¹ U Yahweh akanena kwa Moses akati, ² ''Lamula abanthu aba Isreal sona unene ku kwabo ukuti, ' pomukwinjila mu chisu icha Canaan, ichisu cho inthi chibe chinu, ichisu cha Canaan sona nimphaka zyache, ³ imphaka yinu yakunthende yikwiza pakukula ukufuma kunkholongo ya Zin mumbali mwa mumphaka ya Edom. Ubumalilo bwa bufumilo bwizuba ubwamphaka ya kunthende bukwiza pakuba pamuzele bo bukumala pabumalilo bwa munthende mu nyanja iyikulu iya mbeya. ⁴ Imphaka yinu yikwiza ukung'anamukira kunthende ukufuma ku chipili cha Akrabbim sona nukwenda mumbali mu nkholongo ya Zin. Ukufumila apo, yikwiza ukwenda ku nthende kwa Kadesh Barnea nukupululila ukuya ku Hazar Addar sona ku Azmon. ⁵ Ukufuma apo, imphaka yikwiza pakoleka ukufuma ku Azmon papipi nulusoko lwa Egypt nukuyikonkha ku nyanja iyikulu. ⁶ Imphaka yakubwinjililo bwizuba yikwiza pakuba papipi ni nyanja iyikulu. Iyi yoyikwiza pakuba mphaka yinu. ⁷ Imphaka yinu iya kululu yikwiza pakukula pamunda ghomubaghile mughumanye ukufuma ku nyanja iyikulu ukuya kuchipili cha Hor, ⁸ po ukufuma kuchipili cha Hor ukuya ku Lebo Hamath, po ukuya ku Zedad. ⁹ Po imphaka yikwiza pakupululila ukuya ku Zephron nukumala pa Hazar Enan. Iyi yoyikwiza ukuba mphaka yinu iyaku lulu. ¹⁰ Po mubaghile mumanye imphaka yinu iyakubufumilo bwizuba ukufuma ku Hazar Enan kunthende ukuya ku Shepham. ¹¹ Po imphaka yakubufumilo bwizuba yikwiza ufuma ku Shepham nukuya ku Riblah, pambali iya bufumulo bwizuba ubwa Ain. Imphaka yizupululila mubufumilo bwizu ubwa nyanja iyikulu iya Knnereth. ¹² Po imphaka yikwiza pakupululila ku nthende kumbali ku lusoko lya Jordan ukuya ku nyanja iyikulu iya mbeya sona ukupululila kumphaka yabufumilo bwizuba ubwa nyanja iyikulu. Ichi chikwiza pakuba chisu chako, ukukonkha imphaka zyache konsi.'''' ¹³ Po u Moses akabalamula abanthu baku Isreal ukuti, '' Ichi chocho chisu cho inthi mwize mupokele umwakulawula ngati chuma chinu, cho u Yahweh alamula ukuti ape amaliko nayini sona nakuluko ulya pakasi. ¹⁴ U luko lwaba lunyungu lwa Reuben, ukukonkha ivinthu vyo bakasenda ku luko lwaba sekulu babo, sona nu luko lwaba lunyungu lwa Gad, ukukonkha ivinthu vyo bakasenda kuba luko lwaba sekulu babo, sona naba luko lwa pakasi ulwa Manasseh bonsi bapokela ichisu chabo. ¹⁵ Ama luko ghabili sona nuluko lwa pakasi bapokela ichuma chabo ukupululila ku Jordan pa Jericho kubufumilo bwizuba, kupipi napo izuba likufumila.'' ¹⁶ U Yahweh akanena kwa Moses akati, ¹⁷ ''Agha gho mazina ghabanthu bo bazukugaba ichisu ukuti mupyanemo: U Eieazer umuputi nu Joshua umwana umwanalume uwa Nun. ¹⁸ U baghile usale umulongozi weka ukufuma muluko lonsi ukuti agabe ichusu ngati chuma chabo. ¹⁹ Agha ghomazina ghabanthu: Ukufuma ku luko lwa Judah, Caleb umwana umwanalume uwa Jephunneh. ²⁰ Ukufuma ku luko lwa lunyungu lwa Simeon, Shemuel umwana wa Ammihud. ²¹ Ukufuma ku luko lwa Benjamin, Elidad umwana umwanalume uwa Kislon. ²² Ukufuma ku luko lwa lunyungu lwa Dan umulongozi, Bukki umwana umwanalume uwa Jogli. ²³ Ukufuma mu malunyungu agha Joseph, uwa luko lwa malunyungu agha Manasseh umulongozi, Hanniel umwana umwanalume uwa Ephod. ²⁴ Ukufuma ku luko lwamalunyungu agha Ephraim u mulongozi, Kemuel umwana umwanalume uwa Shiphtan. ²⁵ Ukufuma ku luko lwamalunyungu agha Zebulun umulongozi, Elizaphan umwana umwanalume uwa Parnak. ²⁶ Ukufuma ku luko lwamalunyungu agha Issachar umulongozi, Paltiel umwana umwanalume uwa Azzan. ²⁷ Ukufuma ku luko lwamalunyungu agha Asher umulongozi, Ahihud umwana umulumendo uwa Shelomi. ²⁸ Ukufuma ku luko lwamalunyungu agha Naphtali umulongozi, Pedahel umwana umulumendo uwa Ammihud.''' ²⁹ U Yahweh akabalamula abanthu aba ukuti bagabe ichisu icha Canaan sona nukuti bape amaluko ghonsi agha Isreal ngati chuma chabo.