¹ Sona nune, ba wamwitu , nthakanena ku kwinu ngati ba ku muzimu ,loli ngati ba ku mubili ngati twana utunandi mwa Kilisiti. ² Nkhabang'wesya ulukama, ivyakulya ivyakughoma hagha, pakuti mutaba bakwisenganya; po buli nakabalilo aka pope muchili mutisenganizye. ³ Pakuti muchili muli ku mubili. Pala utubini nu bulwe vichili vili papinu, mutakwikala ku mubili, sona mutachili mukwenda nu bunthu? ⁴ Pakuti nanthi yumo akuti, ''Nkhumukonkha u Paulo,'' sona abanji bakuti, ''Nkhumukonkha u Apollosi,'' te mwe banthu bwaka? ⁵ Po wewenu yo we Apollosi? Wewenu we Pabulo? Bambombo bo mukasubalilamo, ngati umwene mo akabapela imbombo kwa ali wensi. ⁶ Nkhabyala sona u Apollosi akitililanga, loli u Chala akavikuzya. ⁷ Polelo, pamo yumo yo akubyala nayo akwitilila bate ni mbombo. Loli we Chala yo akuvikuzya. ⁸ Po yo akubyala nayo akwitilila boboka bwaka, wensi akwiza ukupokela ichabupi chache ukuyana ni mbombo zyache. ⁹ Pakuti tukubomba poka nu Chala. We mughunda wa Chala. Chakuzenga cha Chala. ¹⁰ Ukuyana ni chisa cha Chala cho chikapeghiwa ku kwane ngti muzengi uwakumanya nkhani, po nkhabika ulufula po yumo akuzengapo.Wensi u munthu achebe mo akuzengela papo. ¹¹ Pakuti nayumo angazenga ulufula ukuchila lo luzengiwe, yo, we Yeso Kilisiti. ¹² Pakuti nanthi yumo akuzenga pa lufula nu golide, siliva, amabwe amiza, ivikomo, amasote, pamo amalanzi, ¹³ imbombo zyache zikwiza ukubonekela, pakuti ubwelu bukwiza ukuvibonesya. Pakuti vkwiza ukubonekela mu moto. U moto ghukwiza ukughonja ubwiza bwa chimo cho yumo abomba. ¹⁴ Nanthi imbombo ya yumo yasyala, akwiza ukupokela ivyabupi; ¹⁵ loli nanthi imbombo ya yumo yochiwa, akwiza ukwivwa ukubaba, loli umwene akwiza ukupona, ku chilango cha moto ¹⁶ Ka mutamenye ukuti mwe tempeli lya Chala sona ukuti umuzimu wa Chala ghukwikala mu mwinu? ¹⁷ Nanthi yumo akukokomanya i tempeli lya Chala, u Chala akwiza ukumukomanya umunthu uyo. Pakuti i tempeli lya Chala liswepu, lyo mwemwe. ¹⁸ Patakabe u munthu nayumo uwakuti akupusike.Nanthi yumo mwa umwe akwinong'ona ukuti wa mahala mutubalilo utu, abe ''mukonyofu'' ukuti akize abe wa mahala. ¹⁹ Papo amahala gha chisu cha pansi ghakonyofu nu Chala. Pakuti zisimbiwe, ''akubakola ba mahala mububibi bwabo.'' ²⁰ Sona, u Chala amenye ukuti aminong'ono gha bamahala ghabwaka.'' ²¹ Pa chifukwa ichi, nayumo yo akwikwezya mu banthu.Ivinthu vynsi vinu, ²² kwali we Pabulo, pamo we Apollosi, pamo Kefasi,pamo chisu cha pansi,pamo bumi,pamo yomfwa, pamo vinthu vyo vilipo, pamo vinthu vyo vikwiza. Vyonsi ivinthu vinu, ²³ sona mwe ba Kilisiti, u Kilisiti wa Chala,