¹ U Yahweh akanena kwa Moses sona nakwa Aaron. Akati, ² ''Senda ichibelengelo chaba lunyungu abanalume aba Kohath ukufuma pakasi paba Levites, ukwendela mu luko lwabo poka ni nyumba zya banyenya babo. ³ Belenga bonsi abanalume bobali ni miaka satemphaka fifite mubwasongo. Abanalume aba babaghile bongane pokanabanyabo ukuti babombe mu chitembe chakomnilamo. ⁴ Abalunyungu lya Kohath babaghile basungilile ivinthu iviswepu vyo visungiwe ngati vyane mu chitembe chakomanilamo. ⁵ Bobabunganite bisengania pakwendapabuka munthanzi, u Aaron nabana bache babaghile baye mu chitembe, basende ichimwenda chochigebania amalo amaswepu nkhani ukufuma ku malo amaswepu nkhani nukupikila ichibokosi cha bwanaloli poka. Babaghile bakupikile ichibokosi nutumenyu menyu twalikwera ipepusu. ⁶ Babaghile bakupikile umwenda gho wa bulu ghonsi pamwanya pache. Babaghile binjizye amakomo pakuchinyamula. ⁷ Abene bakwenela bakupikile umwenda wa bulu pakatalati aka chibama cho chilipo. Pa ichi babaghile babike isiniya,chitoba, mbakuli, na majagi vyakung`wa vyakwiyipa. Ichibama chibaghile chipitilile pakuba pa katalati. ⁸ Abene bavikupikile pamwana nu mwenda umuchesamu sona nukupikila umwakuyana nukufisiwa ni kwela ilipepe. Babaghile binjizye ikomo panyamula akatalati. ⁹ Bakwenela basende umwenda wa bulu bakupikileichabikapo inyale, ni nyale zyabo, amakomo, siniya, sona na majagi namafuta gha mu nyale. ¹⁰ Babaghile babike ivyabikapo inyale sona nsvyonsi ivyakuyemvia ivya mu chikupikizyo chalikwela ipepusu, sona babaghile babike pachitabwa chanyamulila. ¹¹ Babaghile bakupikile umwenda wa bulu pachighemo cha godi. Babaghile bakupukile ni vyakupikila vya likwela ilipepusu, sona nu kwinjilazya amakomo ghanyamulira. ¹² Babaghile basende vyonsi ivi bombelo vyambombo yabo, zyo babomba pamalo aghasayiwa, nu zinga mu kamwenda aka bulu. Bakwenela bakupikile nivya fisila vya likwela ipepusu nichibika pitabwa lya nyamulila. ¹³ Babaghile baswefwe ilyoto lya mafuta ukufuma pa chighemo nu kupikila umwenda wa pepu pa chighemo. ¹⁴ Babaghile babike pi thabwa lya nyumba ivibombelo vyonsi ivya bombele imbombo yapa chighemo. Ivinthu ivi gho mapani gha pamoto, amafoloko, ama shavelo, siniya ni vililo ivinji vya pa chighemo.Babaghile bakupikile pa chighemo ni kwera ipepusu nukwinjizya amakomo ghanyamulila. ¹⁵ Bo u Aaron nabana bache bamalizya pakupikila amalo amaswepu nivibombelo vyonsi, sona bobabunganite baya munthanzi, po aba lunyungu lwa Kohath, babaghile wize panyamula amalo amaswepu. palabakola ivinthu ivi swepu, babaghile bafwe iyi yoyo mbomboyaba lunyungu lwa Kohath, ukunyamula ivyakumalizya vya mu chitembe chakomanilamo. ¹⁶ U Eleazar umwana wa Aroni umuputiyo akulingaakasungile ka mafuta gha bwelu utwanunkhila , utwakunona, ni vyabupi, vyakulya bwile nebwile izya kuyipa, namafuta agha pakazgila. Alinga vyonsi vyo vili mumo, amalo amaswepu nivyombo.'' ¹⁷ U Yahweh akanena kwa Moses sona nakwa Aaron. Akati, ¹⁸ ''Mutakabitikizye aba liko lwa kwa Kohathite ukuti bidumule mu ba Levites. ¹⁹ Po bomba vino ku kwabo ukuti babe binu batakafwe, para bafika pa vinthu iviswepu: U Aloni na bana bache babaghile binjile, sona ukumulaghizya u munthu wensi ku mbombo yache yo yimubaghile. ²⁰ Loli aba Kohathites bakwenela ukuti batakingile ukuti balinge amalo amaswepu, na kabalilo akanye, babaghile bafwe.'' ²¹ U Yahweh akanena sona kwa Moses. Akati, ²² '' Senda ichibelengo cha lunyungu lwa Geshomu wepe, utwaya twa banyenya sona na luko ghabo. ²³ Belenga bonsi bo bali ni miaka sete ubwasongo ukufikila pa fifite. Belenga bonsi bo bazubapoka pasungila ichitembe chakomanilamo. ²⁴ Iyi yoyo mbombo yaba luko lwa Gershonites, bo bakubomba sona nazyo banyamula. ²⁵ Bakwenela ukuti banyamule imyenda ya chitembe, ichi ivikupikizyo vyalikwela ipepusulyo lili palanyene, nimwenda wapa kwinjilila ukuya ku chitembe chakomanilamo. ²⁶ Babaghile banyamule imyenda ya cha mu nyumba ya lingela numwenda wapa mulyango mu nyumba ya bulongi cho chili papipi ni chitembe sona papipi ni chighemo, inkhusa, ni vibombelo vyonsi vya mbombo yawo na chonsi cho chingabombwa ni vinthu ivi, babaghile bachibombe. ²⁷ U Aaron nu mwana wache babaghile bagholosye imbombo zyonsi zyaba lunyungu lwaba Gershonites, mu vyonsi vyo bakezya, sona namu mbombo zyabo zyonsi. Ubaghile ubabuzye ku vyo vibabaghile. ²⁸ Iyi yoyo mbombo ya lunyungu lwa Gershonites mu chitembe chakomanilamo. Ithamar umwana wa Aaron umuputi abaghile abalongozye pa mbombo zya zyabo. ²⁹ Ubaghile ubelenge aba lunyungu lwa Merari muma luko ghabo, mubalamule muzyanyumba zyabanyenya babo, ³⁰ Ukufuma pamiaka sate ubwasongo muphaka imiaka fifite ubwa songo, belenga wensi yo akaulonda pakuba poka sona nukubomba muchitembe chakomanilamo. ³¹ Ivi vyovyo minoghono ghabo sona pambombo zyonsi zyamuchitembe chakomanilamo. Babaghile basungilile amafulemu ghamu chitembe ni chi mtaliko chapamwanya, milwango, nama soketi. ³² papipi ni vikwangwani vyapamusolo ukuzyungulila umusolo wapa mulwango, apa komalizya ivinthu, ivyapamanthila, ni nkhusa zyabo, na vyonsi ivibombelo vyabo. Muvisimbe amazina ghabo ghavinthu vyo babaghile banyamule. ³³ Izi zyozyo mbombo zyo uluko lwa lunyunga lwa Merari, chonicho bakwenela ukuti babombe ku chitembe chakomanilamo, pansi pa butangilili lwa Ithamar umwana wa Aaron umuputi.'' ³⁴ U Moses nu Aaron nabalongozi bamuchikaya bakabelenga aba lunyungu lwa Kohathites mu luko lwa mbumba yabanyenya babo. ³⁵ Bakababelenga ukufuma pa miaka sate uya panthanzi sona nukupululila mphaka pa miaka fifite. Bakabelenga wensi yo angongana nukubuka ukuti babombe mu chitembe chakomanilamo. ³⁶ Bakabelenga 2,750 abanalume muma luko lwabo. ³⁷ Ulu lolo lubatiko lwa luko lwa Kohathitea bobakabomba mu chitembe chakomanilamo. U Moses nu Aaron bakababele ukuyana namo u Yahweh akabalamulila vyo vikapewa ukwendela mwa Mosese. ³⁸ Aba lunyungu lwa Gershon lukabelengiwa muma luko, ukwendera mumbumba yabanyenya babo, ³⁹ Ukufuma pa miaka sate ufika pamiaka fifite ubwa songo, wensi yo alonda ukuba poka nabanthu bo bakubomba imbombo mu chitembe chakomanilamo. ⁴⁰ Abanalume bons, bakabelengiwa muma luko sona munyuma zya ba nyenya, abakwana 2,630. ⁴¹ U Moses nu Aaron bakabelenga ama luko gha nyungu agha Gershon bo bangabomba mu chitembe chakomanilamo. Pakubomba chino, bakivyila vyo u Yahweh akabalamulila ukuti babombe ukwendela mwa Moses. ⁴² Aba lunyu lwa Merari bakabelengiwa muma luko namu mbumba zyaba nyenya babo, ⁴³ Ukufuma imiaka sate ukufika pa fifite ubwasongo, wensi yo abanabo poka pakubomba mu chitembe chakomanilamo. ⁴⁴ Abanalume bonsi, bakabelengiwa pama luko sona abanyenya bamu mbumba zyabo, bakakwana 3,200. ⁴⁵ Ulu lolo lubatiko lwama luko gha lunyungu lwa Merari, bo u Moses nu Aaron bakabelenga umwakuyana nilamulo lya Yahweh lyo likiza mu nyobe zya Moses. ⁴⁶ Po u Mosese, u Aaron, sona nabamwene bamu Israel bakabelenga aba Levites bonsi ukwendela mu luko lwa mu nyumba zya mubanyenya babo ⁴⁷ Ukufuma imiaka sate mphaka fifite ubwasongo. Bakabelenga wensi yo anga bomba imbombo mu chitembe, sons bobanganyamula nukusungilila ivililo vyo vili mu chitembe chakomanilamo. ⁴⁸ Bakabelenga 8,580 abanalume. ⁴⁹ Pilamulo lwa Yahweh, u Moses akabelenga umwana lume wensi, ukusunga ivibelengo umutundu ghonsi wa mbombo yo apeghiwe pati abombe. Akabelenga umwanalume wensi ukwendela mu mutundu wa mbombo zyo akwenela ukubomba. Pakubomba vino, bakwivwila vyo u Yahweh akabalmuila ukuti babombe ukwendela mwa Moses.