¹ Po aba songo mulunyungu lwa batata babo, imbuma ya Gilead umwana wa Makir( yowe mwana wa Manasseh), yo lunyungu lwa Joseph, akiza anena panthanzi pa Moses napanthazi yaba longozi bobakaba boba songo lya banthu ba mu Isreal. ² Bakati, '' u Yahweh akukulamula uwe, we mwana withu, pakuti ugabe ichisu umwa kusakizya ku banthu ba ku Isreal. Umwe mukalamulika nu Yahweh pakutupa vyo tulinavyo ivya Zelophehad uwamwitu kubana bache abanakazi. ³ Loli nanthi abayemba bache basendwa kuluko ulunji ku banthu baku Isreal, po tuzufumiako imphaka yimo iya sekulu nukonjelezyako kuchikolo chabo. Inthi twize tonjelezyeko kuba luko bobali poka nuswe. Panongwa iyi, inthi chize chifumeko ichighamba ichapyana yitu chotukagabiliwa. ⁴ Munongwa iyi, po umwaka wa lusekelu ulwa banthu baku Isreal polwiza, po ichigaba chabo chizukongana nuluko lo bongana nalo. Munzila yimo, ichigaba chabo chizukusendeka ukufuma kuchigaba chaba sekulu bitu.'' ⁵ Po u Moses akalamula ku banthu ba ku Isreal, namazyu gha Yahweh. Akati, '' vyo abaluko lwa Joseph nulunyungu lukunena vyamomumo. ⁶ Ivi vyo vyo u Yahweh akabalamula ukuyana nabana abanakazi aba Zelophehad. Akati, leke ba sendwe nawe yobakulonda, babaghile basendwe ku chikolo chaluko lwa ba tata babo.' ⁷ Ptakabepo ichigaba cha banthu baku Isreal cho chinga chenja ukufuma kuchikolo choka ukuya kuchinji. Pakuti umunthu wensi mu Isreal inthi abe kuchikolo chaba sekulu bache. ⁸ Wensi umwanakazi mu banthu bamu Isreal yo mpyana ku chikolo chakwabo akwenela ukusenda kumutundu bwakwabo. Umwa kuti umunthu wensi uwa mu Isreal abe nimpyana iya luko lwabo. ⁹ Pete ichagabana nachimo cho chizufumapo mu luko ulunji nukuya mu luko ulunji. Po uluko lonsi ulwa Isreal luzukanilila kuchikolo chache.'' ¹⁰ Po abana abanakazi aba Zelophehad bakabomba ngati mo u Yahweh akamulamulila u Moses. ¹¹ U Mahalh, Tirzah, Hoglah, Milkah, nu Noah, abana abankazi aba Zelophehad,, baka sendwa kubanalume aba lunyungu lwa Manasseh. ¹² Bakasendwa mumbumba ya Manasseh umwana wa Joseph. Munzila yinonyene, impyana yikaba mu luko lwaba wisekulu. ¹³ Agha ghomalamulo namafundwe gho u Yahweh akapeleka kwa Moses pakuti ababuzye abanhtu baku Isreal mumakombe mu moab papipi nulusoko lwa Jordan ku pipi nu Jericho.