^{1 2} UYeso akanena kubamanyili bache akati ingelo izyakumuwisya umunthu inthizibeko, lole mukosi kwa munthu yo inthizizilemo:Ngechabapo chiza kukwache ukuti ibwe libikiwe munsingo mwache nukuti atayiwe munyanja iyikulu nukulusya ukuti apangisye weka mwabanandi aba bavulungane ^{3 4} Mwilingisye mwebene, pala uwamwinyu ananga, muchemele,po pala alapa, muhobokele.Pala akunangila ka seveni akunyozesya, nukunena ukuti, nalapa, umuhobokele: ^{5 6} Abaputi bakati kwamwene,'' tukuzye mulwitiko.''Umwene akati,'' pala mukabanga nulwitiko ngati mbeyu yamutaka, ngemukati ku lukomo lya tunthonongwa,nyamuka, ubyaliwe munyanja;Po ngechikabivwila. ^{7 8} Lole wewenu waumwe, yo ali nuwambombo yo akulima pamo akuteka ing'onzi, angati kukwache bo akufuma kumughunda,zakuno lubilo ikala pansi ulye?Atangati kukwache nozezyeko kamo akakuti indye,sona abike ulamba pamalaya mukundyesya mpaka ponamala pakulya nukung'wa. Popabumalilo po ulye nukung'wa? ⁹ Atakupalizyan uwambombo wache papo apanga ivinthu vyo amutumite, angabomba? ¹⁰ Po numwe bwaka, pomwapanga chilichonsi chomutumiwe,mukuti,teswebambombo abakwenelela, papo twapanga vyobatutumite vyene.''' ¹¹ Po akiza abuka ku Jelusalemu, akenda mumpaka ya Samaliya nu Galileya. ¹² Bo injila akaya kamo, akakomana nabanthu teni, bobakalwalanga amambombo bakimilila pabulali nawe, ¹³ sona bakakwezya amazwi, nukuti''yeso,mwene,tupelele ichisa uswe.'' ¹⁴ Bo abalinga, akanena nabo akati,''Buka muye mwibonesye kwabaputi''bobabuka bakapola. ¹⁵ Boweka mwababo alinga pakuti apola,akang'anamuka namazyu aghakulu akamupala u Chala. ¹⁶ Akawa mu vinama vya yeso,nukumupalizya,po akaba musamaliya. ¹⁷ Po UYesu akati,'' teni bala batakapola? Ngap nayini balikwi? ¹⁸ Nayumo yo anyokile pakumukwezya Uchala,pakupatula umulendo uyu?'' ¹⁹ Akanena kukwache,''nyamuka,nukubuka.Ulwitiko lwako iwakupozya.'' ²⁰ Pakulalusya naba Falisi akabalilo ko ichinamwene cha Chala inthichizile, Uyeso akabamula nukuti, ''ichinamwene cha Chala chitakwiza nukuchiteghela. ²¹ Batalinenapo pakuti,''linga,buli pano:pamo buli pala:polinga,ichinamwene cha chala chili mumwinu.'' ²² Akanena kukamanyili bache,''amasiku ghakwiza po mulidokela ukulinga lyoka umwamasiku agha mwana wamunthu, lole mutalilinga. ²³ Po batili kukwinu,''linga,pala:linga,pano:Lole mutakize mufume mubasamalilenge, ²⁴ pakuti bo ichimesya chikubala pala chikuboneka ukwanala kumbali yoka iya mabingu mphaka kumbali iyinji, umwana wamunthu alibela pisiku lyache. ²⁵ Lole pabwandilo abaghile ayimbe muvinthu ivinji nukukaniwa mumphapwa iyi. ²⁶ Ngati movikabombekela mu kabalilo ka Nowa,momo vilibombekela mu masiku gha mwana wamunthu. ²⁷ Bakalya,bakang'wa,bakasenda,pobakabapa munsendwa mphaka pisiku lyo UNowa akinjila mungalaba _po aminzi aghinji ghakiza nukubakomania bonsi. ²⁸ Munzila yilanyene, momo vikabombekela namasiku agha Loti_Bakalyanga nukung'wa, ukughuzya nukughula, ukubyala nukuzenga. ²⁹ Lole pisiku lyo u Loti akafuma mu Sodomu,umoto wukabawila nu sulufule ukufuma kumwanya nukubakomania bonsi. ³⁰ Pala penda ivi popaliba pisiku lyo umwana wamunthu avumbukwa. ³¹ Pisiku lilanyene muleke yo ali pamwanya panyumba atalasike pakuti asende ukatundu wache munyumba,munzila yilanyene mulekani yo ali kumughunda atakanyokele. ³² Kubuka umukazi wa Loti.Aliwensi yo akulonda pakupoka ubumi bwache alibutaya, ³³ loli wensi yo akutaya ubumi bwache alibusungilila. ^{34 36} Nkhubabuzya, mubusiku bulanyene muliba abanthu babili pabughono.Weka akwizukusendiwa sona umunyabo alisyala. ³⁵ Paliba abanakazi babili bakusya poka.Weka alisendiwa, uyunji alisyala.''Baliba babili mumughunda, weka alisendiwa uyunji akusyala. ³⁷ Bakamulalusya,''Kwiyi,mwene?''Akati kukwabo,''Popali umubili, ivizwanga vyope vilibungana poka.''