombo zyako, Mwene Chala wa Maka. imbombo nu bwanaloli zyo zila zinu, Mwene wa visu vyonsi. ⁴ Wenu yo atangize akoghope uwe, Mwene, sona nukutunvya izwi lwako? Pakuti uwe we mwene we muswepu. I visu vyonsi vizukwiza nu kukwiputa panthanzi pako chifukwa ubugholosu bwa mbombo zyako bwa vumbukwa.'' ⁵ Pisinda pa vinthu ivi Nkhalinga, sona i tempheli likaba ni tenti lya bukaboni likughuka ku mwanya. ⁶ Kunzi kwa malo aghaswepu kukiza aba nthumi seveni bakakola iviswigho seveni. vikavwala iviswepu, ivyakumekuka sona nabalamba ba golodi ukuzungulila mu vifuba vyabo. ⁷ Weka wa vya bumi folo akabapa aba nthumi seveni utundendo seveni utwa golide twizwile mumo nu bukali bwa Chala, yuyo aliko bwile na bwile. ⁸ I tempheli likizula ni lyosi ukufuma ku bu chindamu bwa Chala ukufuma mu maka ghache. Nayumo yo anginjilamo mupaka iviswigho seveni ivya ba nthumi vyamalizika.