1
Po aka koko kapango kalunyungu lwa Aaron nu Moses bo u Yahweh anena nu Moses pachipili cha Sinai.
2
Amazina agha bana ba Aaron ghakaba, Nadab ukatote, nu Abihu, Eleazer, nu Ithamar.
3
Agha ghogho ghakaba mazina gha bana ba Aaron, abaputi bo bakapakaziwa sona bo bakasaliwa ukubomba ngati baputi.
4
Loli u Nadabu nu Abihu bakafwa panthanzi pa Yahweh bo bakamupa umoto gho ghutakiziwa munkholongo ya Sinai. U Nadab nu Abihu batakaba na bana, po ngati we Eleazar nu Ithamar bo bakabomba ngati baputi poka nu Aaron uwise.
5
U Yahweh akanena kwa Moses. Akati,
6
''Wize nu luko lwa Levi ubalongozye kukwabo kwa Aaron umuputi wabo pakuti amwawve.
7
Babaghile balangizye imbombo mu malo mwa Aaron sona nichikaya chonsi bobatafikite ku chitembe chakomanilamo. Babaghile ukubomba mu chibokosi cha ndaghilo.
8
Babaghile basungilile vyonsi vyo vipangiwe mu chitembe ichakomanilamo, sona babaghile baghavwe amaluko ghaba Izilayeli pakwendesya imbombo zya mu chitembe.
9
Ubaghile ubabike aba Levi kwa Aaron na bana bache. Bo baswepu bapeghiwe ukumutula ukubabombela abanthu ba ku Israel.
10
Ubaghile usale u Aaron na bana bache ukuti babe baputi, loli wensi umuyeni yo apalamila papipi abaghile akomiwe.''
11
U Yahweh akanena kwa Moses. Akati,
12
'' Linga une nabasenda aba Levi ukufuma ku banthu ba Isreal. Nabomba ichi mu malo mwa kusenda ukatote wensi, yo akwighula ulwanda, akufuma pa banthu ba ku Israel. Aba Levi bali mu mwane,
13
pakuti abakatote bonsi bane. Pisiku lila lyo nkhakoma abakatote bonsi ba mu chisu cha Egypt, Nkhababika pambali nemwene aba katote bonsi mu Israel, bonsi abanthu ni vinyama. Bonsi bane. Une ne Yahweh.''
14
U Yahweh akanena kwa Moses mu nkholongo ya Sinai. Akati,
15
'' Belenga aba lunyungu lwa Levi ni mbumba yonsi, muluko lwabo. Belenga umwanalume wensi yo ali nu mwezi ghoka ubwasongo nupululila.''
16
U Moses akababelenga, pakonkhezya amazwi gha Yahweh, ngati mo akamulamulila pakuti abombe.
17
Amazina gha bana ba Levi ghakaba we Gershon, Kohath, nu Merari.
18
Agha ghogho mazina ghabana ba Gershon, mu luko: Libni nu Shimei.
19
Abana ba Kohath, mu luko: Amram, Izhar, Hebron, nu Uzziel.
20
Abana ba Merari, mu luko lwabo : Mahli nu Mushi. agha ghogho maluko ghaba Levi, gho ghasimbiwe uluko pa luko.
21
Uluko lwa Libni na ba Shimeite lukafuma ku Gershon. Agha ghogho maluko gha Gershon.
22
Abamalume bonsi bo basongo nu mwezi boka ubwa songo nu konjelezya bakabelenga, ukongania poka bakakwana 7,500.
23
Amaluko gha ba Gershoni babaghile babungane kubwinjililo bwizuba kokuli ichitembe.
24
Eliasaph umwana wa Lael abaghile alulongozye uluko lwa lunyungu lwa Gershon.
25
Imbumba ya Gershon yikwenela ukupwelelela ichitembe chakomanilamo poka ni chibokosi. Babaghile uku pwelelela ichitembe, ivyakupikila, sona nu mwenda gho babombile pa mulyango wa chitembe chakomanilamo.
26
Bakwenela ukuti basungilile ivya pamusolo ivyakwanikila, sona ichimwenda cha pabwingililo bwa pamusolo--- ni balaza yo yizungulile amalo amasayiwa ni chighemo. Babaghile basungilile inkhusa zya chitembe chakomanilamo na vyosi vyo vili mumo.
27
Aba baluko abakufuma ku Kohath: uluko lwa ba Amramites, uluko lwa Izharites, uluko lwa Hebronites, nu luko lwa Uzzielites. Amaluko agha Kohathites.
28
Abanalume 8,600 babelengiwe aba mwezi ghoka ubwasongo nu bwasongo pakubomba imbombo pamalo aghasayiwa.
29
U luko lwa Kohath lubaghile lubungane kunthende kwa chitembe.
30
U Elizaphan umwana wa Uzziel abaghile ukulongozya inyumba zya banyenya aba ku Kohathites.
31
Babaghile basungilile ichibokosi, akatalati, apakwikazyapo ukoloboyi, ivighemo, ivinthu iviswepu vyo vibombeziwa mu mbombo zyabo, nu mwenda ni mbombo zyonsi izya chizyungulila.
32
U Eleazar umwana wa Aaron umuputi abaghile ukulongozya abanalume bo bakabalongozya aba Levi. Abaghile ukuti abalingisye abanalume bo bakubomba imbombo zya malo aghaswepu.
33
U luko lubili lufumile ku Merari: uluko lwa ba Mahlites sona nu luko lwa ba Mushites. Ama luko agha ghafumite ku Merari.
34
Abanalume 6,200 babelengiwa kale abasongo nu mwezi ghoka ubwa songo nupululila.
35
Zuriel umwana wa Abihail abaghile alongozye inyumba zya banyenya ba Merari. Babaghile ukubungana kumbali yakululu yabokosi.
36
Abanyenya ba Merari babaghile basungilile amatabwa gha chitembe ni chikomo cha pamwanya pa chitembe, pa mulyango, pabwala, na vyonsi ivyela, na vyosi vyo vili kuko, ukonjelezyapo.
37
imphanda zya pa musolo zyo ghachizyungulile ichitembe, mphaka na ma soketi, amapegi, ni nkhusa.
38
U Moses nu Aaron sona na bana bache babaghile babungane pachigaba chakubufumilo bwizuba ku chitembe, kunthanzi kwa chitembe chakomanilamo, kubufumilo bwizuba. Babaghile pakubomba imbombo pamalo amasayiwa sona ni mbombo zya banthu ba Israel. Wensi umuyeni yo apalamila ku pipi kumalo aghasayiwa abaghile akomiwe.
39
U Moses nu Aaron bakabelenga bonsi abanalume mu luko lwa Levi bobakaba nu mwezi ghoka ubwasongo nupululila, ngati mo u Yahweh akamulamulila. Bakabelenga abanalume twente---tu sauzandi.
40
U Yahweh akanena kwa Moses, '' Belenga aba katote abanalume mu banthu aba Israel bobali nu mwezi ghoka nukupululila. Simba amazina ghabo.
41
Ubaghile ubasende abina Levi ngati bane--- une ne Yahweh----mu buyo mwaba katote mu banthu ba Israel, nivitekwa ivya ba Levi mu buyo mwa chitekwa icha katote cha mu lunyungu lwa Israel.''
42
U Moses akabelenga aba katote bonsi aba Israel ngati mo u Yahweh akamulamulila ukuti apange.
43
Akabelenga abanalume aba katote pizina pizina, aba mwezi ghoka ubwasongo nukonjelezyako. Akabelenga abanalume 22,273.
44
Sona, u Yahweh akanena kwa Moses. Akati,
45
''Senda abina Levi mubuyo bwa ba katote mu banthu ba Israel, sona senda ivitekwa vya bina Levi mubuyo mwa vitekwa vya banthu . Abina Levi bali nune -- Une ne Yahweh.
46
Ukupokiwa kwa bakatote 273 abana ba Israel bo bakapululila ubwinji bwa ba Levi
47
ubaghile usende amashekelo fayivi ku wensi uwa aba. Ubaghile ubonvye amashekelo amasayiwa ngati chipimo chakubaghila chabung`wamu bwako. -Amashekelo agha kwane twente gerahs.
48
Ubaghile ukubika ivilipwa vya makopala gho mukamupa u Aaron sona na bana bache.''
49
Po Moses akabunganika amakopala agha bupoka ukufuma kubonsi bo bakapululila mubwinji bwa bo bakapokiwa na ba Levi.
50
U Moses akabunganika amakopala ukufuma ku bakatote ba banthu ba Israel. Akabunganika 1,365 amashekelo, ubung`wamu poka na mashekelo ghamu malo aghasayiwa.
51
U Moses akabapa amakopala agha bupokiwa kwa Aaron na bana bache. U Moses akabomba vyonsi vyo akabuziwa ukuti abombe na mazwu gha Yahweh, ngati mo u Yahweh akamulamulila.