¹ Ashan keda, la- ano Messiah taab fi Jesed, bi nefsu fekira jahizu takum kaman. La - ano kulu zol al taab fi jesed huwo sibu amulo katiya. ² De yau netija, shikill zol ze de, fi baggi zaman ta haya tuo fi jesed, maa bi ish tani le niaat ta insaan, lakin le Allah. ³ La ano zaman kefaya futu ta amulo hajaat al humon der amulo- shahuwat, sarmatah,sakar,asurubu merrisa, al ketiir, haflaa ta dunia, wa seli le Raunaat tanin al ma deru. ⁴ Humon bi istagrab gali lei itakum ma bi limu ma humon fi niaat tuomon, ashan keda humon bi wonusu hajaat bataal ann itakum. ⁵ Humon bi wodii hisaab le Rabuna al jahiz ashan bi hukumu al ha wa al meit. ⁶ Ashan sabaab de injiil beshiru kaman le nas al meiteen, ashan hataa lo hukumu humon fi gesed ze insaan, hmon bi ish ze Allah fi roho. ⁷ Nihaya ta kulu hajaat bi gaa gerib. Ashan keda kun be muuk al kwes, wa kun takadeel fi fekira ta salawaat. ⁸ fogo kulu hajaat deel, kun takum bi muhaba al shidid le baad takum, ashan muhaba bi kati katiya al ketiir. ⁹ rahibu takum baad takum bidon neng neng. ¹⁰ Ze aye wahid min itakum ligo hadiya, istademu le saado baad. Amulo de ze wokil al kwes fi neima ta Allah. ¹¹ Iza fi aye wahid bi wonusu, kede huwo amulo ze wahid al bi wonusu kelimaat ta Allah. Iza waid bi kadimmu, kede kun min guwa al Alla yau wodii. Amulo hajaat deel ashan Allah bi mejiido fi kulu hajaat bi wasaat Yesuah al Mesia. Kede mejiid wa guwa kun le Yesua a Mesiiah elel abad al abidin Amin. ¹² Al mahbubiin, ma takum istagarab ze nas al garibiin al tegiriba ta naar al hasiil le itakum,. ¹³ lakin ze ma itakum iktebiir taab ta Mesiia, afraa, ashan itakum bi afraa wa kun murtaa fi ilaan ta mejiid tuo. ¹⁴ Kan shitimu ita ashan isim ta Mesiia, itakum mubarikiin, la ano al roho ta mejiid wa roho ta Allah bi geni fi itkum. ¹⁵ Laki kede itkum ma aab ze zol al bi katulu, harami, nas amulo amayiel shirir, aw dokalu fi ummur ta nas tanin. ¹⁶ Lakin kan aye wahid taab ze mesiiah, kede huwo ma kun bi fadiya; lakin, kede huwo mejiido Allah bi isim. ¹⁷ De yau zaman le hukum ashan bi bada ma muminiin ta Allah. Iza kan bada ma anina, shonu yau bi kun netijaa le deel al ma bi ihteram injiil ta Allah? ¹⁸ wa iza " kan insaan bi kalisu bi shokul al shidid kef bi kun le zol al ma arufu Allah wa al katii bi beino kef ? ¹⁹ Ashan keda kede deel al taab le iraada ta Allah. selimu nufus takum le khalig .al amin fi amulo kher