1
Ya nas kubarin, wodi le kadamin bitakum hajat al sah wa adil. Kede intakum arufu kaman gali
intakum indu sidi if Sama.
2
Istemir takum fi Salawat, sahir takum fogo be wodi shukuran.
3
Kaman
seli takum sawa le nina, kede Allah fata bab le kelima, ashan bi wori al sir al hagiga ta al Mesih.
ashan de robutu ana fok.
4
Seli takum ashan kde ana agder beinu wadeh, ze deiru ana kelim.
5
Dowuru takum be hikma ma nas al fi bara, wa alagu takum zaman.
6
Kede kelimat takum daiman
geni be neima. salau be mileh, ashan intakum bi agder arufu kef intakum bi juwabu ai zol.
7
Wa
be kusus ta haja tai, Tikikos bi wori le intakum. Huwo aku al mahbub, kadam al amin, wa kadam
kaman ma nina fi Rabuna.
8
Ana rasulu huwo le intakum kida, ashan intakum bi arufu mashakil ta
nina, wa ashan huwo bi shejja gulub takum kaman.
9
Ana rasulu huwo sawa ma Onesimos, aku
al amin wa al mahbub, al huwo wahid min intakum. Humon bi wori le intakum kulu hajat al hasil
hini.
10
Aristrikus, sabi tai fi sijin, bi selimu intakum, wa kaman Markos, jena ukut ta Barnaba, (al
intakum ligo talimat min huwo; kan huwo ja le intakum hinak, rudu takum huwo).
11
Wa kaman
Yesuah, al bi nadi gali Yustus. humon yau bes nas al teheru, del yau bes shakalin ma ana ashan
Molokut ta Allah. Humon biga yau bi shejjau ana.
12
Abufaras bi selimu intaum. Huwo wahid min
intakum wa abid ta al Mesih Yesuah. Huwo daiman bi hawil shedid ashan bi seli le intakum.
ashan kede intakum wogif kamil wa malianin fi kulu meshiah Allah.
13
Ana shuhud bito, huwo bi
ishtakal shedid ashan intakum, le del al fi Laudukiya, wa kaman le del al fi Hiyarabolis.
14
Luka
diktor al mahbub wa Dimas bi selimu le intakum.
15
Selimu le akuwana al fi Laudukiya, wa Nimfas,
wa le Kenisa al fi bet bito.
16
Kan agarau risala de fi nus bitakum, kede kaman agarau fi Kenisa
ta nas Laudukiya, wa kaman risala ta nas Laudukiya kede agarau le intakum.
17
Kelim takum le
Arkibos, "aynu le kidma al inta ligo fi Rabuna, ashan kede inta kalasu."
18
Salam de min idan tai
.ana Bulis. Zekir takum genzirat tai. Kede neima geni ma intakum