^{1 2} Po akanena ichili kukwabo mobangiputila sona batakaba gongowesya.Nukuti, mukaya akakulu kamo mukaba umulongi yo atakoghopanga, uchala sona atakabachindika abanthu. ³ Po pakaba umwanakazi yo umulume akafwa mukaya akakulu kala, sona akizanga nakukwache, nukuti, ' Navwe palonga inongwa bapapi papane.' ⁴ Akabalilo akatali atakalondanga pakumwavwa yuyo, loli ba pakaba panandi akanena kukwache, Pakuti nthakumoghopa nu kumuchindika u Chala, ⁵ napo buli chifukwa u mwanakazi uyu akumbika mu nthamyo, loli inthi mwavwe ukuti abwaghe ubwanaloli, ukuti atakanthaye mu nyininong'ono zyo zikwiza.''' ⁶ Po UYesu akati, ''Ivwa vyo abalongi banongwa abamyansi vyo bakunena. ⁷ Ka Uchala, atakwiza nubulongi kubo abasalite bakulila kukwache ubusiku numusanya ? Azukuchedwa akabalilo akatali kukwabo? ⁸ Nkhunena kukwinu ukuti ukwiza nubwanaloli mwalubilolubilo? Napo, po u Mwana wa Mwene akwiza, ka akwiza ukubwagha ubwanaloli pa chisu?''' ⁹ Po akanena sona ichili ku bamo bo bakisendanga bene ukuti basayiwa sona bo bakayinvyanga abanthu, ¹⁰ Abanthu babili bakabuka ku tempeli pakwiputa- po yumo yo akaba mu Falisi na banji bo bakaba basonkhezya musonkho. ¹¹ Aba Falisi bakimilila sona bakiputa ivinthu vinonye ukuyana nawe, 'Chala, nkhukusalifya ukuti nthengati banyitu bamo-abiba, abanthu basita basayiwa, abamalaya- pamo ukuyana nabasonkhezya musonkho. ¹² Nkhuleka ukulya amasiku mabili pasabata. nkhubika ivyabupi pa vyo navyagha.' ¹³ Loli yo akusonkhezya umusonkho, akimilila pabutali, atakinusyapo amaso ukuti alolele kumwanya, loli akuma amabele, nukuti, 'Chala, hobokela une nemunanzi.' ¹⁴ Nkhunena kukwako, umunthu uyu uye kunthende kunyumba yache ukuyeziwa nukulusya abanyabo, chifukwa wensi yo akwikwezya nkhuzukumwisya, loli wensi yo akwiyisya nkhuzukumukwezya''. ¹⁵ Abanthu bakizanga navyo kubana pobakati bangavikola, loli bo abafundiwa bakalinga, baka vinyokezya. ¹⁶ Loli u Yesu akabitizya ukuti baye kukwache,nukuti mwitikizye u mwana u munandi ukuti ize ku kwache,sona mutakabanyoze. ¹⁷ Naloliloli nkhubabuzya, wensi yo atakupokela ubu chinamwene bwakumwanya ngati we mwana azukutayiwa no kwinjila. ^{18 19 20 21} Asongo yumo,akabuzikizya akati,''Manyisi,mwiza,''ningabombachi ukuti imbe nubumi ubwamuyilayila?''UYesu akati kukwache,choni cho mkumbuzya ukuti nemwiza?Nayumo yo mwiza,ukupatulako Uchala mwene.Umwene indaghilo_ukuti utakahule,utakakome,utakibe,utakapange ivyabumyansi muchindike u Tata nu mama wako':Yo akulamula akati,''vyonsi vino vikonkhite ukufuma akabalilo ko bonemwana. ^{22 23} Bo u Yesu ivwa vila,akati kukwabo,ichinthu choka,chomutenacho.Muye mughuzye vyonsi vyomuli navyo sona uye abagabileko abapina sona bayukusungila kumwanya sona wize unkhonkhe une.Loli bo umulingilili ivwa izyo vikamukalalizya hee,ka akaba mukabi hee hee. ^{24 25} Bo u Yesu amulinga ukuti akalala akati,chipala buli kubobakabi ukwinjila kuchinamwene cha ku mwanya.Namanga chipepe imphunda pakwingila pakamulyango wa sindano nukulusya umunthu umukabi ukuti aye injile kuchinamwene cha ku mwanya. ^{26 27} Bo bakivwa bakati,''ngapo bangapokiwa bulibuli?UYeso akamula ukuti,''Ivinthu vyo vitamye kubanthu vipepe kwa Chala.'' ^{28 29 30} UPeteli akati,naloli twavileka uyo vyali vitu sona twakukonkha uwe.UYeso akati kukwabo,''naloli nkhunena kukwinu ukuti,''nayumo yo afumite ayilekite inyumba,olo umwanakazi wache olo abapapi bache,olo abana bache, chifukwa cha chinamwene cha Chala.Yo atakwizupokela ivinji mukabalilo kano sona nukupapwa kokakwiza, ubumi bwa muyilayila.'' ^{31 32 33} Bo ababunganika 12 kukwache akati kukwabo,''Linga tukubuka kuba jetayelo sona bakwiza ukumutuka sona nukumunyoza nukumufwinila amati.Bo bamusyempha bakwiza akumukoma sona akisika lya butatu akwiza uzuka sona. ³⁴ Bakamanyapo nachimo pavyonsi vyovyaneniwa sona izwi likavwama mumwabo sona batakamanyanga navyovyaneniwa. ³⁵ Zikati zyaba ulo,UYeso ali papipi ku Jelico, umunthu yo atakalinga ikalite mumusebo alengalenga, ³⁶ sona akivwa ibumba likakabukanga, akabuzikizya cho chikabombiwanga. ³⁷ Bakamubuzya bakati,U Yeso wa ku Nazaleti akupululila. ³⁸ Po umunthu umufwa maso akakola,Nukuti,''Yeso mwana wa Devedi, nivwila ichisa une.'' ³⁹ Bamo bobakenda munthanzi akamukalipila umufwa maso,nukumubuzya ukuti atebe bwaka.Loli po akalila nkhani hee,''Po UDevedi akamufwila ichisa'' ^{40 41} UYesu akimilila, bulanyene nu kulamula ukuti babuke nu munthu kukwache. Po bo umufwa maso afika papipi,UYeso akamubuzikizya,''Ukulonda une nkhubombelechi uwe?Akanena ukuti nkhulonda ndolelenge. ^{42 43} UYeso akati kukwache,''Pokela ukulinga.Ubwanali bwako bwakupozya.Lubilolubilo akapokela ubwelu sona akamukonkha, ukusalifya mchala.Abanthu bonsi poba kalinga abunye bakasalifya kwa Chala.