¹ Iwalita yai queri yasuquei Nisán, iwalita yai camui (20) yasu Artajerjes yai yacalé icueriná ya iniwaca iracalesi ya nua nuibaca yai iracalesi nuaca irini yacale icuerinaca. Siucata, nua canacataita nuya awisiwaca piacualicu. ² Cai yai yacale icuerina ya imaca nuli: ¿Cana mase picacanawa mainisiwata awisicapia? Pia camita cai piwere iyuwa caulequeri ya iwawacuta awisicapia piwawalicuisewa. Nese ya maíni calucanúa. ³ Ya numaca iri yacale icuerina: "¡Cai yai yacale iwacali iyapinaca cairipinata! ¿Canaca yewana nuicacanawa iyaca awisiwaca? Yai yacale iyacataiquei nuaniri icaliculenami, iyaca catulecanacatai ya inumabale nadeca nasuberiacani nemacani quichai iyú". ⁴ Nesecawa yacale icuerina ya imaca nuli: "¿Caina piwawa numanica?" Caide iyuwa nusutana icha yai Waniri chenunieerica. ⁵ Ya nuebaca isana yai yacale iwacalica: "Ya cayabacali iri yai yacale iwacali nia yasu wenaiwicaca namanicali cayáberi ipichale ituii yacualieu, pia yewa pibanuaca yai Judá, yasu yacale iyacataica yai icaliculenamiquei nuanirica yewanapina nua nuchuniacani. ⁶ Yai yacale icuerina yebaca nusana, nuai yacale icuerunaca caitanacai uyaca neni huawinacawa iwaliba ¿Caisimalena eri piyaca bachawale ya caicalina pepuawa nese?" Yai yacale icuerina maini cayabaca numaca iri nuepuacawa nese. ⁷ Nese ya numaca iri yai yacale icuerina: "Iwawacanami yai yacale icuerina imacacali yai cuyalutaca yewacali naca nulini nalipina niai yacale icuerinanaica iyeyeica decule uni icha yewanapina namacaca nucabacawa iwaliaba yai nasu calica, nuacatabapinacawa ayapulicuba alei Judá nere. ⁸ Pimacatanacai caita iyaca aberi cuyaluta iripina yai Asaf, ya icuerica nia iwawataca yasu cai yacale icuerinaca, yewanapina yaca nuli aicu yewacatena numaica vara ya inumabale yai fortaleza iwaliba yai waiwacali icape, iripina yai yawanacai yacaleca, iripina yai capi nuyacataipinaca". Caide iyuwa, yai wawasi imaniricate ya imusuacawa cayaberi icapiricuise ya waniri iyerica nuapicha, yacale iwacali ya yaca nuli yai nusuterica. ⁹ Nua nuawa alei yacale icuerina nere decule uni icha ya nuaca iri cuyaluta yasucai yacale iwacali. Siucade yai yacale iwacalica ya ibanuaca nuapicha aberi uwinai iwitapu aberi cuwesi yapicha. ¹⁰ Caicalina Sanbalat yai Horonita Tobías ya nasu wenaiwica Amonita nemiaca ya nayaca manuisiwata bawawaca canapina aibanai yewana nama nacutaca nayudanapina yai yacale yasucai Israel. ¹¹ Cai iyuwa nuana Jerusalén nere nuyaca neni maisiba eri. ¹² Ya numicacawa catacanami aibanai asianai nuapicha. Cana irita nucalida iwali yerica nuli yai nuanirica imacairica nuwawaricule numanirica iwali yai Jerusalén. Canatate aberi cuwesi nuapicha, metaucuta icha yai nuirica taicawa nutaca. ¹³ Numusuacawa taiyapi inumalicuba yai manucualica, Alede Uniba yasucai Chacal ya inumabale yai nayami iyeyeica nadeyeica yai yawanacai Jerusalén, niai iyeyeica nadeyeica nacuaca italueyeicawa niai verjas aicu nadeca nasuberiacanua nemaca nia quichai iyu. ¹⁴ Nese ya nuacawa inuma nere Alei Uniba nere yasu yalucai yacale iwacali. Yai nayacataica ya maini achumacani nali niai cuwesica cai iyuwa niai nuaweyeica yewana pina nude nuchabaidacania. ¹⁵ Caide iyuwa nuiricawa neniali taiyapi yewiba yai manucualica nuicaca yai yawanaca, nuepuacawa nuwaluacawa inuma iricuba yai manucualica caita nuepuacawa nese. ¹⁶ Niai yacale iwacananai camita naliawa alena nuawa caitanacai iwali numanurica camita nucalida nali niai judionaica, ewita nali niai icueyeica waiwacali icape, ewita niai nobles, ewita nali niai icueyeica yacale, ibata nena iri niai ideyeica imanica yai naibaiderica. ¹⁷ Ya numaca nali: "Picacue picayai bayawanasica yai wayerica iwali, iyuwa Jerusalén imacawa catulecanawaca yai inumabeleca ideca nasuberiacani nemacani quichai iyu. Aquialecue, wacuewa waibaidaca yai yawanacai Jerusalén, ipichana wayaca bainanama. ¹⁸ Numaca nali yai cayaberi icapii nuanirica iyaca nuwali caitanacai iwali yai tacaisica yai yacale icuerina ideca itanica nuli. Niai naimaca: "Pimaca wia wamichaidacawa waibaidacatenami". Caide iyuwa niai picainiade yeica icapi cayabacatena naibaidaca. ¹⁹ Quewa caicalina Sanbalat ya Horonita Tobías yai nasu weneiwica Amonita Gesem yai Árabe nemiaca nawali ya naicanica naquinina bawaca naicacania ya naimaca: "¿Cainacue pimani piyaca? ¿Picacue piyacaa piacawa ipunita yai yacale iwacalica?" ²⁰ Nese ya nuebaca nazana niai; ya nuaniri chenunire yawali yai cayaberi wia yasu weneiwicaca ya wamichaidacawa waibaidacatena quewa piacue. Canaca pimaninapina wawasi aberi iwali iyanaca yai Jerusalén, iyacalenaca.