¹ U Paulo, umumanyili wa Yesu Kilisitu ukwizila mu bwighane bwa Chala, ukuyana nu lufingo lwa bumi lo luli mwa Yesu Kilisitu, ² kwa Timoti, umwana umughaniwa: Ichisa, ubwila, sona nu mutende ukufuma kwa Chala u Tata sona nu Kilisitu Yesu u Mwene witu. ³ Nkhupalizya u Chala, yo nkhumubombela ukufuma ku basekulu bane, nukunweka ukuswepu, ngati mo nkhukukumbukila uwe mu nyiputo zyane ubusiku sona nu musanya. ⁴ Nanthi nkhukumbukila amasonzi ghako, nkhulonda ukukulinga, ukuti nizule nulusekelo. ⁵ Nakumbusiwa izya lwitiko lwako ulwa bwanaloli, lo pabwandilo lukikhala mwa mama wako u Loyisi sona nu mama wako u Yunesi, sona nitikizya ukuti lukwikhala sona mumwako ⁶ Ichi chocho chifukwa cho nkhukukumbusya uwe ukuti wasye sona ichabupi cha Chala cho chili mumwako ukwendela mukukola inyobe zyane. ⁷ Pakuti u Chaka atakatupa umuzimu wa bogha hagha, loli uwamaka sona uwa lughano sona uwa muchinzi. ⁸ Po mutakabe ninsoni pakusimikizya izya Mwene witu, pamo izya une,ne Paulo, umupinyiwa wache. Mumalo mwache, mugabane mu butamiwe bwache na mazwi aghiza ukuyana namaka gha Chala. ⁹ We Chala we akutuponia uswe sona nukutwitizya uswe nukwitizya ukuswepu. Akubomba ichi, te chifukwa cha mbombo zitu, loli ukuyana nimbatiko yache sona ni chisa. Akatupa ivinthu ivi mwa Yesu Kilisitu bo utubalilo tutandite. ¹⁰ Loli ilelo ubupoki bwa Chala bwasetuliwa nukwiza kwa mupoki witu u Yesu Kilisitu. We Kilisitu yo amazya imfwa sona akiza nu bumi bo butakumala ukwendela mu mazwi aghiza. ¹¹ Chifukwa cha ichi, nkhasaliwa ukuba mulumbilili, umumanyili, sona umumanyisi. ¹² Pa chifukwa ichi nkhutamiwa ni vinthu ivi. Loli nthali ni nsoni, pakuti mumenye umwene yo musubalile. Indi nulusubilo ukuti akukwanisya pakusunga cho nsubile kukwache mpaka pi siku lila. ¹³ Musunge ichifwanikizyo cha chamanyisyo cho mukwivwa kukwane, nu lusubilo sona nu lughano lo luli mwa Kilisitu Yesu. ¹⁴ Ichinthu ichiza cho u Chala akabapa umwe, muchubatile ukwendela mwa Muzimu Umuswepu, yo akwikala mu mwitu. ¹⁵ Mumenye ichi, ukuti bonsi bo bakwikala mu Asiya bakansambukila. Mukabukatila aka muli u Phygelus sona nu Hermagones. ¹⁶ Po u Mwene abike ichisa pa nyumba ya Onesiphorus, pakuti akamanyisyanga sona atakoghopanga inkhusa zyane. ¹⁷ Mumalo mwache, bo ali mu Romu, akandonda une kumaka, sona akanagha. ¹⁸ Po u Mwene amupe umwene ukwagha ichisa ukufuma kukwache pi siku lila. Munzila zyonsi akanavwa une mu Efeso, mumenye akiza he.