¹ Pauli, inthumi ya Kilisitu Yesu ukuyana ni ndaghilo zya Chala umupoki witu u Kilisitu Yesu yo lusubilo lwitu, ² kwa Timoti umwana wanaloli mulusubilo ni chisa, lusayo nu mutende ukufumila kwa tata Chala nu Kilisitu Yesu u Mwene witu. ³ Ngati mo nkakabuzizya ichakuti ubombenge po nkabukanga ku Makedonia, ukuti syala mu Efesasi ukuti ulaghilenge abanthu pakuti baleke ukumanyisya ivimanyisyo cha mazwi. ⁴ Pamo sona batakateghelezyenge ku tupangwi ni vili vyo bakwilika. Pakuti ivi vikupela ivyongo nu kusita ukukolelana ukwa Chala mu lusubilo. ⁵ Loli umulyango lwa ndaghilo lo lughano ukufuma pansi pa moyo, ukufumila mu mabyebye amiza, sona nu lusubilo ulwa bwilabwila. ⁶ Bamo abanthu bafumiteko ku vinthu ivi; sona basobela hee ku vyakunena vyabukonyofu. ⁷ Bakulonda ukuba bamanyisi ba ndaghilo, po batakwivwisya vivyo bakunena ni mfundo zyo bazisubalile. ⁸ Loli tumenaye ukuti ululaghilo lwiza nanthi yumo akulubomvya akiza. ⁹ Tuchimenye ichi, pakuti indaghilo zita batikiwe ku banthu abagholosu, loli kubo batakonka indaghilo nabo batakwivwila, abanthu bo te ba chala sona bo bananzi, sona nabo bate nu chala sona bo bakutuka. Zipangiwe ku bo bakukoma aba wise na ba nyina, mu kukoma ukwa lunyozo, ¹⁰ abamalaya, bo bakubomba iyvabupopo, nabo bakuchita ivya kwighona bene, bo bakusenda abana ukuba bazya, abamyansi, aba kamboni ababumyansi, sona na vyonsi vyo vikususania ku bumanyisi ubwa kwivwika. ¹¹ Ululaghilo ulu lukuyana nu bulumbilili ubwiza ubwa Chala umusayiwa bo nune naba nsubalile. ¹² Nkupalizya u Kilisitu Yesu u Mwene witu. Akankazya, akasubalila nu bwanaloli mumbombo zyane. ¹³ Nkatukanga, nkamusamazyanga, nukumubombela ivibibi loli akapelelanga ichisa chifukwa akamanya ukuti cho nkubomba nthakachimanyanga sona nthakaba nu lusubilo. ¹⁴ Sona ichisa cha Mwene witu chizwile nu lusubilo sona nulughano lo luli mwa Kilisitu Yesu. ¹⁵ Inthumi iyi yiza sona ya bwanaloli po sona yitikiziwe mu vyonsi, ukuti uKilisitu Yesu akiza mu chisu ukupoka abatula nongwa. Ne mubibi nkani pa ichi. ¹⁶ Loli pa chifukwa ichi nkaba ni chisa, ukuti mumwane, ichabwandilo, u Kilisitu Yesu momo angalangizizya ubutenga moyo. Akapanga ichi ngati chimanyikwilo kwa bonsi bo bali nu bwanaloli mu mwache bwa bumi bwabwilebwile. ¹⁷ Po ulu abanyafyale aba myaka, abakwilulumula, abasita kuboneka, u Chala mwene, achindikiwe nu kukweziwa kwa bwilebwile. ¹⁸ Nkubika ululaghilo ulu panthanzi pa pinu, Timoti, mwana wane, ukuyana nu bughonela ubwakale bo bukabowa pa umwe, ukuti lumo mungalwa ubwite ubwiza, ¹⁹ po kolesya ulusubilo na mabyebye amiza. Pakukana ivi, abanthu bamo bataya ulwitiko mu lusubilo lwabo. ²⁰ Bamo mwa aba we Hymenaeus sona Alekizanda, bo nkabapa pa satana ukuti baneniwe ukusita kukoziwa insoni.