¹ Mula Paulus, hamba Hatalla lalu rasul Kristus Yesus, am di suruh laie iman urang tapilih laie Hatalla lalu pangingat akan am bujur am maminpin ka kasaleha ² nyaman urang baulih harapan hirup kekal, am dijanyi mula sahompan mula zaman laie Hatalla am honta basa marongka. ³ Metuh waktu-Nya, iyah jadi manampa firman-Nya malalu kesah am jadi am jadi parcaya ka aku samah kan parintah Hatalla, jurus selamat diri. ⁴ Ka titus, ana am sah lalam iman diri banya. Anugrah lalu damai sejahra mula Hatalla, Bapa, lalu Yesus Kristus, jurus selamat kami. (Tugas-Tugas Titus akan Mamilih Penatua ka Kreta.) ⁵ Laie alasan aku ningal kolai ka Kreta, nyaman kolai gawi apa am masih perlu di atur lalu maincang panatua-panatua ka tiap kota, samah kan aku pantal kakolai. ⁶ Inya harus urang am honta barcela, laki mula siku bini, bagora ana am parcaya, lalu honta di tuduh laie hirup am honta bagora malu lalu gusar. ⁷ Laie, urang hompu jemaat harus urang am honta bercela samahkan panatalayan Hatalla, honta sombong, hinta murah gusar, honta pamabu, honta rajin bakalahi, lalu honta sarakah lalam mangau ka untungan. ⁸ Laie inya, hona mori tumpangan, cinta apa am baie, bijaksana, adil, saleh, lalu uluh manguasa kaniri. ⁹ Inya barigas toguh kan paner am ulih di harap, sasuai akan apa amjadi dilajarkan, nyaman inya tahu mori nasehat nulat palajar am baie manyalu urang am malawan nya. ¹⁰ Laie, tege banya urang am rajin ngaruh ka salah, rajin marongka, lalu manipu, khususnya urang am baasal mula kelompok urang basunat. ¹¹ Urang pantas di tutup nya wanya laie urang mampaoyoh uras kaluarga lalu malajar hal-hal am saharus nya honta urang lajar, am jusru manatang hal am mamaluie. ¹² Salah suti mula urang, iyah am nabi urang kaniri,"Dasar urang-urang Kreta pamarongka, bera lau jolu am sia am jahat, lalu pelahap am losung." ¹³ Bungi itie bujur. Laie inya, salu urang hona karas nyaman urang jadi barigas lalam iman. ¹⁴ Hinang maila kesah urang Yahudi lalu parintah urang am manula ka am bujur. ¹⁵ Bagi am barasih, uras iyah am barasih. Tapi, bagi urang am najis lalu honta parcaya, honta tege sutipun am barasih laie baie pikiran lalu hati nurani urang iyah am najis. ¹⁶ Urang mangaku mangasene Hatalla, tapi honi pangawi nya urang malawan Hatalla. Urang iyah jorok, honta taat, lalu honta sangup mangaruh apa am baie.