¹ Polelo, ichabwandilo cha vyonsi, nkubabuzya mukulenga, inyiputo, ivyakuputila, sona ivyakupalizya vibe vya banthu bonsi, ² ku banyafyale na bonsi bo babaghile, umwakuti twikalenge umutende nu bumi ubwiza, ni ntchindi mwa Chala witu. ³ Ichi chiza sona chitikiziwe pa maso gha Chala witu umupoki. ⁴ Akanyonywa ukuti abanthu bonsi bapokiwe nukumanya ubwanaloli. ⁵ Pakuti u Chala ali weka, sona pali yo ali pakasi pa Chala nu munthu, umunthu Kilisitu Yesu. ⁶ Akipa mwene umupoki wa bonsi, ngati chisimikizyo pa kabalilo akenecho. ⁷ Pa mbombo iyi nkimikiwa ukuba mubulumbilili sona nukuba wa nthumi---nkunena nu bwanaloli, mukusita kutamantha-- sona umumanyisi wa baluko mu lwitiko na mu bwanaloli. ⁸ Polelo, nkulonda abanalume bonsi mu malo ghonsi bipute sona nukukweziwa ni nyobe iziswepu ukusita bukalale pamo ukudalisya. ⁹ Ngati mo vibelile abanakazi babaghile bavwalenge akavwalilo akiza, ukuti babonekenge mwa mahala nu mwa kwikola bene, ukusita kuluka isisi pamo u golide pamo ni myenda iya mutengo wa pamwanya, ¹⁰ loli vyo vibenelile abanakazi bo bakwiputa aba chala ukwizila mu mbombo iziza. ¹¹ Umwanakazi abaghile amanyile mwa chisinsi sona nukwibikamo konsi. ¹² Nthakwitikizya u mwanakazi ukumanyisya pamo ukuti amulaghile umwanalume, loli pakwikala mubololo. ¹³ Pakuti u Adamu weyo akapeliwa pa bwandilo, po pakizanga u Eva. ¹⁴ U Adamu atakapusikiwa, loli umwanakazi weyo akapusikiwa sona akazyoka wakunanga. ¹⁵ Napo, akwiza ukupokiwa pa kwendela mu mphapo ya bana, nanthi bakubukilila mu lwitiko sona mu lughano sona mukwikutisiwa nukunena kwa nyinong'ono.