¹ Yai itacai Nehemías, iiri yai Hacalias: siucade, ichabacawa yasu quéri yai Quisleu, ya camui 20, camui idecunita nayaca chai yacale cachainirii cayabacatai yasugueii Susa. ² Cai iyuwa aberi nuenasairi, Hananí, yanaca napichaniai aibanai weneiwica Judá neseyei. Ya nusutaca nuemiawa nawalinia judionai ipiayeicatewa, imagueyeimicawa. Nena niai judionai iyeyeicate neni mawinita Jerusalen. ³ Ya naimaca nuli: "Niade iyeyeica pubeyei yacale iricu, cayeica yetacaisi yewise. Nayaca aberi manuiri bayawanasi yewi ,ya caina Jerusalen yawanaca nadeca nasubericani yai inumbale ya nemacaani". ⁴ Caicatani iyuwa nuemica yai tacaisica ya nuyama nuawinacawa ya nuichanica erimanubaca awisica iwawa nese ya idacawa yate isutaca waniri Dios chenuniseri ipichale. ⁵ Nese ya numacaa:"pia waiwacali, waniri chenuniseri , yai mainiri manuica cananama ichaa , yai idenierica tacaisi iwawanacanía machacanita napicha niai iwaweyeicani ya nadeniaca yasu.tacaisi cawenirica. ⁶ pemia yai nusutana piacua pituiwa , yewanapina pide pemica yai nusutanaca ya piasu weneiwicaca. Nua nucalidaca yai ibayawanaca yacale yasuguei Israel , caitate namani nabayawanawa pipuinta . abedanamata ide cabayawanacawia nua nuaniri icape. ⁷ wia maini wamani baweri wawasi pipunita ya camita wade wadeniaca piasu tacaisi ichuliana yai piasu cuyaluta caitanacai yai pichuliarica imanica ya piasu wenaica Moises. ⁸ Pimani cayaberi pite piwitalicutawa ya tacaisi ya pichuliarica imanica piasu weneiwica Moisés caicalicue pimanica iyuwa maiwitaiseyei ya nucalaliaca pía, yewire yai yacalee manuirica. ⁹ Quewa pepuacaliwa nuwere piacaliwa nuasu tacaisi caweniri iwali. Ya pía piteca yai cayaberica, ewita piasu yacalee icalaliacawa yewiba yai erica maini deculeé. Nua nuaca nuwacaidacue pía nese ya nuacawa nuteca piri yai nuederica yewana pina iyaca yai nuipedenaca mamalacata. ¹⁰ Siucade , piasunai wenaica ya piasu yacale niai pichulieyeicate pichaini manuiri iyuwa iyu yai picapi cachainirica . ¹¹ Waiwacali nusutaca picha, pemia siuca yai nusuterica piasu wenaica icha yai isuterica yai piasu weneiwica niai iyeyeica chai cayaberi pipedena iwali. Siucade, yaca cayaberi pisu weneiwica irii pía iri cayaberi wawasica itui ipichale yai asielica. "Nuideica caiwacade iyu iwacuaderi iracalesi iri yai yacalee iwacali.