¹ Be teriiga de, itakum nuswan al juozo wodii nefsa takum le rijaal takum. Amulo takum ze de hata lou fi baad min rijaal maa be asuma kalam, ihtemaal humon bi ja bidon ma kelimu le humon. ² Ashan humon ayeno amayel takum al kwes bi ihteram. ³ Kede jamala takum maa kun min bara: mishitu shaar, libisu dahab, aw libisu malabis. ⁴ Lakin kede kun min jowa ta geliba at insaan, wa roho al kwes, al huwo ghali fi gedam ta Allah. ⁵ La- ano nusuwan al kahdisaat kan selimo nufus toumon be terijal de. Humon kan indo sigha le Allah wa wodi nufusum lerijaal tuomon. ⁶ Be nefsu teriga Sarah ihteram Abraham wa nadi huwo rabuna tai. Itakum hasa iyal ta hiya iza itakum amulo hajaat al kwes wa iza itakum maa bi kafu min mashakil. ⁷ Be nefsa teriga, itakum rijaal al juozo kede itakum ish ma nusuwan takum be tafahuum zi sharik al nedif. wodii takum le humom karama zi akwana shuraaka ma itakum fi hadiya ta haya. Amulu takum zi de ashan salawat takum ma be akisu. ⁸ Akiraan, itakum kulu, kede raia takum geni wahid, ihsas wahid, be muhaba zi akuana, be heniya, we nenzelo gelba. ⁹ Mata dafa shar be shar aw shetima be shetima. Bel-aks istamiir ashan be bariko, ashan de yau nadi itakum, yala itamuk be ligo baraka. ¹⁰ Le zol al der ish haya wa ayeno ayam al kwes kede amsuku lisan tuo min shar wa kasuma tou min wonusu kedeb. ¹¹ kede huwo rija min hajaat al bataal wa amulu al kwes. kede huwo fetisu wa doworo wara salam. ¹² Ena ta Rabuna gi ayeno del al abraar, wa adana tuo gi asuma talabaat tumon. Lakin wusa Rabuna deed nas al bi amulu shar.'' ¹³ Munu bi amolo awogu ita iza ita bi itmana al kwes? ¹⁴ lakin iza ita indo waja fi doru adeel, baraka le ita. Mata kafo hajat al humon bi kafu. Mata geni galgan ¹⁵ Lakin, kadisu Rabana Yesua fi geliba takum. Kede itakum kun jahiz ashan bi juwabu kulu zoul al bi asalo ann sigha al le Allah. Amulu takum ze de be tawadu wa ihteram. ¹⁶ Kede itakum indo demier al hai ashan nas al bi shitimo itakum fi hay alkwes fi mesiia beligo fadia ahan humun wonoso ded itakum zi nas al amulu batal. ¹⁷ Huwu kwes, kan de irada ta Allah, ashan itakum be ligo taab fi amulu kwes min amulu batal. ¹⁸ Al mesiia kaman ligo taab wahid marra ashan katia. Huwo yao al nedif lakin lego taab ajel ta nina, enna al ma nedifeen, ashan be jebo nin le Allah. Huwo mutu fi jesed, ¹⁹ lakin huwo hai be wasat ta Rohu. Be wast ta Roho Al kudos, huwo kaman ruwa wa beshir le arwah al hasa fi sejin. ²⁰ Huwmon kan aba asoma kalam zama Allah gi isteno be subor fi zaman ta Noa, fi zaman al kan gi abino Sefina, wa Allah kan ankizu nas besitin - temeniy arwah- be wasat ta moya. ²¹ De yawo mesal ta mamuudeya al ankizu itakun hasa- ma be kasolo wasaka min jesim, lakinbe gedemu demir al kuwes le Allah - bewasat giyama ta Yesua Al Masiia. ²² Masiia fi iden al yemin ta Allah . huwo ruwa le samawat. .Malaykat, sultat, wa guwa be wobe le huwo